Oseas 9:17 - Biblia Enxet

¹⁷ Mopmenyeyk elyahakxohok Dios ahagkok xa énxet'ák nak, cháxa keñamak peya sa' elyetnakhaksek ma'a Dios ahagkok, elweynchamha sa' aqsa nepyeseksa m'a pók aptémakxa nak énxet'ák.

Oseas 9:17 ပူးပေါင်းရင်းမြစ်များ

2 Crónicas 18:13

Apchátegmowágkek axta Micaías: —¡Wánxa sa' aqsa axének ma'a apkeltamhókxa enxoho axének ma'a Dios ahagkok! Naqsók xa sektáhakxa nak nápaqtók Wesse' egegkok.

2 Crónicas 36:16

Apkelasméssegkek axta eyke aqsa chá'a m'a apkelseykha axta Dios appeywa, apwanyémók axta m'a amya'a apkelseykha, apkelasméssegkek axta aqsa chá'a m'a apkellegasso nak appeywa, ekwokmoho aplawa apagko' ma'a Wesse' egegkok, apkelenmexa m'a énxet'ák apagkok, massék axta kélewagko kélmássessekmo yaqwánxa etnehek.

Nehemías 5:19

¡Dios ahagkok, kaxénwakxoho sa' apwáxok ektaqmalma sekteméssessamakxa s'e énxet'ák nak!

Salmos 31:14

Makke ay'ásseykmok ko'o exchep Wesse'; atnehek chá'a sekpeywa s'e: “¡Xép apteme Dios ahagkok!”

Proverbios 29:1

Énxet apyennaqtésso nak apwáxok kólnókasha, kaxwo' agko' sa' kólmasséssók meyke apwayam teyp.

Isaías 48:18

¡Kaxtemék axta apkelyeheykekxoho m'a séltémókxa nak chá'a etnehek! Kayágkok axta ektaqmalma apha kaxhok axta m'a ektémól'a kayágkok yegmen ma'a wátsam, kaxhok axta ektaqmeleykekxa apha m'a ekweykenxal'a élyaqyahayam élyawe m'a wátsam ekwányam,

Isaías 7:13

Tén axta aptáha Isaías se'e: “Kóleyxho kéxegke s'e, wesse' apwányam David aptawán'ák neptámen. ¿Kélanagkamcheya kexyókók kólya'aksek exma énxet, kélmako nak han kólya'aksek exma m'a Dios ahagkok?

Jeremías 6:30

Eltamhakpok sa' “sawo élmope élmomnáwa kélchexakha”, hakte xép apkexakha xa, Wesse'.

Jeremías 7:13

Hágkaxwe axta eykhe ko'o altennásekxohok kéltémakxa, axta eyke kólmáheyók kéxegke hélyahakxoho, axta nahan hélátegmoweykegkokxa'. Ko'o sekxeyenma xa, sektáha nak Wesse'.

Jeremías 7:15

Alántekkesek sa' ko'o kéxegke s'e sekhakxa nak, sekteméssessama axta ko'o sélántekkessama m'a kélyáxeg'a axta, cham'a Efraín axta aptawán'ák neptámen.’

Oseas 4:10

Etawagkok sa' eykhe aptéyak, melyaqkanmek sa' eyke, eñama apkelyenseyam apkelyetleykha Wesse' egegkok; elanagkok sa' eykhe apkeltémakxa ekmaso megkalmopsexta, melwetyehek sa' eyke apketchek.

Oseas 4:6

Méko apkelya'áseyak ma'a énxet'ák ahagkok, la'a kélmasséssekmo nak. Keñe exchep apkelmaxnéssesso nak énxet'ák ahagkok, aptaqnagko nak ma'a negya'áseykegkoho, matnéssesek sa' ko'o kaxwók aptamheykha apkelmaxnéssesso énxet'ák ahagkok. Megkaxének sa' ko'o kaxwók ewáxok ma'a aptawán'ák neptámen nak, hakte kelwagqeykmek ma'a nélxekmowásamáxche' ahagkok, ko'o sektáha nak Dios apagkok.

Oseas 7:13

“¡Asagkek sa' katnehek ektáhakxa eñama seyamasma! Káhapwak sa' kélmassésseyam, hakte élenmexeykekxeyk ko'o. Émenyeyk eykhe ko'o alwagkasek teyp ma'a, apkelmopwancha'a amya'a eyke chá'a aptamheykegkok sénmexma ko'o.

Amós 8:2

tén axta aptáha sélmaxneyeyncha'a s'e: —Amós, ¿yaqsa apwet'a? —Xama hówenaq apxagkok kélxata yámet ekyexna élmakhetma —axta ektáhak seyátegmowágkokxo. Tén axta aptáha seyáneya Wesse' egegkok se'e: —Máxa yámet ekyexna élmakhetma aptamhágkok ma'a énxet'ák Israel; malásekhekxók sa' chá'a ko'o kaxwók xama enxoho m'a.

Amós 9:9

Wának sa' ko'o kólektegaxnek ma'a énxet'ák Israel ektémól'a kólektegaxnek hótáhap apaktek ma'a xama hópenyántétkók élyagqáxeykha, meykel'a aptéyam xama enxoho m'a apaqtek.

Miqueas 7:7

Aleyxek sa' eyke ko'o m'a Wesse' egegkok; malwataksek sa' sélhaxanma m'a Dios ahagkok sewagkasso nak teyp, hakte yeyxhok sa' ko'o sélmaxnagko m'a.

Zacarías 1:4

Nágkólteme aptamheykegkaxa axta m'a kélyapmeyk nano', apkeltennassama axta eykhe ko'o sektémakxa sekpeywa m'a nano' apkellegasso axta sekpeywa, aptéma axta apkelanagkama s'e: kólyenyow kéltémakxa élmasagcha'a tén han kélláneyak aqsok ekmaso, axta eyke heháxenmók ko'o m'a, axta nahan hélyeheykekxa'. Ko'o sekxeyenma xa, sektáha nak Wesse'.

Deuteronomio 32:26

“Xénchek axta eykhe ko'o ewáxok waxpánchesek tén han amasseksek apkelxénamap keso náxop,

Deuteronomio 4:25

“Kélwet'ak sa' agkok kélketchek kéxegke tén han kéltawán'ák, tén han kéltamhágko sa' kélwányamók neyseksa kélheykha m'a apkelókxa nak, kélnaqtawásexcheyk sa' agkok kóllanagkok kéleykmássesso essenhan ma'a kélheyáseykegkoho nak ektémakxa ekyókxa xama aqsok, cháxa kéllana aqsok ekmaso nápaqtók Dios Wesse' kélagkok xa tén han kéllókasa,

Deuteronomio 4:27

Yexpánchesha sa' kéxegke Wesse' egegkok elya'aksek ma'a nepyeseksa nak pók aptémakxa énxet'ák, kélqántawók kélagko' sa' kóleymaxchek kéxegke, wánxa sa' aqsa m'a kélheykha nak chá'a apkelókxa apkelya'asakxa enxoho chá'a m'a Wesse' egegkok.