Oseas 8:7 - Biblia Enxet

⁷ Apkeneykekxeyk éxchahayam ma'a, éxchahayam ekyennaqte agko' sa' han enakxagkok; méko sa' aqsok elyaqtennagkok ma'a namyep apagkok nak, méko sa' nahan yaqwayam elanagkok hótáhap ma'a apyexna nak; apkelánegkek sa' agkok ma'a hótáhap nak, pók énxet'ák sa' etawagkok.

Oseas 8:7 ပူးပေါင်းရင်းမြစ်များ

Génesis 41:23

Keñe axta neptámen apkelántepa han siete apyexna élyamaye, éxchahayam ekmexanma élwatno.

2 Reyes 15:19

aptaxnegweykmek axta apchókxa m'a Pul, wesse' apwányam axta Asiria, keñe Menahem apkelmésa treinta y tres mil kilos sawo élmope élmomnáwa, yaqwayam enxoho epasmok énnaqtéssesek ma'a aptémakxa nak wesse' apwányam.

2 Reyes 15:29

Apwokmek axta Tiglat-piléser, wesse' apwányam nak Asiria, aptémakxa axta wesse' apwányam Israel ma'a Pécah, apkelmeyk axta m'a tegma apkelyawe nak Iión, Abel-bet-maacá, Janóah, Quedes, Hasor, Galaad, Galilea keñe han ma'a ekyókxoho yókxexma nak Neftalí. Keñe axta m'a apheykha nak kañe' apkelmoma apnaqleykekxo m'a Asiria.

Job 4:8

Yetneyk ko'o ektémakxa sekwete énxet apkelane nak aqsok ekmaso agko', kápekxohok agko' chá'a m'a ektémakxa nak aqsok ekmaso aptekkesso.

Proverbios 22:8

Énxet aptekkesso nak aqsok ekmaso, kápekxak sa' aqsok ekmaso aptekkesso; ¡Emasséssók sa' Wesse' egegkok yetlo aplómo apagko'!

Eclesiastés 5:16

Cháxa naqsók ektáha eyaqhe egwáxok xa: nentaqhémo, ekhawo ektémakxa axta sekxók nenteyékmo keso náxop. ¿Yaqsa aqsok katekkessesek ma'a eyaqhémo nak apchaqhamap aptamheykha keso náxop?

Isaías 17:11

kéltaqmelchessegkek axta m'a sekxók axta kélcheneykekxo, keñe mók ekhem ekteyapma m'a aqsok aktek kélcheneykekxa. Wa'ak sa' agkok ekmaso m'a aqsok kélcheneykekxa nak megkamowánal'a kaltektépekxa', kasók sa' ma'a aqsok kélcheneykekxa.

Isaías 55:2

¿Yaqsa ektéma kélyánmagkassama nak chá'a selyaqye m'a megkatnaha nak chá'a kélto? ¿Yaqsa ektéma kélméssama nak chá'a kélxawe ekyánmaga kéltamheykha m'a aqsok mehegyaqkánegkesso nak chá'a? Kóltaqmelchesho kélháxenmo sekpeywa keñe sa' kóltawagkok ma'a nento éltaqmalma nak, kóltawagkok sa' ma'a aqsok élmátsa nak.

Isaías 66:15

Hakte ewaták sa' Wesse' egegkok neyseksa táxa, hawók samaxche m'a yátnáxeg apyenyawasso apagkok nak; eyenyenták sa' aplo tén han ma'a táxa eyáléwe apagkok senlegassáseykegkoho nak.

Jeremías 12:13

Apkeneykegkek hótáhap, keñe apnakxeykegko menóke; eyaqhémo temégweykmok ma'a ekyókxoho apkeltamheykha nak. Ántawók ekyexna aqsok kélcheneykekxa, eñama seklómo ahagko' ko'o.”

Lamentaciones 5:2

Mók nekha apkeleñama kaxwók apkelmák ma'a ekyókxoho aqsok egagkok; pók énxet'ák kaxwók aptáhak apagkok ma'a enxanák nak.

Oseas 2:9

Awaták sa' ko'o makham, alwaták sa' ma'a hótáhap apaktek, tén han vino, ekwokmo enxoho eknakxamáxchexa', almekxak sa' nahan ma'a nepkések apwa' ahagkok, tén han apáwa apkeláxñeyo nak, sélmésso axta yaqwayam kalántaxnekxa'.

Oseas 7:9

Apsawhéssegkek apkelyennaqte m'a énxet'ák apkeleñama nak mók nekha, meyke apya'áseyak. ¡Weykmók mey'áseykegko ekmópeya m'a apqátek!

Oseas 9:16

Apyensegkek ma'a Efraín, máxa m'a yámet élyamayél'a kepmenák, ekmassel'a ekha ekyexna. Étak sa' eykhe apketchek, ko'o sa' eyke alnápok.”

Nahúm 1:3

Mepekhaksek chá'a elwok ma'a Wesse' egegkok, apmeyhek eyke, megkatnehek chá'a mellegassáseykegkoho m'a apkelsexnánémap nak. Exog chá'a Wesse' egegkok ma'a neyseksa éxchahayam ekyennaqte, cha'a ekpánchesso apmagkok ma'a yaphope nak.

Hageo 1:6

Xámok kéxegke kélcheneykekxa aqsok, ántawók eyke kélnakxo ekyexna; kélteykegkek eykhe kéltéyak, makke kólyaqkáneykmok; kélyeneykegkek eykhe vino, makke kamassék élnapma ekhem; kélántaxneykekxeyk eykhe kélántaxno apkelyentaxno, makke kalmexanmak kélyempe'ék; keñe m'a énxet kélyánmagkasso nak chá'a apkeltamheykha xama ekhem, megkawakxók chá'a ekyánmaga aptamheykha m'a aqsok élmomnáwa.

Deuteronomio 28:33

Keñe sa' ma'a kélnakxo nak aqsok kélcheneykekxa m'a xapop kélagkok tén han ma'a ekyókxoho ekyexna eñama nak kéltamheykha, etókasek sa' ma'a énxet'ák megkólweteya axta kéxegke, megkamassegwomek sa' chá'a kéllegeykegkoho kélnaqtawáseykegkoho tén han ekmaso kélteméssesakxa.