Oseas 7:14 - Biblia Enxet

¹⁴ Elpáxamha eykhe chá'a ekyennaqte neyseksa aphéyak néten apkelyetnamakxa', háwe eyke ekmámnaqsoho chá'a sewóneykha. Elyensasha chá'a apyempe'ék sélmaxneya enxoho chá'a hótáhap tén han vino, ¡énmexeykekxeyk ko'o m'a!

Oseas 7:14 ပူးပေါင်းရင်းမြစ်များ

Éxodo 32:6

Mók ekhem axta entáhak, axto'ók agko' axta apnaqxétekhágko, apkelwatneyk axta aqsok, apkelnapchek axta nahan apnaqtósso segwetassamo nak nélásekhamaxchekxoho. Tén axta natámen apheyncha'a énxet'ák apmako etawagkok tén han énagkok anmen yámet égmenek, apkelchampákxeyk axta makham néten apmako eneywagkok yetlo apkeltemegweykmohóxma.

Isaías 29:13

Aptáhak ko'o seyáneya Wesse' egegkok se'e: “Apkelpeywa aqsa chá'a ko'o apkelxeyenmak sétleykencha'a xa énxet'ák nak, apatña'ák aqsa apkelxeyenmak chá'a ko'o seyáyo, keñe m'a apkelwáxok nak megkalxegkáseykencha'a heyáwhok ko'o, énxet apkeltémókxa antéhek nahan chá'a m'a aptamheykegkaxa nak chá'a hélpeykesho', apkeltámésamap apagko'.

Isaías 52:5

Keñe kaxwo', ¿Yaqsa sekwet'a? Meykexho aqsok ekmaso apkelánéyak kélnaqlákxak énxet'ák ahagkok ma'a Babilonia. Apkeleykpók apkelpaqméteyncha'a ekyennaqte m'a ektáha nak apkelma, megkeytyapweykmok selókáséyak.

Isaías 65:14

elmeneykmaksek sa' yetlo élpayheykekxa apkelwáxok eñama ekmátsa apkelwáxok ma'a, keñe sa' kéxegke kalpayheykha kélatña'ák, kóllekxagwaha sa' nahan eñama éllapwáméyak tén han ekyentaxnamo kélwáxok.

Jeremías 12:2

Xeyep apkeneykekxa m'a, ektémól'a yámet, kaxek chá'a kepmenák, kawanák chá'a, keñe keyxek. Apkelpeywa aqsa chá'a kaltaqmalmakha exénmakha exchep ma'a, keñe m'a apkelwáxok nak, megkaxegkáseykencha'a kaltaqmalmakha apkelwáxok élxéneykha exchep.

Jeremías 3:10

Axta nahan ko'o hey'ékekták Judá, yetlo segkéssamo agko' awáxok, cham'a seyenseykmo nak ko'o sétleykha, natámen élane xa ekyókxoho aqsok nak, élyexancháseykha axta aqsa chá'a. Ko'o sekxeyenma xa, sektáha nak Wesse'.”

Lamentaciones 2:18

¡Sión ektaqmalma, kalmaxna epasmok Wesse' egegkok! ¡Koho aqsa kalpexyewenták aqtek égmenek ekhem tén han axta'a! ¡Nágkalwátessem ekwóno, nágkamasséssem aqtek égmenek!

Oseas 13:16

Kóllegássesagkohok sa' nahan ma'a énxet'ák Samaria eñama apkenmexeykekxa Dios apagkok. Etekyók sa', sawo sa' chá'a kólyetxa', xapop sa' chá'a kólyenhaksek ma'a apketchek, tén sa' ma'a kelán'ák lós'awo nak, kólpáxqatchesagkok chá'a awokma'ák.

Oseas 13:6

“Xama axta ekyeykhágweykmo kéltéyak kéxegke, keleymáxkók agko' axta kélwáxok, tén axta ekmassama ekxeyenma kélwáxok ko'o.

Oseas 13:9

Amasséssók sa' ko'o kéxegke énxet'ák Israel, méko sa' awanchek henókasha.

Oseas 3:1

Aptáhak axta makham seyáneya Wesse' egegkok se'e: “Exeg makham, yásekhekxoho makham ma'a kelán'a élane nak ma'a pók, cham'a ektawáseykegkoho nak atáwa' élánegwayam pók énxet. Cháxa aptémakxa Wesse' egegkok apkelásekhayo m'a israelitas, elyo'ókxohok eykhe chá'a m'a mók aqsok apkeláyókxa nak, etawagkok han chá'a m'a anmen yámet ekyexna kélyamasso kélyaqyeyáseykekxa kélmésso nak chá'a.”

Oseas 8:2

Keñe aptáha sewóneyncha'a ekyennaqte sey'aweykto s'e: ¡Negya'ásegkók negko'o exchep apteme Israel Dios apagkok!

Amós 2:8

Exnagkok chá'a néten apáwa kélmésso nak chá'a sekxók ekyaqmageykekxa aqsok apagkok kélmassáseykha, epasmok etawagkok ma'a nento kéllánesso nak aqsok kéleykmássesso; etegyagkok chá'a anmen yámet égmenek ma'a selyaqye apkelhaxyawassáseyak nak chá'a apnámakkok meykexho aptamhágkaxa, énagkok chá'a m'a apkelpeykessamókxa nak aqsok apcháyókxa.

Amós 8:3

Kéllekxagweykha sa' katnekxak élmeneykmasamáxchexa nak chá'a tegma apyawe xa ekhem nak. Apxámok sa' énxet eletsapok, kalwanagkohok sa' aqsa exma kólchexák yókxexma m'a aphopák nak. Wesse' egegkok apxeyenma xa.

Miqueas 2:11

Yetneyk agkok xama énxet aptamheykha apmopwána amya'a, etnehek chá'a s'e: “Añeksohok chá'a ko'o kéxegke m'a anmen yámet égmenek, tén han ma'a mók anmen nak”, cháxa yaqwayam etnehek Dios appeywa aplegasso apagkok ekleklamo apwáxok xa énxet'ák nak.

Zacarías 7:5

“Etne sa' elának apyókxoho énxet'ák apheykha nak apkelókxa s'e tén han ma'a apkelmaxnéssesso nak énxet'ák ahagkok: ‘Setenta apyeyam apwokmok kélláneyak kéxegke m'a manto nak nento tén han éllapwáméyak, cham'a ekwákxo enxoho chá'a pelten cinco, tén han pelten siete. Háwe eyke yaqwayam héláwhok chá'a ko'o kélláneykegko xa,

Jueces 9:27

apkelxegkek axta énxet'ák apkelmahágko namyep apnakxégko anmen yámet ekyexna, apkelánegkek axta vino, apkelánegkek axta ekwányam agko' apkelsawássessamo, aptókagkek axta aptéyak, apyenágkek axta han ma'a tegma apkelpeykessamókxa axta chá'a aqsok apcháyókxa, apxénáha axta ekmaso m'a Abimélec.