Oseas 7:10 - Biblia Enxet

¹⁰ Apcheymákpoho keñamak Israel eksexnáneya. Neyseksa eykhe ekteme xa ekyókxoho aqsok nak, melye'eykekxak ma'a Dios Wesse' apagkok, melchetamsók nahan.

Oseas 7:10 ပူးပေါင်းရင်းမြစ်များ

Salmos 10:4

Elsekheykha chá'a elyeheykha etnehek elpaqmétek élmasagcha'a nak apkeltémakxa s'e: “Méko Dios. Méko hexénchásekxohok sektémakxa.” Wánxa ektémakxa élchetamso apkelwáxok xa.

Salmos 14:2

Apkeláneykha chá'a Wesse' egegkok énxet'ák ma'a aphakxa nak néten, yaqwayam enxoho éta', yetneyk kexa énxet apya'áseykegkoho aqsok, apketamso nak chá'a Dios.

Salmos 53:2

Apkeláneykha Dios énxet'ák ma'a aphamakxa nak néten, yaqwayam étak chá'a xama énxet yetneyk kexa apya'áseyak, énxet apketamso nak chá'a Dios.

Proverbios 27:22

Kóltekxók eykhe yetlo aqsok aktek ma'a énxet ekyeyháxma nak, megkamassehek eyke apteme ekyeyháxma'.

Isaías 9:12

Énxet'ák Siria m'a ekpayho nak teyapmakxa ekhem, keñe filisteos ma'a ekpayho nak taxnegwánxa ekhem. Xama apketáméyak apsawhawo m'a énxet'ák Israel. Makke kamassak makham aplo m'a Wesse' egegkok; xénchek makham apwáxok ellegássesagkoho'.

Isaías 9:13

Makke elye'eykekták Dios ma'a énxet'ák, ektáha axta apkellegassáseykegkoho; melchetamsók ma'a Wesse' ekha nak apyennaqte.

Jeremías 3:3

Cháxa keñamak megkamámeya nak ma'a apmopsamágexal'a, tén han ma'a élyapweykxal'a. Hawók xe' megkamegqakto m'a kelán'a ekyaqmagkáseyak pók énxet ekma nak chá'a ekyánmaga ekpathetéyak; ¡kéméxcheyk kamegqágwók!

Oseas 13:14

¿Amallahancheseya ko'o peya enxoho emhagkok ma'a kélya'assamakxa nak chá'a énxet apkeletsapma? ¿Awagkaseya ko'o teyp peya enxoho yetsapok? Nétsapma, ¿háxko ekmahágkaxa m'a ekmowána nak hegaqhek? Takhaxpop, ¿háxko ekmahágkaxa m'a senlagassáseykegkoho nak? ¡Megkalapyóshek sa' ko'o kaxwók alanok xa énxet'ák nak!”

Oseas 5:5

Apcheymákpoho keñamak Israel eksexnáneya; pelápagkassek Efraín ma'a mey'assáxma apagko' nak, ¡kawakxohok sa' nahan Judá appelápeyam xamo' ma'a!

Oseas 6:1

Kólchexyem kélyókxoho, agyo'ókxak makham Wesse' egegkok. Ẽlekkexmeyk axta negko'o m'a, sa' eyke hẽltaqmelchessók makham ma'a; ẽlyensáseykegkek axta, sa' eyke hẽlpextehetchesek makham nélyense m'a.

Oseas 7:7

Apkeláléwomchek ma'a, máxa m'a táxa axagkok la'a, apkelwatnegkek ma'a apkelwesse'e apagkok nak. Apsawhomákpók aptekyóma m'a apkelwesse'e apkelwányam apagkok, méko m'a xama enxoho sewóneykha yaqwayam yának apasmok.

Sofonías 1:6

Amasséssók sa' han ma'a seyamasma nak ko'o, mehektamso nak chá'a tén han mehey'eykekta nak chá'a etegyaha sekpeywa.”

Zacarías 1:4

Nágkólteme aptamheykegkaxa axta m'a kélyapmeyk nano', apkeltennassama axta eykhe ko'o sektémakxa sekpeywa m'a nano' apkellegasso axta sekpeywa, aptéma axta apkelanagkama s'e: kólyenyow kéltémakxa élmasagcha'a tén han kélláneyak aqsok ekmaso, axta eyke heháxenmók ko'o m'a, axta nahan hélyeheykekxa'. Ko'o sekxeyenma xa, sektáha nak Wesse'.