Oseas 6:7 - Biblia Enxet

⁷ “Aphawók Adán ma'a énxet'ák ahagkok, meláneykegkok ma'a ekhémo mók nélpaqhetchásamáxkoho ahagkok, eyamasmeyk nahan sélyetleykha.

Oseas 6:7 ပူးပေါင်းရင်းမြစ်များ

Génesis 3:11

Keñe axta Dios aptáha apkelmaxneyeyncha'a s'e: —¿Yaqsa éltennasa exchep aptáha meyke apáwa? ¿Aptókek enxél'a yámet ekyexna sekmasma axta etwok?

Génesis 3:6

Wet'ak axta ektaqmela agko' kelán'a m'a yámet ekyexna, makawók axta katwok, makawók axta han kaxek ekyekpelchágwayam. Nakxeyk axta xama ekyexna tén axta ektawa, keñe axta han ekmésa m'a atáwa', aptókek axta han ma'a.

2 Reyes 17:15

apkeltaqnagkamchek axta m'a segánamakxa apagkok, keñe han ma'a ekhémo mók nélpaqhetchásamáxkoho apkelánesso axta m'a apyapmeyk nano', tén han apchánamakxa axta etnahágkok apmésso axta. Apkelyetlamchek axta han ma'a aqsok kéláyókxa mékoho agko' nak, ektemessáseykekxo axta han mékoho m'a, apkeláneykegkek axta han ma'a aptamheykegkaxa axta m'a énxet'ák apheykha axta m'a nepyáwa, aqsok apkeltennassama axta meltémo elanagkok ma'a Wesse' egegkok.

Job 31:33

Makpóssók nahan chá'a xama enxoho m'a aqsok magwaqhémo, aptamheykegko nak chá'a m'a pók énxet'ák, mamáheyók han akpósek

Isaías 24:16

Nenleg'awók nahan aptáha apkelmeneykmasa énxet'ák apheykha nak ektemegwánxa néxa xóp se'e: “¡Apcheymákpoho ektáha nak appéwomo!” Tén axta ko'o sektáha s'e: ¡Ko'o laye, asagke nak la'a setnamakxa! ¡Yeykhágwokmók agko' nak la'a ekmaso aptamhágkaxa chá'a appelakkassesso apsexnenagko pók ma'a énxet'ák appelakkassesso nak chá'a esexnenak pók!

Isaías 24:5

Kéltawáseyha xapop eñama m'a énxet'ák apheykha nak kañe', hakte massegweykmek apkelánéyak ma'a Dios segánamakxa apagkok nak, massegweykmek apkelyeheykekxoho m'a apkelánémakpexa nak chá'a etnahagkok, aptawáseykha m'a ekhémo mók apkelpaqhetchásamákpoho axta Dios meyke néxa.

Isaías 48:8

Meñeyk xép kaxénaxchek xa, meteyk nahan, hakte yókxoho ekhem ekteme meyke apeyk'ák. Ekya'ásegkók ko'o exchep apteme melane chá'a m'a aptáhakxa enxoho appeywa, apkeltamhomakpek axta exchep ekyennaqte apwáxok ma'a apyetnamakxa axta egken awáxok.

Jeremías 3:7

Énagkamchek axta ko'o hey'ótak makham natámen élane xa ekyókxoho aqsok nak, neyke hey'ékekta'. Wetayak axta han yáxeg Judá xa, cham'a seyenseykmo nak ko'o sétleykha;

Jeremías 31:32

Cháxa ekhémo mók nélpaqhetchesamaxche nak, megkaxók sa' ma'a sélánéssama axta m'a apyapmeyk nano', sélmoma axta apmék sélántekkessama m'a Egipto; hakte axta eláneykegkok ma'a ekhémo mók nélpaqhetchásamáxkoho ahagkok, sektáhakxoho eykhe ko'o apagkok. Ko'o sekxeyenma xa, sektáha nak Wesse'.

Jeremías 34:18

Apheyásawók axta mók apkelpaqmeyesma nahaqtók ko'o m'a apkelámha apmonye'e nak Judá tén han ma'a Jerusalén, yetlo m'a kélásenneykha axta chá'a m'a wesse' apwányam apxagkok, tén han ma'a apkelmaxnéssesso nak énxet'ák ahagkok, tén han ma'a nápakha nak énxet'ák: appáxqatchek axta neyseksa weyke kennawók étkok, apkelyeykhákxeyk axta chá'a m'a neyseksa nak. Tén axta melánegko m'a ekhémo mók apkelpaqhetchásamákpoho nak, axta elánegkok ma'a aqsok apkelxeyenma axta elanagkok.

Jeremías 5:11

Eyamasmeyk ko'o m'a énxet'ák Israel tén han Judá. Ko'o sekxeyenma xa, sektáha nak Wesse'.”

Jeremías 9:6

elyaqmagkasek apkeltémakxa. Aptáhak Wesse' egegkok se'e: “¡Ketók mók apketámeyak pók, ketók mók apkelyexancháseykha pók! Memáheyók ko'o hékpelchágwók énxet'ák ahagkok.

Oseas 5:7

Apkelyamasmeyk apkelyetleykha m'a Wesse' egegkok, hakte pók énxet apketchek ma'a apketchek nak. Ekmanyehe agko' sa' kólmasséssessók ma'a xapop apagkok nak, eñama apkelyamasma apkelyetleykha m'a Wesse' egegkok.

Oseas 8:1

“Epáwes apchaqkahasso, aptémól'a m'a énxet apkelhaxneykhal'a nepyeseksa Wesse' egegkok énxet'ák apagkok. Hakte meláneykegkok ekhémo mók nélpaqhetchásamáxkoho ahagkok, apkenmexeykekxeyk ma'a nélxekmowásamáxche ahagkok.

Deuteronomio 31:20

Hakte élántaxnéssek sa' agkok ko'o m'a xapop séltennassamakxa axta ko'o m'a apyapmeyk nanók axta, cham'a xapop ényahamakxa nak weyke nagkeygmenek tén han ma'a yányawhéna' apyegmenek ektémól'a kanyehek ma'a yegmen, tén han aptókagko sa' ekwokmoho apkelyaqkanakmo tén han apnaqmel'a sa', keñe sa' elyetlakxak ma'a mók kéláyókxa nak, elpeykeshok sa' nahan, keñe sa' ko'o hetaqnawágwók, etwasha sa' ma'a ekhémo mók nélpaqhetchásamáxkoho ahagkok nak.