Oseas 6:11 - Biblia Enxet

¹¹ Keñe exchep Judá, ekpekkenchessek ekhem yaqwánxa añássesagkoho'. “Ekyókxoho sekmáheyo chá'a ayaqmagkassesek ektémakxa apheykha m'a Israel,

Oseas 6:11 ပူးပေါင်းရင်းမြစ်များ

Job 42:10

Keñe axta natámen apkelmaxnéssesso Job ma'a apkelxegexma'a nak, apmeyásekxeyk axta makham Dios ektaqmalma apheykha, ektéma axta m'a nanók axta, apyeykhássessekmók axta apkelmésso m'a aqsok, cham'a ekwánxa axta ekyetnama m'a sekxók axta.

Salmos 126:1

Xama axta aptemessáseykekxo makham Wesse' egegkok Sión ma'a ektémakxa axta nano', máxa negwanmagko axta temék.

Salmos 85:1

Wesse', tásek xép apteméssessamakxa s'e apchókxa nak; aptaqmelchessásekxeyk makham apheykha m'a Jacob énxet'ák apagkok;

Jeremías 30:10

“Ektáhak ko'o sekpeywa s'e, sektáha nak Wesse': Jacob énxet'ák apagkok, apteme nak séláneykha, nágkóle'; Israel, ná égwe', hakte atekkesek sa' ko'o exchep se'e apchókxa makhawók agko', kélchexakhagweykenxa axta kélántekkessama yetlo aptawán'ák neptámen. Meyke ektáhakxa kélheykha sa' katnekxak makham, tén han ektaqmalma, meyke xama aqsok enxoho yaqwayam kalyegwakkasha.

Jeremías 51:33

Hakte aptáhak Wesse' ekha apyennaqte Dios apagkok nak Israel se'e: “¡Aphawók Babilonia m'a kélchexakkassamakxa nak chá'a apyempe'ék hótáhap apaktek, kaxwók sa' kammok ekhem eknakxamáxchexa apaktek!”

Joel 3:13

Kólyaqtennák sa' ma'a, hakte asagko' agko' apkeltémakxa, sa' kólteméssesek ma'a aptémól'a hótáhap apyexna apmakhetma kólyaqtennek, hakte wokmek ekhem kélyaqténmakxa; kólteyammaha sa' ektémól'a anmen yámet ekyexna kólteyammaha, hakte penchásexcheyk yaqwayam kalanaxchek vino.

Miqueas 4:12

Makke elya'ásegkok élchetamso apwáxok Dios xa pók aptémakxa énxet'ák nak, tén han ma'a aqsok apmáheyo nak elána'; melya'ásegkok apmáheyo yánchásekxak, ektémól'a hótáhap apyexna kéltéteykekxa kélchexakkassól'a apyempe'ék apák.

Sofonías 2:7

Énxet'ák Judá sa' emekxak xa apchókxa nak, cham'a apkeleymomap nak meletsapma, apwa'akto sa' epásegwaták ma'a Dios Wesse' apagkok, apyaqmagkassesa sa' mók ma'a ektémakxa nak apheykha. Sa' elanha apnaqtósso nepkések ma'a, keñe sa' axta'a ellókassekxak chá'a apkelyampe m'a tegma apheykegko nak Ascalón.