Oseas 5:4 - Biblia Enxet

⁴ Apkeltémakxa ekmaso megkahayók elyo'ókxak Dios apagkok ma'a énxet'ák, melya'ásegkok ma'a Wesse' egegkok, eñama élmá apkelwáxok apkeláneyak apkeltémakxa ekmaso megkalmopsexta'a.

Oseas 5:4 ပူးပေါင်းရင်းမြစ်များ

Salmos 78:8

metnahagkek ma'a aptamheykegkaxa axta apyapmeyk nano', élyennaqte apkelwáxok, tén han élyeyháxma, ekmanyehe eyaqmagkasek mók élchetamso apkelwáxok, ¡énxet'ák apkelyenseyam nak apkelyetleykha Dios!

Salmos 9:10

Wesse', mey'ássemek chá'a exchep ma'a énxet apya'áseykegkoho nak, meyenyewek chá'a m'a apya'eykekxa nak chá'a exchep.

Jeremías 24:7

Agkések sa' apkelya'áseyak yaqwayam sa' elya'ásegwók sektáha ko'o Wesse', énxet'ák ahagkok sa' ko'o atnehek ma'a, keñe sa' ko'o etnehek Dios apagkok, hakte hey'ótak sa' ko'o yetlo ekmáyheykegkoho agko' apkelwáxok.

Jeremías 50:38

¡Kóltawásesha wátsam apagkok: kalyameygkok sa'! Hakte Babilonia ekteme xama apchókxa ekheykegkaxa kéleykmássesso élmaso agko', cháxa élyeykessama nak exma xa.

Jeremías 9:24

Apmakók agkok keyxkohok appeywa exénakpekxohok xama énxet, kéméxcheyk keyxkohok appeywa hexének ko'o sey'áseyak, sey'ásegkoho sektáha ko'o, Wesse', séláneyól'a chá'a aqsok keso náxop yetlo seyásekhayo, tén han ektaqmalma, tén han ekpéwomo, hakte cháxa ekleklamo nak chá'a ko'o ewáxok xa. Ko'o sekxeyenma xa, sektáha nak Wesse'.”

Jeremías 9:6

elyaqmagkasek apkeltémakxa. Aptáhak Wesse' egegkok se'e: “¡Ketók mók apketámeyak pók, ketók mók apkelyexancháseykha pók! Memáheyók ko'o hékpelchágwók énxet'ák ahagkok.

Oseas 13:13

Wokmek ekhem yaqwánxa etyapok Israel, makke ey'ásegkok ma'a yaqwánxa enxoho etyapok, hakte ekyeyháxma apagko'.

Oseas 4:1

Israelitas, kóleyxho aptáhakxa nak appeywa Wesse' egegkok. Appekkenchek yaqwayam elxénchásekxohok apkeltémakxa énxet'ák apheykha nak se'e apchókxa nak, hakte méko kaxwók mekxeymákpoho nepyeseksa énxet'ák se'e, tén han melyepetcheykha apnámakkok; massegkek apkelya'áseyak ma'a Dios.

Oseas 4:11

“Ekmaso nentémakxa mansexta, tén han negyá vino, awanchek hegyeykesek exma.

Oseas 4:12

Apkelpaqhetchásamákpók chá'a aqsok apkeláyókxa nak yántéseksek ma'a énxet'ák ahagkok; yámet chá'a elmaha eltamhok elya'asagkohok aqsok megkólya'áseyak nak. Kelmomchek ma'a ektémakxa nak apkelyespagko apkeláneyak megkalmopsexta, melaqhémók chá'a ámay apagkok ma'a énxet'ák ahagkok: apkeláneykegkek apkeltémakxa megkalmopsexta'a apyamasma m'a Dios apagkok.

Oseas 4:14

Mallegássesagkók sa' eyke ko'o m'a kélketchek eñama ekyaqmagkáseyak pók énxet ektegyéyak selyaqye, mallegássesagkók sa' han ma'a kéltánegken'ák nak eñama eknaqtawáseykegkoho chá'a anaqteyegka'a élánegwayam chá'a pók énxet, kéxegke kélagko' han chá'a kéltegyéyak ma'a kelán'a ekyaqmagkáseyak nak pók énxet ektegyéyak selyaqye; kólyepetchekxak chá'a kéxegke kelán'ák éláneyak nak chá'a xa ektéma nak, kólnáhakkasek aqsok kélnaqtósso m'a éláyókxa nak. ¡Keñe kólnaqtawasha chá'a m'a énxet'ák meyke nak apkelya'áseyak!

Oseas 4:6

Méko apkelya'áseyak ma'a énxet'ák ahagkok, la'a kélmasséssekmo nak. Keñe exchep apkelmaxnéssesso nak énxet'ák ahagkok, aptaqnagko nak ma'a negya'áseykegkoho, matnéssesek sa' ko'o kaxwók aptamheykha apkelmaxnéssesso énxet'ák ahagkok. Megkaxének sa' ko'o kaxwók ewáxok ma'a aptawán'ák neptámen nak, hakte kelwagqeykmek ma'a nélxekmowásamáxche' ahagkok, ko'o sektáha nak Dios apagkok.

Oseas 7:11

Aphawók Efraín ma'a aptémól'a wáx'ay ekyeyháxmal'a, meyke apya'áseyak aqsok: aptegyágweykmek ekpasmo m'a Egipto, keñe apmeyeykekxo nahan ma'a Asiria.

Oseas 8:11

“Apkeláneykegkek Efraín ekxámokma agko' ekwatnamáxchexa aqsok ma'a, wánxa aqsa yaqwayam chá'a elának ma'a melya'assáxma.

1 Samuel 2:12

Asagkek axta apkeltémakxa m'a Elí apketchek, megkalxének axta apkelwáxok ma'a Wesse' egegkok,