Oseas 5:14 - Biblia Enxet

¹⁴ Sa' atnehek ko'o aktamagkok Efraín, tén han Judá m'a ektémól'a méwa kaktamagkok aqsok, ko'o ahagko' sa' han atnéssesagkok nápakha'a apketkók, tén sa' axñekxak makham, alyenyawasagkokxak sa', méko sa' kalwagkasek teyp.

Oseas 5:14 ပူးပေါင်းရင်းမြစ်များ

Job 10:16

Eyeyxkók agkok ko'o, heyaqmaksek xép ektémól'a méwa, weykmók apkelane m'a aqsok sempelakkasso nak agweta' apmáheyo hemasséssók.

Job 10:7

neyseksa eykhe apwete meyke seksexnánémaxche', tén han apwete méko xama énxet apwanchek hewagkasek teyp neyseksa sema exchep?

Salmos 50:22

“Kólya'asagkoho sa' se'e, kéxegke megkaxeyenma nak kélwáxok Dios, kélnápakha'a apketkók katnehek atnéssesek, méko kalwagkasek teyp:

Isaías 5:29

máxa nahan méwa ekyexwéweykha m'a apkelwehéseykha nak, ektémól'a keyxwéwha kamok ekyógkexma, keñe kaswok, méko nahan keymentemekxa'.

Jeremías 25:38

Máxa aptáhak aptepa m'a yámakméwa ekteyapmal'a axagkok, meyke xama aqsok tamhákxak ma'a apkelókxa nak, hakte aplókók apagko' ma'a Wesse' egegkok, apcha'ak kempakhakma ekmaso agko'.

Lamentaciones 3:10

Máxa méwa élyexanmeykha aptemék séláneykencha'a, ektémól'a óso ketók sethanmakxa'.

Oseas 13:6

“Xama axta ekyeykhágweykmo kéltéyak kéxegke, keleymáxkók agko' axta kélwáxok, tén axta ekmassama ekxeyenma kélwáxok ko'o.

Oseas 2:12

Amasséssessók sa' ma'a éneykekxa nak anmen yámet, tén han ma'a éneykekxa nak higo, ektéma nak chá'a ekxeyenma s'e: ‘Keso ekyánmaga segkésso nak chá'a ko'o m'a sélpathetéyak nak chá'a.’ Ekmompánaqma sa' atnessásekxak, aqsok nawha'ák éllo sa' katókasek.

Oseas 6:1

Kólchexyem kélyókxoho, agyo'ókxak makham Wesse' egegkok. Ẽlekkexmeyk axta negko'o m'a, sa' eyke hẽltaqmelchessók makham ma'a; ẽlyensáseykegkek axta, sa' eyke hẽlpextehetchesek makham nélyense m'a.

Amós 2:14

Megyegketakpek sa' ma'a apyennaqte nak apkenye; kamaskok sa' apyennaqte m'a ekha nak apyennaqte, mewagkasakpek sa' teyp ma'a megyeye nak emhagkok eyesagkexa.

Miqueas 5:8

Keñe sa' nepyeseksa apxámokma énxet'ák, apkeleymomap nak ma'a Jacob énxet'ák apagkok, máxa yámakméwa sa' etnahagkok neyseksa m'a aqsok nawha'ák éllo nak, máxa méwa sa' etnahagkok ekleykhal'a nepyeseksa m'a nepkések kélnaqtósso, ektahanmal'a neyseksa ekyeykhe keñe katnéssesek nápakha'a apketkók, eksawhomól'a kalnápok apyókxoho.

Deuteronomio 28:31

kamátog sa' eykhe chá'a kélnápaqta'awók weyke kennawók kéltósso, megkóltewek sa' eyke chá'a m'a ápetek nak; kólmenyexchesek sa' eykhe chá'a kélnápaqta'awók yámelyeheykok kéltósso, megkólxewekxeyk sa' eyke chá'a; elmok sa' nepkések kélnaqtósso m'a kélenmexma nak, méko sa' kapasmok yaqwayam enxoho kólmekxak makham ma'a.

Deuteronomio 32:39

Ko'o sekwánxa ahagkok xama Dios; méko mók aqsok kéláyókxa, Ko'o sekmésso chá'a ekyennaqte apnények énxet, tén han apketsapma chá'a; ko'o nahan sekyensasso chá'a, tén han sektaqmelchessesseyam chá'a. ¡Méko xama énxet hégketek ko'o!