Oseas 4:6 - Biblia Enxet

⁶ Méko apkelya'áseyak ma'a énxet'ák ahagkok, la'a kélmasséssekmo nak. Keñe exchep apkelmaxnéssesso nak énxet'ák ahagkok, aptaqnagko nak ma'a negya'áseykegkoho, matnéssesek sa' ko'o kaxwók aptamheykha apkelmaxnéssesso énxet'ák ahagkok. Megkaxének sa' ko'o kaxwók ewáxok ma'a aptawán'ák neptámen nak, hakte kelwagqeykmek ma'a nélxekmowásamáxche' ahagkok, ko'o sektáha nak Dios apagkok.

Oseas 4:6 ပူးပေါင်းရင်းမြစ်များ

2 Crónicas 15:3

Ahóxók agko' apteme meyke Dios apagkok apmámnaqsoho m'a Israel, tén han meyke apkelmaxnéssesso Dios énxet'ák apagkok yaqwayam elxekmósek chá'a, keñe han meyke kélxekmowáseyak eñama nak Dios.

Job 36:12

Agkok elyahákxa', eletsapok exnagwók kañe' takhaxpop, melya'ásegwánxa nak makham.

Salmos 119:139

Alwok ahagko' chá'a ko'o ótak kalwagqamagkok appeywa m'a sélenmexma nak.

Salmos 119:153

Elano ektémakxa seklegeykegkoho, hemallahanches, hakte mehelwagqeykmok ko'o m'a nélxekmowásamáxche apagkok nak.

Salmos 119:61

Ewakhassegkek chá'a ko'o kelhanma m'a élmasagcha'a nak apkeltémakxa, mehelwánaqmeyk eyke chá'a ko'o m'a nélxekmowásamáxche apagkok.

Salmos 18:27

Elwagkashok eyke chá'a exchep teyp ma'a megkaleymáxkoho nak apkelwáxok, mékoho eyke chá'a etnessásekxak ma'a éleymáxkoho nak apkelwáxok.

Proverbios 10:21

Apxámok etnehek énxet ekpasmo appeywa m'a énxet appéwomo nak, keñe m'a énxet ekyeyháxma nak, yetsapok aqsa chá'a eñama apteme ekyeyháxma.

Proverbios 19:2

Asagkek agmáwhok agko' anlának aqsok meyke nak sekxók élchetámeykha egwáxok; magaqhók chá'a m'a nempekhésa enxoho chá'a.

Isaías 1:3

Keykpelkohok ótep ma'a weyke, kay'asagkohok nahan aphaxta apagkok ótep ma'a yámelyeheykok, keñe m'a Israel, énxet'ák ahagkok ahagko' nak melyekpelchehe', méko nahan apkelya'áseyak.”

Isaías 17:10

hakte kelwagqámeykegkek ma'a Dios ektáha axta apkelwagkasso teyp, megkaxeyenmak kélwáxok apteme axta apkelmasma apyennaqte m'a. Kélchekhamchek kéxegke s'e namyep étkók éltaqmalma nak, kélchencháseykekxeyk pánaqte exnók ma'a aqsok kéláyókxa éleñama nak mók nekha,

Isaías 27:11

Kalekkexaxchek chá'a aktegák xama yámet ekyawe élyamaka enxoho; keñe chá'a kelán'a kalmok katnehek táxa agkok. Énxet meyke apkelya'áséyak aqsok xa. Ékeso éñamakxa peya sa' megkalepyósek elanok ma'a ektáha axta Apkelane.

Isaías 28:7

Yetneyk nahan chá'a nápakha apkelyawheykha eñama élnapma vino tén han élpelápagkáseykha chá'a m'a anmen ekyennaqte segaqhamól'a: apkelyawheykha chá'a m'a apkelmaxnéssesso nak Dios énxet'ák apagkok tén han ma'a Dios appeywa apkellegasso nak eñama élnapma m'a anmen ekyennaqte segaqhamól'a, kelyeykessegkexma m'a vino; kelpelápagkáseykha m'a anmen ekyennaqte segaqhamól'a, elyawheykha chá'a m'a apkelwet'a enxoho aqsok kélxekmósso, kalnápok nahan chá'a m'a apkelxéna enxoho yaqwánxa kólteméssesek xama énxet.

Isaías 29:12

Kélméssek agkok nahan xama m'a énxet megkamopwána nak elyetsetek, katnehek amya'a yánékpok se'e: “Elyetset se'e”, keñe etnehek yátegmowagkok: “Mowanchek ko'o alyetsetek.”

Isaías 3:12

Sakcha'a m'a apnaqtawáseykegkoho nak énxet'ák ahagkok; kelán'ák kaxwo' tamheykegkok ma'a wesse' apagkok. Énxet'ák ahagkok, apkelyexancháseykha kéxegke m'a apkelámha apmonye'e kélagkok, apkelxegánegkessegkek apkelya'áseykekxo m'a mók ámay.

Isaías 45:20

“Kólaqnekxa', kólchexyem, kólchaqnágwatámho kélyókxoho s'e énxet'ák kéleymomáxche nak megkóletsapma. Melya'áseyak aqsok ma'a apkelseykha nak chá'a aqsok kéleykmássesso apagkok yántéseksek tén han apkelpaqhetchesso nak chá'a m'a aqsok kéláyókxa megkamowána nak hegwagkasek teyp.

Isaías 5:13

Kólnaqlakxak sa' megkatnahakxa nak apkelókxa m'a énxet'ák ahagkok, eñama megkalyaqwáméyak elya'asagkoho'. Eletsapok sa' meyk tén han hem át'ák ma'a apyókxoho énxet, ekweykekxoho m'a apkelámha apmonye'e apagkok.

Jeremías 2:8

Mehektamsók ko'o m'a apkelmaxnéssesso énxet'ák ahagkok, mehey'ásegkok ko'o m'a énxet'ák apkelxekmósso nak segánamakxa énxet'ák ahagkok, élmexeykekxeyk ko'o m'a apkelámha apmonye'e nak, keñe m'a apkellegasso nak sekpeywa, apkelxeyenma chá'a m'a Baal ekwesey, apkelyetleykekxeyk ma'a aqsok kéleykmássesso ekteme nak mékoho.

Jeremías 4:22

“Élyeyháxma m'a énxet'ák ahagkok, mehey'ásegkok nahan —axta aptáhak Wesse' egegkok—. Kélketchek melya'áseyak aqsok, megkalchetámeykha nak apkelwáxok. Apwancha'ak elanagkok ma'a aqsok ekmaso, keñe mopwancha'ak elanagkok ma'a aqsok ektaqmela.”

Jeremías 5:21

‘Kóleyxho sa' se'e, énxet'ák élyeyháxma meyke nak kélya'áseyak, ekha nak eykhe kélaqta'ák, megkólwetyehek eyke, ekha nak eykhe kélheyk'ák, megkóllegyehek eyke.

Ezequiel 44:23

“Appasmo apkelmaxnéssesso Dios énxet'ák apagkok payhawok elxekmósek énxet'ák ahagkok ektémakxa nenteméssesso megkaxnémo mók ma'a aqsok ekpagkanamaxche nak tén han ma'a megkatnaha nak ekpagkanamaxche', tén han ma'a eyáxñeyo nak tén han ma'a ekmanyása nak.

Oseas 13:6

“Xama axta ekyeykhágweykmo kéltéyak kéxegke, keleymáxkók agko' axta kélwáxok, tén axta ekmassama ekxeyenma kélwáxok ko'o.

Oseas 2:13

Añássesagkohok sa' ko'o ektémakxa axta m'a nentámen axta élméssama axta chá'a kéleykmássesso m'a aqsok ekmátsa nak ekpaqneyam éten agkok, élnáxegkáseykencha'a axta chá'a élatchessessama aphék ma'a élatchesso aphék, tén han élnatanma, yaqwayam kalyetlók ma'a élpathetéyak nak chá'a, ekmassama axta ekxeyenma awáxok ko'o. Ekxénchek ko'o xa, sektáha nak Wesse'.

Oseas 4:1

Israelitas, kóleyxho aptáhakxa nak appeywa Wesse' egegkok. Appekkenchek yaqwayam elxénchásekxohok apkeltémakxa énxet'ák apheykha nak se'e apchókxa nak, hakte méko kaxwók mekxeymákpoho nepyeseksa énxet'ák se'e, tén han melyepetcheykha apnámakkok; massegkek apkelya'áseyak ma'a Dios.

Oseas 4:12

Apkelpaqhetchásamákpók chá'a aqsok apkeláyókxa nak yántéseksek ma'a énxet'ák ahagkok; yámet chá'a elmaha eltamhok elya'asagkohok aqsok megkólya'áseyak nak. Kelmomchek ma'a ektémakxa nak apkelyespagko apkeláneyak megkalmopsexta, melaqhémók chá'a ámay apagkok ma'a énxet'ák ahagkok: apkeláneykegkek apkeltémakxa megkalmopsexta'a apyamasma m'a Dios apagkok.

Oseas 4:14

Mallegássesagkók sa' eyke ko'o m'a kélketchek eñama ekyaqmagkáseyak pók énxet ektegyéyak selyaqye, mallegássesagkók sa' han ma'a kéltánegken'ák nak eñama eknaqtawáseykegkoho chá'a anaqteyegka'a élánegwayam chá'a pók énxet, kéxegke kélagko' han chá'a kéltegyéyak ma'a kelán'a ekyaqmagkáseyak nak pók énxet ektegyéyak selyaqye; kólyepetchekxak chá'a kéxegke kelán'ák éláneyak nak chá'a xa ektéma nak, kólnáhakkasek aqsok kélnaqtósso m'a éláyókxa nak. ¡Keñe kólnaqtawasha chá'a m'a énxet'ák meyke nak apkelya'áseyak!

Oseas 5:4

Apkeltémakxa ekmaso megkahayók elyo'ókxak Dios apagkok ma'a énxet'ák, melya'ásegkok ma'a Wesse' egegkok, eñama élmá apkelwáxok apkeláneyak apkeltémakxa ekmaso megkalmopsexta'a.

Oseas 6:6

Wánxa eyke aqsa seyámenyého ko'o kéxegke hélásekhoho', maltamhók hélnáhakkasek ma'a aqsok kélnaqtósso; éltamhók kólya'asagkohok sektáha ko'o Dios, maltamhók hélwatnések ma'a aqsok kélnaqtósso.

Oseas 7:11

Aphawók Efraín ma'a aptémól'a wáx'ay ekyeyháxmal'a, meyke apya'áseyak aqsok: aptegyágweykmek ekpasmo m'a Egipto, keñe apmeyeykekxo nahan ma'a Asiria.

Oseas 7:9

Apsawhéssegkek apkelyennaqte m'a énxet'ák apkeleñama nak mók nekha, meyke apya'áseyak. ¡Weykmók mey'áseykegko ekmópeya m'a apqátek!

Oseas 8:1

“Epáwes apchaqkahasso, aptémól'a m'a énxet apkelhaxneykhal'a nepyeseksa Wesse' egegkok énxet'ák apagkok. Hakte meláneykegkok ekhémo mók nélpaqhetchásamáxkoho ahagkok, apkenmexeykekxeyk ma'a nélxekmowásamáxche ahagkok.

Oseas 8:12

Ektáxéssessegkek eykhe ko'o ekxámokma m'a nélxekmowásamáxche ahagkok, máxa aqsok méteya eyke apteméssessók.

Oseas 8:14

Apkeláneykegkek apxanák apkelyawe m'a Israel, kelwagqeykmek eyke chá'a m'a ektáha nak apkelane. Apkeláneykegkek apxámokma tegma apkelyawe ekyennaqte nak kélhaxtegkáseyak nepyáwa m'a Judá, wáléwássesek sa' eyke ko'o táxa m'a, yaqwayam sa' kalwatnek ma'a apxanák apkelyawe nak.”

Oseas 9:17

Mopmenyeyk elyahakxohok Dios ahagkok xa énxet'ák nak, cháxa keñamak peya sa' elyetnakhaksek ma'a Dios ahagkok, elweynchamha sa' aqsa nepyeseksa m'a pók aptémakxa nak énxet'ák.

1 Samuel 2:12

Asagkek axta apkeltémakxa m'a Elí apketchek, megkalxének axta apkelwáxok ma'a Wesse' egegkok,