Oseas 4:2 - Biblia Enxet

² Wánxa aqsa ekyetnama nélyexancháseykha nak egmók yaqwayam anlána', nenteme nak chá'a negmowána amya'a, tén han nentekyawa, tén han negmenyexma, tén han nennaqtawáseykegkoho nak egnaqteyegka'a, nenlane chá'a mók, keñe han ma'a negyennaqteyáseykha nak egyempehek, megkatnegweykmok néxa apkelnapma apnámakkok énxet'ák.

Oseas 4:2 ပူးပေါင်းရင်းမြစ်များ

Génesis 4:8

Aptáhak axta Caín apcháneya apyáxeg Abel se'e: Olweynchamha yókxexma. Xama axta apkelwokmo yókxexma xa apqánet nak, aptahanchek axta Caín apyáxeg Abel, apchaqhak axta han.

Isaías 24:5

Kéltawáseyha xapop eñama m'a énxet'ák apheykha nak kañe', hakte massegweykmek apkelánéyak ma'a Dios segánamakxa apagkok nak, massegweykmek apkelyeheykekxoho m'a apkelánémakpexa nak chá'a etnahagkok, aptawáseykha m'a ekhémo mók apkelpaqhetchásamákpoho axta Dios meyke néxa.

Isaías 48:1

“Kóleyxho s'e, Jacob apnámakkok, kélwesey nak Israel, kélteme nak Judá aptawán'ák neptámen; kélxeyenma nak naqsók ma'a Wesse' egegkok apwesey; kélwóneykha nak chá'a Israel Dios apagkok, meykexho kélyeheykekxoho, tén han kéltémakxa ekpéwomo;

Jeremías 51:5

apkeláneykegkek eykhe melya'assáxma nahaqtók ko'o m'a énxet'ák Israel tén han Judá, apsawheyáseykekxók melya'assáxma m'a apchókxa, makke akxakhák ko'o makham, sektáha nak Wesse' ekha sekyennaqte, Dios Appagkanamap nak Israel.

Jeremías 6:7

Jerusalén keñamak ekteyapma m'a nentémakxa ekmaso, máxa m'a ektémól'a máxek katyapok yegmen. Negyenaqteyáseykha egyempehek aqsa chá'a legamaxchek ma'a, tén han negketámeyak egmók, nélyensásamáxche aqsa chá'a wetamaxcheyk ma'a, tén han nenlegeykegkoho ekmáske.

Lamentaciones 4:13

¡Apyókxoho Dios appeywa apkellegasso tén han apkelmaxnéssesso Dios énxet'ák apagkok keñamak ekyegkenamaxko éma apagkok meyke nak apkeltémakxa m'a kañe' nak tegma apwányam!

Ezequiel 7:23

“Elánekxa sa' xama cadena, hakte cham'a apkelókxa nak apxámchek apagko' énxet apkelxénamap kóllegássesagkohok eñama apkelnapma apnámakkok, sawhekxók nahan negyennaqteyáseykha egyempehek ma'a tegma apwányam.

Oseas 10:13

Kélcheneykekxeyk eyke kéxegke ekmaso nentémakxa, kélnakxegkek ma'a megkapéwomo nak nentémakxa, kélteykegkek ma'a ekmowána amya'a nak. “Yátnáxeg apkelyenyawasso apagkok apkenchesso nak kempakhakma keñamak apcháyo tén han apxámokma kempakhakma yapmeyk apagkok

Oseas 10:4

Epaqmésmakha aqsa chá'a, héltennaksek chá'a aqsok apmopwána amya'a, exnéshok aqsa chá'a mók apkelpaqhetchásamákpoho m'a pók apkelwesse'e nak; kaxhok sa' yámet ekmaso m'a ektémakxa nak chá'a apkelánekxésso amya'a énxet'ák, ekteyapmól'a m'a kélpeynchámxa enxoho xapop.”

Oseas 11:12

“Ewakhassegkek ko'o apkelmopwancha'a amya'a m'a énxet'ák Efraín, ewakhassegkek ko'o sélyexancháseykha m'a énxet'ák Israel. Apyamasmeyk Dios ma'a Judá, melwátesseykmok kaxwók apkelyetleykha m'a aqsok kéleykmássesso.

Oseas 12:14

Aplókassegkek Wesse' egegkok ma'a énxet'ák Efraín, apyentaxnéssessegkek agko' apwáxok. Cháxa keñamak peya nak eyaqmagkásekxak Wesse' egegkok ma'a apkeltémakxa ekmaso agko' nak apkeláneyak, yának sa' kápekxak ma'a apkeltémakxa élmasagcha'a.

Oseas 5:2

máxa máxek ekmattawóneg la'a kéltemék ma'a xóp ekyapwate nak Sitim. Cháxa keñamak peya nak allegássesagkohok kéxegke.

Oseas 6:8

Énxet'ák élmasagcha'a apkeltémakxa tegma apwányam apagkok ma'a Galaad, apláneyók ma'a énxet'ák apkelnapma nak apnámakkok.

Oseas 6:9

Máxa apkelmenyexma aptamheykegkok apkelhaxneykencha'a chá'a énxet'ák ma'a apkelmaxnéssesso nak énxet'ák ahagkok, yaqhek chá'a énxet'ák ma'a ámay nak Siquem, elanagkok han chá'a m'a aqsok ekmaso agko' nak.

Oseas 7:1

peyk agkok chá'a ko'o altaqmelchessók énxet'ák ahagkok nak Efraín, tén han ma'a Samaria, ótak chá'a melya'assáxma, tén han ma'a apkeltémakxa ekmaso nak. Hakte apyókxoho aptamheykegkok apkelmopwancha'a amya'a; máxa apkelmenyexma aptamheykegkok apkelántaxnama chá'a m'a tegma, tén han apkelyementamoma chá'a aqsok apagkok énxet'ák ma'a ámay.

Oseas 7:3

“Apkeltémakxa ekmaso chá'a kapeykessásekxak apwáxok wesse' apwányam ma'a énxet'ák ahagkok, apkelmopwancha'a amya'a chá'a kalpeykessásekxak apkelwáxok ma'a apkelámha apmonye'e nak.

Oseas 7:4

Apyókxoho apnaqtawáseykegkoho apnaqteyegka'a xa apkelane chá'a mók, aphawók ma'a táxa axagkok la'a, cháléweyk agkok ma'a, kamaskok apkelwatchásegko táxa m'a ektáha nak apkelwatno, ekwokmoho apkempágko m'a hótáhap kélyélaqtésso.

Miqueas 3:2

Kéltaqnagkamchek kéxegke m'a aqsok ektaqmela nak, keñe kélásekhayo m'a aqsok ekmaso nak; kélhaxyawássessegkek apyempe'ék ma'a énxet'ák ahagkok, yáxña'akxoho kélnegkencháseykekxak apexchakkok.

Miqueas 3:9

Kóleyxho sa' kaxwo' se'e, kelwesse'e, tén han apkelámha apmonye'e nak Israel, kéltaqnagko nak chá'a m'a nentémakxa ekpéwomo, kélyetnakhásseyam nak chá'a ekyókxoho m'a aqsok ekpéwomo nak,

Miqueas 6:10

Heykegkek aqsok ekxámokma élmenyexamaxche m'a apxanák nak énxet'ák élmasagcha'a apkeltémakxa, tén han ma'a kelyetsáteyak segmenyexmo, sektaqnagkamo nak chá'a ko'o.

Miqueas 7:2

Méko kaxwók énxet ekpéwomo aptémakxa keso náxop, tén han meyenseyam nak ma'a Dios; apkelhaxneykha aqsa chá'a kaxwók apnámakkok yaqwayam elnápok; apnegkenchessegkek aqsa chá'a kelhanma yaqwayam elmok.

Sofonías 3:1

¡Jerusalén la'aye, tegma apwányam apkenmexeykekxa nak Dios, eksawheykekxoho nak nentémakxa ekmaso, apnaqtawáseykegkoho nak chá'a m'a apheykha nak kañe'!

Zacarías 5:3

Tén axta aptáha seyáneya s'e: “Yetneyk ektáxésamaxche nentaqnómaxche xa eksawheykekxoho nak ekyókxoho apchókxa. Yetneyk nahan ektáxésamaxche chá'a xama nekha, ekxeyenma megkatnehek chá'a megkóllegasáseykegkoho m'a apmenyexma nak tén han ma'a apteme nak chá'a apmopwána amya'a apxeyenma Wesse' egegkok apwesey.

Zacarías 7:9

“Keso séltamhókxa nak ko'o kóltéhek se'e: Kólteme chá'a ekpéwomo agko' kéllánekxésso amya'a kélmók, tén han ektaqmeleykha kélwáxok tén han apmopyósa kóllanok kélmók.

Deuteronomio 5:11

‘Nágkóltawasha kélmeykha apwesey Dios Wesse' kélagkok, hakte megkatnehek chá'a meñassáseykegkoho Dios ma'a ektáha nak chá'a aptawassáseykha apmeykha m'a apwesey.

Deuteronomio 5:18

‘Nágkóltawasha chá'a ektémakxa sẽlyamhopma.

Deuteronomio 5:19

‘Nágkólmenyex chá'a.