Oseas 4:19 - Biblia Enxet

¹⁹ ¡Kalchampaksek sa' éxchahayam, elmegqék sa' eñama apkelpeykessamo aqsok kéleykmássesso!

Oseas 4:19 ပူးပေါင်းရင်းမြစ်များ

Isaías 1:29

Kalmegqaksek sa' kéxegke xa yámet élyawe nak tén han ma'a kélcheneykekxexa nak pánaqte exnók, eyaqheykencha'a agko' nak chá'a kélwáxok, cham'a kélpeykessamókxa nak chá'a m'a aqsok kéláyókxa.

Isaías 42:17

Eltaqhohok sa' apkelmegqakto m'a apcháyo nak chá'a aqsok kéleykmássesso, tén han apteme nak chá'a yának se'e: ‘Kéxegke kélteme negáyókxa'.’

Jeremías 17:13

Wesse', xép apteme apkelhaxanma m'a Israel. Elmegqágwakxohok sa' apyókxoho m'a apyamasma nak xép. Elmassegwók sa' apyókxoho m'a apyetnakhasso nak xép, ektémól'a kélwesey kéltáxéssól'a yagkamex, eñama apyamasma exchep, apteme nak ekteyapmakxa yegmen ektaqmalma.

Jeremías 51:1

Aptáhak Wesse' egegkok se'e: “Wahak sa' ko'o éxchahayam ekyennaqte agko' ekmassésseykmohol'a aqsok ma'a Babilonia, tén han caldeos.

Oseas 10:10

Allegássesagkohok sa' ko'o xa énxet'ák nak, cham'a sekmako sa'. Épetchekxak sa' pók énxet'ák yenmexek ma'a Israel, cham'a séllegassásegkoho sa', eñama élmasagcha'a agko' apkeltémakxa.

Oseas 10:6

Kólsakxak sa' han weyke étkok kéleykmássesso m'a Asiria, yaqwayam sa' kólmések ma'a wesse' apwányam ekyawe nak kéláyo. Keñe sa' emegqeyk ma'a Efraín, kamegqaksek sa' Israel ma'a kéleykmássesso apagkok nak.

Oseas 12:1

Apteykegkek éxchahayam ma'a énxet'ák Efraín: yókxoho ekhem chá'a apkelyetleykha m'a éxchahayam eñama nak ekteyapmakxa ekhem. Apxámáseykekxeyk apkelmopwancha'a amya'a, tén han apkelyennaqteyáseykha chá'a apyempe'ék apnaqtawáseykegkoho apnámakkok, aphéssamók chá'a mók apkelpaqhetchásamákpoho m'a Asiria, apkeláphassegkek chá'a apkelmésso naqsa pexmok égmenek ma'a Egipto.”

Oseas 13:15

Máxa sa' eykhe etnehek Israel ma'a ektémól'a kalyapwak pa'at, kawátekhápok sa' eyke m'a éxchahayam eñama nak ekteyapmakxa ekhem, cham'a éxchahayam ekyennaqte eñama nak ekwátekhapma m'a yókxexma meykexa nak énxet, keymaksek sa' ma'a ekteyapmakxa nak chá'a yegmen, kalyamasagkok sa' ma'a yámelchet. Elyementamok sa' apkelenmexma m'a aqsok élmomnáwa, tén han ma'a aqsok éltaqmalma nak.