Oseas 4:10 - Biblia Enxet

¹⁰ Etawagkok sa' eykhe aptéyak, melyaqkanmek sa' eyke, eñama apkelyenseyam apkelyetleykha Wesse' egegkok; elanagkok sa' eykhe apkeltémakxa ekmaso megkalmopsexta, melwetyehek sa' eyke apketchek.

Oseas 4:10 ပူးပေါင်းရင်းမြစ်များ

2 Crónicas 24:17

Apkelwokmek axta apkelámha apmonye'e nak Judá, keñe apkeltekxeyágko aptapnák nápaqtók wesse' apwányam, natámen axta apketsapma m'a Joiadá. Aphaxnawók axta han aptáhakxa apkelpeywa apcháneya,

Salmos 125:5

exnésho apteméssessamakxa nak chá'a élmasagcha'a apkeltémakxa m'a apkelyetleykekxa nak chá'a ámay ekmaso. ¡Keytek sa' chá'a meyke ektáhakxa negha m'a Israel!

Salmos 36:3

Asagkók chá'a katnehek appeywa, apmopwána amya'a han, massegkek apya'áseyak exma, apkelwátessegkek apkelane aqsok ektaqmela.

Proverbios 13:25

Etwok chá'a apto énxet ekpéwomo aptémakxa ekwokmoho apyaqkanakmo, meyk eyke kaqhek ma'a énxet ekmaso nak aptémakxa'.

Jeremías 34:15

Keñe kéxegke kélyaqmagkasa kaxwók kéltémakxa, tén han kélláneygko m'a ekleklamo nak ko'o ewáxok, kélchexeykxo m'a kélásenneykha naqsa kélpeywomo xamo' nak. Kélxénchek nahan kóllanagkok ma'a ekhémo mók kélpaqhetchásamáxkoho kéllana nak nahaqtók ko'o, cham'a tegma appagkanamap sélpeykessamókxa nak chá'a.

Jeremías 9:12

¿Yaqsa ekyetna ekyawe ekya'áséyak aqsok yaqwayam enxoho kay'asagkohok xa? ¿Yaqsa apya'assáseykegkoho Wesse' egegkok xa aqsok nak yaqwayam enxoho kawának kaltennásekxohok ma'a námakkok? ¿Yaqsa ektéma ekmasagko nak apchókxa tén han ekyamáya nak exma ektémól'a yókxexma meykexa énxet meykel'a ekyeykhágwayam?

Ezequiel 18:24

“Apkelwátessek agkok aptémakxa ekpéwomo m'a énxet ekpéwomo nak aptémakxa, apkelánekxo enxoho ekyókxoho m'a aqsok ekmaso ektaqnómaxkoho nak, apkeláneykegko nak ma'a énxet'ák élmasagcha'a nak apkeltémakxa, ¿xéncheya kélwáxok kéxegke megyetsepek xa? Megkaxénwakxók sa' chá'a ko'o ewáxok ma'a ekyókxoho aqsok ektaqmela axta apkelane: yetsapok sa' eñama apkelwátesseyam sétleykha tén han aptémakxa mey'assáxma.

Ezequiel 22:9

Yetneyk nahan chá'a nápakha énxet'ák apagkok apkelsexnenagko apnámakkok apkeletsapma, eñama apkelmopwancha'a amya'a; tén han appásegwayam chá'a élánamáxche ektámaxche ekyawe m'a néten egkexe, eñama kéllánésso m'a aqsok kéleykmássesso, tén han apkelánéyak chá'a m'a aqsok ekmaso agko' nak.

Oseas 4:14

Mallegássesagkók sa' eyke ko'o m'a kélketchek eñama ekyaqmagkáseyak pók énxet ektegyéyak selyaqye, mallegássesagkók sa' han ma'a kéltánegken'ák nak eñama eknaqtawáseykegkoho chá'a anaqteyegka'a élánegwayam chá'a pók énxet, kéxegke kélagko' han chá'a kéltegyéyak ma'a kelán'a ekyaqmagkáseyak nak pók énxet ektegyéyak selyaqye; kólyepetchekxak chá'a kéxegke kelán'ák éláneyak nak chá'a xa ektéma nak, kólnáhakkasek aqsok kélnaqtósso m'a éláyókxa nak. ¡Keñe kólnaqtawasha chá'a m'a énxet'ák meyke nak apkelya'áseyak!

Oseas 7:4

Apyókxoho apnaqtawáseykegkoho apnaqteyegka'a xa apkelane chá'a mók, aphawók ma'a táxa axagkok la'a, cháléweyk agkok ma'a, kamaskok apkelwatchásegko táxa m'a ektáha nak apkelwatno, ekwokmoho apkempágko m'a hótáhap kélyélaqtésso.

Levítico 26:26

“Ekmasséssekmek sa' agkok ko'o m'a kéltéyak nak, diez kelán'ák sa' chá'a kamakhetchesek kéltéyak kéxegke xama táxa axagkok, ketsék sa' chá'a kalmésagkok, kóltawagkok sa' eykhe, megkólyaqkanmehek sa' eyke chá'a.

Miqueas 6:14

Etwok sa' eykhe apto, meyaqkanmek sa' eyke, meyk sa' aqsa chá'a kaqhek; yánchásekxak sa' eykhe chá'a apto, yahamók sa' eyke chá'a kasawhaxche', kéméxcheyk sa' agkok chá'a xama aqsok, wának sa' kólmasséssessók chá'a neyseksa kempakhakma.

Sofonías 1:6

Amasséssók sa' han ma'a seyamasma nak ko'o, mehektamso nak chá'a tén han mehey'eykekta nak chá'a etegyaha sekpeywa.”

Hageo 1:6

Xámok kéxegke kélcheneykekxa aqsok, ántawók eyke kélnakxo ekyexna; kélteykegkek eykhe kéltéyak, makke kólyaqkáneykmok; kélyeneykegkek eykhe vino, makke kamassék élnapma ekhem; kélántaxneykekxeyk eykhe kélántaxno apkelyentaxno, makke kalmexanmak kélyempe'ék; keñe m'a énxet kélyánmagkasso nak chá'a apkeltamheykha xama ekhem, megkawakxók chá'a ekyánmaga aptamheykha m'a aqsok élmomnáwa.