Oseas 2:6 - Biblia Enxet

⁶ “Cháxa keñamak peya nak ko'o wáhakkásekxak am'ák ma'a ámay agkok nak, wahaxtegkesek sa' ma'a neyáwa', yaqwayam sa' megkótyehek ámay agkok.

Oseas 2:6 ပူးပေါင်းရင်းမြစ်များ

Job 19:8

Apchápeykxeyk ámay ahagkok Dios yaqwayam enxoho ko'o mayeykhe'; ekyáqtessóxma aptemessásekxak ma'a ámay ahagkok nak.

Job 3:23

Eweynchegkesha chá'a Dios meyke apya'áseyak apmahágkaxa, eláhakkasagkok chá'a apmonye' apmahágkaxa enxoho chá'a.

Isaías 57:3

Kólchaqnágwatámho s'e, kéxegke, kéltamhéyak nak chá'a kelyohóxma, kélteme nak énxet aptawáseykha élyamhopma aptawán'ák neptámen tén han kelán'a ekyaqmagkáseyak pók énxet ekpathetéyak ekma chá'a ekyánmaga:

Jeremías 18:15

Kelwagqámeykegkek eyke ko'o m'a énxet'ák ahagkok, apkelméssegkek chá'a aqsok ánek ekmátsa nak ekpaqneyam éten agkok ma'a aqsok kéláyókxa élmowancha'a amya'a nak. Apkelyetnakhágweykmek ma'a ámay apagkok nak, cham'a nanók ámay nak, apkelyetleykekxeyk ma'a ámay melya'áseykegkaxa nak.

Oseas 10:8

Kólmasséssók sa' ma'a apkelpeykessamókxa nak chá'a aqsok kéleykmássesso, apkeláneykegkaxa nak chá'a melya'assáxma m'a énxet'ák Israel. Kampagqak sa' ma'a néten apkelwatnamakxa nak chá'a aqsok, katyapok sa' yámet ekha nak am'ák, keñe sa' énxet'ák etnehek elának meteymog élwenaqte élekhahéyak se'e: “¡Hẽlpós negko'o!” keñe sa' etnehek elának egkexe étkók se'e: “¡Hegápekxa negko'o!”

Oseas 9:6

Apkenyaheykegkek ekmáheyo kólmasséssók ma'a, énxet'ák Egipto sa' eyke yánchásekxa', sa' kólátawanyek ma'a Menfis. Pa'at sa' kápekxak ma'a aqsok éltaqmalma apagkok, sawo' élmope élmomnáwa nak, katyapok sa' yámet ekha nak am'ák ma'a apkelpakxeneykegkaxa nak.