Oseas 2:21 - Biblia Enxet

²¹ Ko'o Wesse' ektáhak sekpeywa s'e: Apaqhetchesek sa' ko'o m'a néten, keñe sa' néten kaxének kaxwók awáxok xapop;

Oseas 2:21 ပူးပေါင်းရင်းမြစ်များ

Isaías 55:10

“Cham'a ektémakxal'a ekmámeye kaweywenták eñama m'a néten tén han yeyám appok megkaltaqhók makham ma'a éleñamakxa nak, kayássesek aqsa m'a xapop, kataqmelchesek nahan, kaltektekkesek nahan ma'a aqsok, katekkesek nahan aqsok aktek yaqwayam kólchenekxa', tén han ma'a nento yaqwayam antók,

Isaías 62:4

Megkóltamhaxcheyk sa' chá'a kaxwók kéxegke “Kéltaqmópéyak”, megkatnehek sa' nahan chá'a kaxwók kaxénaxchek xapop kélagkok “Kéltawáseykha”, Sa' aqsa katnehek kélwesey s'e: “Ko'o sekmámenyého”, keñe sa' ma'a xapop kélagkok nak kaltamhaxchek, “ko'o etáwa'”. Hakte chá'a apmopmenyého m'a Wesse' egegkok, sa' etnehek nahan máxa atáwa' m'a xapop kélagkok nak.

Isaías 62:5

Hakte sa' etnehek elmok kéxegke Dios ma'a aptémól'a xama wokma'ák kalyamhápok emok ma'a appagkanma, elánekxak sa', kapayhekxak sa' apwáxok xamók ma'a, ektémól'a kapayhekxak apwáxok xamók aptáwa' m'a énxet.

Isaías 65:24

Wátegmowagkok sa' chá'a ko'o, amonye' sewóneykha xa énxet'ák nak; añak sa' nahan chá'a aptáhakxa apkelpeywa, amonye' apsawhéyak apkelpaqmeyesma.

Ezequiel 36:29

Almallahanchesek sa' ekyókxoho m'a élpeysegkessama nak chá'a kélyempe'ék. Wának sa' exámekxohok apagko' ma'a hótáhap apaktek, magwáphassásekxók sa' chá'a kaxwók ma'a meyk segaqhe.

Oseas 14:7

Ko'o sa' atnehek makham séltaqmelchesso m'a Israel, keñe sa' exámekxak aptémól'a hótáhap apaktek, máxa anmen yámet élyapwél'a sa' etnahagkok; kapayhekxak sa' apkelwesey, ektémól'a anmen yámet égmenek eñama nak Líbano.

Joel 2:19

aptáha s'e: “Wáphássesek sa' ko'o kéxegke hótáhap apaktek, tén han vino, tén han pexmok égmenek, ekwokmoho kélyaqkanakmo; magwohók sa' kaxwók elya'ássók kéxegke m'a énxet'ák mehey'áseyak nak ko'o.

Zacarías 8:12

Hakte kapekkenaxchek sa' nepyeseksa m'a meyke ektáhakxa apheykha. Keyxek sa' nahan ma'a anmen yámet kélcheneykekxa; katekkesek sa' ekyexna kélcheneykekxa m'a xapop; keñe sa' néten, kategkesek yálye. Almésagkok sa' ko'o, cháxa ekyókxoho nak yaqwayam etnehek apagkok ma'a énxet'ák apkeleymomap nak makham.

Zacarías 8:8

anaqlanták sa' ma'a Jerusalén, yaqwayam sa' exmakha m'a. Énxet'ák ahagkok sa' ko'o etnahagkok ma'a, keñe sa' ko'o etnehek Dios apagkok, yetlo ekmámnaqsoho tén han ekpéwomo sektémakxa.”

Malaquías 3:10

Kólxátawata sa' aqsok kélmésso naqsa ekwayam nak chá'a diez xama m'a kélxátamakxa nak chá'a aqsok élmomnáwa m'a tegma appagkanamap, keñe sa' kaxek chá'a nento m'a exagkok nak. Hélyepkeyn hana xa aqsok nak, kólwetak sa' almeykesek atña'ák ma'a néten, yaqwayam sa' asawhaksohok ko'o almések kéxegke m'a aqsok éltaqmalma agko' nak.

Malaquías 3:11

Magwohok sa' ko'o kaxwók katwássesha aqsok kélcheneykekxa m'a askok, tén han ma'a anmen yámet kélcheneykekxa nak.