Oseas 2:15 - Biblia Enxet

¹⁵ Agkeyásekxak sa' makham ma'a éneykekxa axta anmen yámet, élhaxneykha ektaqmela agkok sa' atnessásekxak ma'a xóp ekyapwate agkok nak Acor Sa' heyásekhekxohok ko'o makham ma'a, ektéma axta m'a ektémakxa axta étkok, ektéma axta m'a ekteyapma axta m'a Egipto.

Oseas 2:15 ပူးပေါင်းရင်းမြစ်များ

1 Reyes 16:31

axta yeyék apkeláneya m'a ektémakxa axta apkeláneya mey'assáxma m'a Jeroboam, Nabat axta apketche. Weykmok axta han apma aptéma aptáwa' m'a Jezabel, Et-baal axta apketche, wesse' apwányam axta m'a Sidón, tén axta apkelpeykessamo m'a Baal,

Salmos 106:12

Cháxa eyápaqhágwokmo axta melya'ásseyam ma'a appeywa axta apmésso Dios, apkelmeneykmássek axta nahan apkelpeykásawo.

Salmos 129:1

Kólteme sa' kólpaqmétek se'e Israel: Xámok axta ko'o sélyentaxnéssesso sekha eyeynmo m'a sektémakxa axta étkok,

Isaías 65:10

Esawhekxohok sa' nepkések ma'a ekyapwátegweykenxa nak xapop Sarón, keñe sa' ma'a ekyapwátegweykenxa nak xapop Acor katawagkok pa'at ma'a weyke yaqwayam sa' etnehek apnaqtósso m'a énxet'ák ektáha nak chá'a ko'o sektamso.

Isaías 65:21

Elanagkok sa' apxanák ma'a énxet keñe sa' exnakha nahan ma'a kañe', eknagkok sa' ma'a anmen yámet, etawagkok sa' nahan ma'a ekyexna nak.

Jeremías 2:1

Epaqhetchessek axta ko'o Wesse' egegkok. Aptáhak axta seyáneya s'e:

Jeremías 2:2

“Exeg sa' elpaqhetchessók ma'a énxet'ák Jerusalén; énnaqtés sa' appeywa, yaqwayam sa' kataqmelek apkelháxenmo: ‘¡Keso aptáhakxa nak appeywa Wesse' egegkok se'e! Xénwákxók ko'o ewáxok ektémakxa axta étkok, meheyenyaweykencha'a axta chá'a, cham'a sektémakxa axta etáwa', seyásekhayo axta chá'a, sétleykencha'a axta chá'a m'a yókxexma meykexa nak énxet, xapop megkólcheneykekxexa nak aqsok aktek.’

Jeremías 29:11

Ekya'ásegkók ko'o sekmáheyókxa atnéssesek kéxegke, yaqwayam kataqmelekxak kélheykha, háwe m'a ekmaso nak kélheykha, yaqwayam sa' kayágwomhok agko' kélhaxneykha m'a egmonye' sa'. Ko'o sekxeyenma xa, sektáha nak Wesse'.

Jeremías 3:4

Kaxwók ektáha axta makham seyáneya s'e: ‘Táta ahagkok, séntameykha axta chá'a sektémakxa étkok,

Jeremías 32:15

Hakte aptáhak Wesse' ekha apyennaqte, Dios apagkok nak Israel se'e: Kólmekxak sa' makham tegma s'e xapop nak, tén han yókxexma tén han ma'a kélcheneykekxexa nak anmen yámet.’

Lamentaciones 3:21

Xama aqsok akke ko'o émenyeyk méhelwánaqmágwome', tén han malwátéssemek sélhaxanma:

Ezequiel 16:22

Kelwagqeykmek xeye' m'a ektémakxa ekmanyása axta, ektémakxa axta kelán'a ekma chá'a ekyánmaga ekpathetéyak énxet, cham'a ektémakxa étkok axta, ektéma axta meyke agko' ma'a élántaxno, ekyettelegweykencha'a axta neyseksa éma agkok.

Ezequiel 16:60

Kaxénwakxohok sa' eyke ko'o ewáxok ma'a sekhéssamo axta mók sélpaqhetchásamáxkoho exche', cham'a ektémakxa étkok axta, axnéshok sa' nahan chá'a mók sélpaqhetchásamáxkoho exche' meyke néxa.

Ezequiel 16:8

“Ekyeykhágweykxeyk axta makham xeye', élanawók axta; wokmek axta kaxwók ma'a ekweykenxal'a kelán'a étkok kawának ektegyeykha ekpagkanma. Eyaqlássek axta ko'o exche' m'a seyaqlamaxche, eyáhakkassek axta m'a meykexa nak apáwa ekyókxa, tén axta sektáha sekpagkanma; élanak axta ekhémo mók sélpaqhetchásamáxkoho exche', ahagkok axta nahan ektáhak. Ko'o sekxeyenma xa, sektáha nak Wesse'.

Ezequiel 28:25

“Ektáhak ko'o sekpeywa s'e, sektáha nak Wesse': Wánchásekxak sa' ko'o énxet'ák Israel, anaqlósawakxak ma'a apheykegkaxa nak chá'a apkexpaqneykha nepyeseksa m'a pók aptémakxa énxet'ák, axekmósek sa' nahan sekteme sekpagkanamaxche nápaqta'awók ma'a pók aptémakxa nak chá'a énxet'ák. Elának sa' apchókxa apagkok apagko' ma'a énxet'ák Israel, cham'a apchókxa sekmésso axta m'a Jacob, apteme axta séláneykha.

Ezequiel 28:26

Méko sa' katnehek apheykha m'a, tásek sa' katnehek, elanagkok sa' ma'a tegma, eknagkok sa' nahan ma'a anmen yámet. Atnéssesek sa' eyke ko'o sekmakókxa nak atnéssesek allegássesagkohok apyókxoho m'a apheykha nak nepyáwa, cham'a apkelwañeykha nak chá'a m'a énxet'ák Israel. Keñe sa' kólya'ásegwók ko'o sektáha Wesse', Israel Dios apagkok.”

Oseas 11:1

“Eyásekhayók axta chá'a ko'o Israel aptémakxa axta sakcha'a; Egipto axta apkeñamak sekwóneykencha'a ko'o m'a, hakte, hatte axta ko'o m'a.

Oseas 12:13

Apkelántekkessegkek axta Wesse' egegkok énxet'ák Israel ma'a Egipto, eñama m'a aplegasso nak appeywa; ¡xama aplegasso appeywa axta keñamak apkeláneykencha'a!

Oseas 12:9

Wának sa' ko'o makham exek appakxanma, ko'o sektáha nak Wesse' Dios apagkok, eyeynamo m'a aphamakxa axta Egipto, ektéma axta m'a sekxók axta nélwetamaxko m'a yókxexma meykexa nak énxet.

Oseas 13:4

Aptáhak Wesse' egegkok se'e: “Ko'o Wesse', ko'o Dios apagkok eyeynamo m'a aphamakxa axta Egipto: Ná etne aqsa Dios apagkok mók aqsok enxoho, ko'o sa' aqsa, ko'o sekwánxa ahagkok sekwagkasso teyp xép.

Oseas 2:12

Amasséssessók sa' ma'a éneykekxa nak anmen yámet, tén han ma'a éneykekxa nak higo, ektéma nak chá'a ekxeyenma s'e: ‘Keso ekyánmaga segkésso nak chá'a ko'o m'a sélpathetéyak nak chá'a.’ Ekmompánaqma sa' atnessásekxak, aqsok nawha'ák éllo sa' katókasek.

Amós 9:14

Keñe sa' anaqlanták ko'o makham ma'a énxet'ák ahagkok Israel, kélnaqleykekxa axta megkatnahakxa apkelókxa. Enaqxétekhasagkokxak sa' makham ma'a tegma apkelyawe kélnaqtawáseykha axta, keñe sa' exmakha makham ma'a; eknagkok sa' makham anmen yámet, énagkok sa' nahan ma'a égmenek nak; eknagkokxak sa' makham aqsok aktek namyep, etawagkok sa' nahan ma'a ekyexna nak.

Zacarías 9:12

Kéxegke, kélmomaxche nak, megkólwatésseyam nak kélhaxanma yaqwayam kólmeyekxak makham ma'a kélxagkok apyennaqte. ¡Kólchexyem makham! Éltennássek ko'o peya ayeykhássamhok sekmeyáseykekxa ektaqmalma kélheykha m'a ekwánxa axta kéllegeykegkoho.

Números 21:17

Tén axta israelitas aptéma apkelmeneykmassama s'e: “¡Katyep yegmen yámelchet! ¡Kólmeneykmásses yámelchet!

Josué 7:26

Keñe han kéláhakkáseykxo ekxámokma agko' ma'a meteymog, makhemek makham émha xa meteymog nak. Cháxa keñamak ektéma nak makham ekwesey yókxexma ekyapwate Acor ma'a. Tén axta ekmassa apkeltaqnawéyak Wesse' egegkok ma'a énxet'ák Israel.

Jueces 8:34

Massegkek axta ekxeyenma apkelwáxok ma'a Dios Wesse' apagkok, apkelwagkasso axta teyp nepyeseksa apyókxoho apkelenmexma apheykha axta nepyáwa',