Oseas 2:14 - Biblia Enxet

¹⁴ “Wának sa' kamekxak makham awáxok ko'o: ay'aksek sa' yókxexma meykexa nak énxet, kataqmalmakha sa' sekpeywa alána'.

Oseas 2:14 ပူးပေါင်းရင်းမြစ်များ

Génesis 34:3

Apmenyeyk apagko' axta m'a, apkeltamhók axta kataqmalmakha awáxok kalano'.

Job 36:16

Apwagkassegkek xépxa teyp neyseksa m'a aqsok ekmaso, apxámássessegkek ma'a aqsok apagkok, meyke kélya'ásekha exma; apxámássessegkek nento éltaqmalma m'a mésa apagkok.

Cantares 1:4

¡Héntemekxa heykxe kaxwo'! ¡Wesse' apwányam, héntemekxa kañe' apxagkok! Kalpayhekxak sa' egwáxok yetlo exchep; kalxénwakxohok sa' egwáxok ekyeykhágweykmoho ektémakxa vino m'a ektémakxa nak chá'a seyásekhayo. ¡Neyke temék ekmámenyého nak chá'a m'a kelán'ák!

Isaías 30:18

Apkelhaxneyk kéxegke m'a Wesse' egegkok, yaqwayam sa' elásekhekxohok makham; apmakawók apagkók exekmósek kéxegke m'a ektémakxa nak apkelásekhayo, hakte Wesse' egegkok apteme Dios ekpéwomo aptémakxa. ¡Apkeleñémo apyókxoho ektáha nak apkelhaxanma m'a!

Isaías 5:5

Altennaksek sa' ko'o kéxegke ekxénakxa nak ewáxok atnéssesek ma'a anmen yámet séneykekxa: alhexyawássesek sa' ko'o m'a kélhaxtegkesso nak neyáwa, yaqwayam sa' kólmasséssók; alpáxqatchesek sa' ma'a meteymog kélhaxta nak neyáwa, yaqwayam sa' kalteyammaxche';

Jeremías 16:14

“Kammok sa' eyke ekhem —ektáhak ko'o sekpeywa, sektáha nak Wesse'— yaqwánxa kamaskok kéltáha ekmámnaqsoho kélpeywa hélxének se'e: Memassegwomek sa' chá'a Wesse' egegkok, apkelántekkesso axta israelitas ma'a Egipto;

Jeremías 2:2

“Exeg sa' elpaqhetchessók ma'a énxet'ák Jerusalén; énnaqtés sa' appeywa, yaqwayam sa' kataqmelek apkelháxenmo: ‘¡Keso aptáhakxa nak appeywa Wesse' egegkok se'e! Xénwákxók ko'o ewáxok ektémakxa axta étkok, meheyenyaweykencha'a axta chá'a, cham'a sektémakxa axta etáwa', seyásekhayo axta chá'a, sétleykencha'a axta chá'a m'a yókxexma meykexa nak énxet, xapop megkólcheneykekxexa nak aqsok aktek.’

Jeremías 45:4

eyáphássek nahan apkeltamho atnehek wának xép se'e: ‘Alyaqnegkesagkok chá'a ko'o m'a ektáha axta sélane, alpátekkeshok nahan chá'a m'a ektáha axta séneykekxa. Sa' atnéssesek nahan ekyókxoho xapop.

Ezequiel 20:10

Élántekkessegkek axta ko'o m'a Egipto tén axta seknaqlama m'a yókxexma meykexa nak énxet;

Ezequiel 20:33

Naqsók eyke ko'o sekxéna, sektáha nak Wesse' peya atnehek Wesse' apwányam kélnepyeseksa kéxegke ekyetlómo sekmeykha ekwányam agko' sekmowána tén han séllegassáseykegkoho ekyetlómo seklo.

Oseas 2:3

Sa' agkok katnahak xa ektáha nak, meyke apáwa agko' sa' atnéssesek ekyókxa'; sa' atnéssesek ma'a ektémakxa axta sekxók ektéyeykmo, sa' atnessásekxak ma'a ektémól'a yókxexma meykexa énxet, ekyamáyo agko' la'a xapop, wának sa' katsapok hem eyaqhe.

Miqueas 1:7

Nekha'a étkók sa' katnekxak ma'a ekyókxoho kéleykmássesso apagkok nak, kólwatnekxak sa' ma'a ekyókxoho yámet awhók apkeláyókxa nak. Kelán'a ekyaqmagkáseyak pók énxet ektegye selyaqye agkok axta keñamak élánamáxko xa, kelán'a ekyaqmagkáseyak pók énxet ektegye selyaqye agkok sa' eyke makham atnéssásekxa'.”

Miqueas 4:10

Epexyawha, kapayheykha apátog tegma apwányam Sión, ektémól'a kelán'a káskok awáxok, kamáwhok katnehek naqláwa, hakte elántépok sa' xép énxet'ák apagkok aphakxa, elhók sa' ma'a yókxexma eyáxñe nak, elwakxohok sa' ma'a Babilonia. Elántekkesekxak sa' eyke Wesse' egegkok énxet'ák apagkok ma'a; elwagkasek sa' teyp nepyeseksa m'a apkelenmexma.

Jueces 19:3

tén axta apkemheykegkokxo m'a levita, yaqwayam enxoho yának keytlakxak makham. Apyentegkek axta xama apkeláneykha, keñe han ánet yámelyeheykok, meyk axta han takha' m'a yáp apxagkok nak.