Oseas 14:7 - Biblia Enxet

⁷ Ko'o sa' atnehek makham séltaqmelchesso m'a Israel, keñe sa' exámekxak aptémól'a hótáhap apaktek, máxa anmen yámet élyapwél'a sa' etnahagkok; kapayhekxak sa' apkelwesey, ektémól'a anmen yámet égmenek eñama nak Líbano.

Oseas 14:7 ပူးပေါင်းရင်းမြစ်များ

Salmos 138:7

Ekwet'ak agkok chá'a ko'o ekmaso sekha, megyohok chá'a watsapok; apmopwána chá'a emha, keñe hewagkasek chá'a teyp setaqnawaya enxoho m'a sélenmexma.

Salmos 85:6

¿Mehẽlmeyásekxeya sa' makham negko'o nélyennaqte, yaqwayam sa' kalpayhekxak negko'o egwáxok, nentáha nak énxet'ák apagkok eñama exchep?

Salmos 91:1

Énxet apchásenneykekxa nak Dios Meyke Ekhémo segmasma, cham'a Ekha nak Apyennaqte,

Cantares 2:3

Máxa yámet manzano émhal'a neyseksa yenta'a élyawe naxma aptemék nepyeseksa apnámakkok wokma'ák ma'a sekpagkanma nak. ¡Atsek chá'a axek ma'a kóneg pessesse agkok nak! ¡Atsek chá'a atwok ma'a ekyexna nak!

Cantares 4:11

Sekpagkanma, elpexyewenták chá'a yányawhéna' apyegmenek ma'a átog. ¡Yányawhéna' apyegmenek yetnók ma'a kóneg axkok nak tén han weyke nagkeygmenek! ¡Máxa yókxexma Líbano ekpaqneyam ekmátsal'a apkelpaqneyam ma'a élántaxno nak!

Cantares 6:11

Ekmeyákxeyk axta ko'o m'a apkemhakxa nak yányetsene apto sekmako alanok ma'a yenta'a kaxwe nak ekyápaqmáteykegkokxa áwa' aqsok ma'a yókxexma ekyapwátegweykenxa nak xapop; tén han sekmako alanok kaxwe éltektépeykekxa m'a anmen yámet tén han yántakyexna exnamok.

Isaías 61:11

Hakte sa' etnéssesek Wesse' egegkok etekkesek ekpéwomo nentémakxa apagkok ma'a ektémól'a kalántekkesek aqsok kélcheneykekxa m'a xapop, tén han ma'a ektémól'a kaltektepagkok aqsok kélcheneykekxa m'a namyep étkok, apyókxoho énxet sa' elmeneykmaksek negmeneykmasso nak nélpeykessamo.

Ezequiel 17:23

cham'a egkexe netnók agko' nak ma'a Israel. Kaxámak sa' aktegák, keyxek sa' nahan, katnehek sa' xama yámet cedro ekyawe ektaqmalma agko'. Kallawha sa' mók ektémakxa nak chá'a aqsok nawha'ák ma'a kóneg nak, kalanagkok sa' nahan axanák mók ektémakxa nak chá'a náta m'a kañe' áwa' kóneg pessesse agkok nak ma'a aktegák.

Oseas 14:5

Máxa yálye apagkok sa' ko'o atnehek ma'a Israel, keñe sa' máxa etnehek ma'a ektémól'a pánaqte exnók éltaqmalmal'a exnók. Kalyeyha'ak sa' katnehek kepmenák, ektéma nak ma'a egkexe Líbano;

Oseas 2:21

Ko'o Wesse' ektáhak sekpeywa s'e: Apaqhetchesek sa' ko'o m'a néten, keñe sa' néten kaxének kaxwók awáxok xapop;

Oseas 2:22

tén sa' xapop kaxének awáxok katekkesek hótáhap, keñe han vino, pexmok égmenek, keñe sa' Jezreel kaxek xa aqsok nak.

Oseas 6:2

Ekmanyehe agko' sa' hẽlmeyásekxak nélyennaqte, hẽlchampásekxak sa' néten, yaqwayam sa' aghakha nápaqto'.

Zacarías 8:12

Hakte kapekkenaxchek sa' nepyeseksa m'a meyke ektáhakxa apheykha. Keyxek sa' nahan ma'a anmen yámet kélcheneykekxa; katekkesek sa' ekyexna kélcheneykekxa m'a xapop; keñe sa' néten, kategkesek yálye. Almésagkok sa' ko'o, cháxa ekyókxoho nak yaqwayam etnehek apagkok ma'a énxet'ák apkeleymomap nak makham.