Oseas 14:5 - Biblia Enxet

⁵ Máxa yálye apagkok sa' ko'o atnehek ma'a Israel, keñe sa' máxa etnehek ma'a ektémól'a pánaqte exnók éltaqmalmal'a exnók. Kalyeyha'ak sa' katnehek kepmenák, ektéma nak ma'a egkexe Líbano;

Oseas 14:5 ပူးပေါင်းရင်းမြစ်များ

2 Samuel 23:4

exhok sa' ma'a ektémól'a katyapok ekhem axto'o, máxa sa' etnehek ma'a ekhem éltátchesso meykel'a yaphope, ektaqmelcháseykekxal'a pa'at natámen ekmámeye.’

2 Reyes 19:30

Máxa aqsok kélcheneykekxa sa' etnahagkok ma'a Judá énxet'ák apkeleymomap nak meletsapma: elántépekxak sa' makham, exámekxak sa' nahan.

Job 29:19

Ekhémók axta ko'o m'a yámet kélcheneykekxa nak neyáwa yegmen, élyássessamól'a áwa' m'a yálye ektéyeykmoho nak axta'a.

Salmos 133:3

Kaxhok ma'a yálye ektéyeykmohol'a egkexe Hermón, tén han ektéyeykmohol'a néten nak egkexe Sión. Cha'a apcháphassamakxa Wesse' egegkok ekwenaqte negweynchámeykha m'a.

Salmos 72:16

¡Apxámok sa' etnehek hótáhap apaktek negókxa, etepagkok sa' ma'a naw'ék egkexe nak! ¡Katyapok sa' chá'a aqsok aktek kélcheneykekxa, ektéma nak Líbano, apxámok sa' etnehek énxet tegma apkelyawe nak, ektémól'a pa'at ma'a yókxexma!

Salmos 72:6

¡Máxa ekmámeye sa' etnehek, tén han yálye, ekyássessamól'a xapop, tén han pa'at!

Salmos 80:9

Apchaxñássessegkek axta yaqweykenxa etnekxa', tén axta anmen yámet élatchesa kepmenák xapop, sawheykekxók axta apchókxa.

Salmos 92:12

Máxa áxa élyapwe sa' etnahagkok ma'a meyke nak apkeltémakxa, máxa yámet cedro sa' etnehek yektog élámha nak Líbano,

Salmos 92:13

máxa yámet kélcheneykekxa sa' etnahagkok ma'a Wesse' egegkok nak tegma appagkanamap apagkok, élyapwéyak la'a m'a kañe' apwáxok nak Dios tegma appagkanamap apagkok,

Proverbios 19:12

Máxa yámakméwa ekpáweykha awáxok la'a etnehek aplawa enxoho m'a wesse' apwányam, máxa eyke yálye élyássessól'a pa'at ma'a ektaqmeleyncha'a enxoho apwáxok henlano'.

Cantares 2:16

Ahagkok ko'o m'a sekpagkanma nak, keñe apagkok ko'o m'a. Elagkok chá'a pa'at apnaqtósso m'a neyseksa nak pánaqte exnók éltaqmalma.

Cantares 4:5

Máxa ánet xenaq étkók ma'a nam'agkok nak, ánet xenaq étkók ekpalleykmoho ánet la'a, ekteykegkohol'a pa'at ma'a neyseksa pánaqte exnók éltaqmalma.

Isaías 12:1

Sa' kóltéhek kólpaqmétek kéxegke xa ekhem nak: “Wesse', ekméssek xép ekpayheykekxa ewáxok, hakte etaqnagkamchek axta eykhe ko'o exchep, massék eyke m'a aplo, egkeyásékxeyk makham meyke ektáhakxa ewáxok.

Isaías 18:4

Aptáhak seyáneya Wesse' egegkok se'e: “Tásek ko'o sélyeheykha m'a sekhamakxa nak, máxa m'a ektémól'a ekhem éltátchesso ekmexamakxal'a exma, máxa m'a yálye ektéyeykmohol'a ekmexanmakxal'a exma eknakxamáxchexa m'a aqsok ekyexna kélcheneykekxa.

Isaías 26:19

Eyke m'a énxet'ák apagkok apkeletsapma nak enaqxétekhágwók sa', kanaqxétekhagkokxak sa' ma'a aphopák nak. Enaqxétekhagkok sa' ma'a apkeletsapma nak keso náxop, elwehesha sa' kalpayhekxak apkelwáxok. Hakte apcháphassegkek xép élseyéxma apagkok ekho yálye, keñe sa' ma'a apkeletsapma axta elántépekxak makham keso náxop.

Isaías 27:6

Kataqmelekxak sa' apheykha Jacob énxet'ák apagkok se'e egmonye' nak, máxa yámet élatchessól'a kepmenák xapop sa' etnahagkok, máxa yámet éltektépeykekxa sa' etnahagkok elántépekxak ma'a énxet'ák Israel, tén han ma'a ektémól'a kalyapwa', kasawhekxohok sa' aqsok ekyexna apagkok keso nélwanmégkaxa.

Isaías 35:2

kalántekkásekxa makham ma'a pánaqte exnók ektémól'a m'a pánaqte exnók élyápaqmate éltaqmalmal'a, kalpayhekxoho agko' kélwáxok. Dios sa' etnéssesek ektaqmalma agko' ektéma nak ma'a Líbano, tén han megkéssamakxa katyapok aqsok ektéma nak ma'a Carmelo tén han ma'a ekyapwátegweykenxa nak xapop ma'a Sarón. Apyókxoho énxet sa' elwetak Wesse' egegkok élseyéxma apagkok tén han ma'a Dios egagkok apcheymákpoho nak.

Isaías 44:3

hakte wának sa' ko'o kanyehek yegmen ma'a yókxexma meykexa nak énxet, keñe sa' yegmen ényé m'a ekyamáyekxa nak xapop. Agkések sa' ko'o axnagkok apkelyennaqte m'a aptawán'ák neptámen nak, wáphássesek sa' ektaqmalma apheykha.

Isaías 45:8

“Néten sa' kañék ko'o wáphaksek ma'a élmallahanchesso nak énxet'ák, ektémól'a katyamok ma'a yálye tén han ekmámeye, kamok sa' takha' m'a xapop; máxa ekyexna sa' katnehek katekkesek ma'a nélwagkásamáxche teyp keytek sa' nahan xamók ma'a ekpéwomo nak nentémakxa.”

Isaías 57:18

Ekweteyak ko'o apkeltémakxa m'a, altaqmelchásekxak sa' eyke, agkések sa' yaqwayam ellókasagkok apkelyampe tén han ektaqmalma agko' apheykha. Alpeykessásekxak sa' ko'o apkelwáxok ma'a élyaqhápeykha nak chá'a apkelwáxok.

Isaías 57:19

Sa' atnehek alának apyókxoho s'e: ‘¡Tásek sa' katnehek kélheykha kélheykha nak makhawo', tásek sa' katnehek kélheykha kélheykha nak keto'! ¡Altaqmelchásekxak sa' ko'o m'a énxet'ák ahagkok!’

Jeremías 3:22

Hélyo'óta makham ko'o, énxet'ák sénmexeykekxa nak chá'a, amasséssesek sa' ko'o m'a ektémakxa nak chá'a sélenmexeykha.” “Keso negheyncha'a negko'o s'e, negya'aweykteyk xép, hakte xép apteme Dios Wesse' egagkok.

Jeremías 32:41

Kapayhekxak sa' chá'a ko'o ewáxok ektaqmela enxoho chá'a sekteméssesakxa, axnésha sa' ko'o s'e apchókxa nak ekweykmoho kañók agko' ewáxok, tén han meyke ekyexamaxkoho ewáxok.”

Oseas 6:3

¡Ólwasqápekxohok hana agya'ásegwók Wesse' egegkok! Hegyo'ótak sa' negko'o Wesse' egegkok, ektémól'a katyapok ekhem, ektémól'a kamme' kayássesek xapop, ekmáxaqxamakxal'a exma, tén han élyapweykxal'a yenta'a.

Miqueas 5:7

Keñe sa' nepyeseksa apxámokma énxet'ák, apkeleymomap nak ma'a Jacob énxet'ák apagkok, etnahagkok sa' ma'a ektémól'a yálye, apcháphassól'a Wesse' egegkok, tén han ektémól'a ekmámeye ekpálweyktál'a pa'at, melhaxanma nak chá'a apkeltémókxa etnehek ma'a énxet.

Miqueas 7:18

Méko pók Dios aphawo nak xép, hakte meyaqmagkásekxeyk chá'a exchep nentémakxa ekmaso, kalwanaqmohok nahan chá'a exchep nénmexeykekxa negko'o néleymomáxche nak egqántawók énxet'ák apagkok. Atsek negko'o eltamhók xép henxekmósek segásekhayo, megkawegqók chá'a aplo.

Deuteronomio 32:2

“Máxa ekmámeye sa' katnehek kapallenták ma'a nélxekmowásamáxche ahagkok, máxa yálye sa' katnehek ma'a sekpeywa, ektémól'a chawówa kapálwaták ma'a pa'at, ektémól'a kapálwaták yegmen ma'a pa'at ekpayhe.