Oseas 14:4 - Biblia Enxet

⁴ Aptáhak Wesse' egegkok se'e: “Amasséssesek sa' ko'o m'a ektémakxa nak sénmexeykha; alásekhekxohok sa' aqsa makham, megkapayhawok eykhe alásekhekxoho', hakte massék kaxwók séltaqnaweygko.

Oseas 14:4 ပူးပေါင်းရင်းမြစ်များ

Salmos 10:14

Apweteyak xép ma'a apkeltémakxa ekmaso senlókassamo nak anlano'; ¡apweteyak xép, etnéssesek sa' han ma'a ekpayhawo nak etnéssesek! Apkelyexánegweykmek xép ma'a meyke nak élmasma; xép appasmo chá'a m'a élyéheykha nak.

Salmos 20:8

Kalyelqaxkohok eyke chá'a apyay'ák ma'a, keñe elyaqnenek chá'a, keñe negko'o, mólyaqnenek chá'a, ólchempekxak chá'a néten.

Salmos 78:38

Apyósekak axta eyke apkelányo m'a Dios, meyaqmagkásekxeyk axta chá'a apkeltémakxa ekmaso, axta han emassésseykmok; megyohók axta chá'a katxek apwáxok aplo.

Éxodo 15:26

Aptáhak axta apkeláneya s'e: “Kélhaxnawók agkok chá'a kéxegke meyke kéltawásseyo kóleyxhok ma'a sektáhakxa enxoho chá'a séláneya, ko'o sektáha nak Wesse' Dios kélagkok, tén han kéllana enxoho chá'a m'a ekpeykeseykekxoho nak chá'a ko'o ewáxok, kélyahákxoho enxoho nahan chá'a m'a séltémókxa nak chá'a kóltéhek, tén han kéllana enxoho chá'a m'a segánamakxa ahagkok nak, magwáphaksek sa' ko'o xama enxoho m'a aqsok ekmaso nenlegeykegkoho, seyáphasa axta ko'o nepyeseksa m'a egipcios, hakte ko'o sekteme Wesse', ektáha nak chá'a apkelmeyáseykekxa kélyennaqte kéxegke.”

Isaías 12:1

Sa' kóltéhek kólpaqmétek kéxegke xa ekhem nak: “Wesse', ekméssek xép ekpayheykekxa ewáxok, hakte etaqnagkamchek axta eykhe ko'o exchep, massék eyke m'a aplo, egkeyásékxeyk makham meyke ektáhakxa ewáxok.

Isaías 55:1

“Kólchexyem kélyókxoho hem élnapma nak, kólyahagwata yegmen; meyke nak selyaqye kélagkok kólchexyem, kóltegyágwata hótáhap apaktek meyke ekyánmaga, tén sa' kóltawagkok; kóltegyágwata vino meyke kélyánmagkasso ketse' enxoho tén han weyke nagkeygmenek.

Isaías 57:18

Ekweteyak ko'o apkeltémakxa m'a, altaqmelchásekxak sa' eyke, agkések sa' yaqwayam ellókasagkok apkelyampe tén han ektaqmalma agko' apheykha. Alpeykessásekxak sa' ko'o apkelwáxok ma'a élyaqhápeykha nak chá'a apkelwáxok.

Jeremías 14:7

Wesse', ẽlsexnenagkamchek eykhe negko'o m'a mólya'assáxma nak, eyke elána sa' aqsa aqsok, eñama apkelmeyeykha m'a apwesey! Xámokmeyk negko'o negyenseyam negyetleykha exchep, nenláneykegkek mólya'assáxma nenmexeykekxo.

Jeremías 17:14

Wesse' hetaqmelchessem ko'o, keñe sa' ataqmelwók; hewagkas ko'o teyp, keñe sa' awagkasaxchek teyp, hakte xeyep apwánxa apagkok chá'a sélpeykessamo.

Jeremías 3:22

Hélyo'óta makham ko'o, énxet'ák sénmexeykekxa nak chá'a, amasséssesek sa' ko'o m'a ektémakxa nak chá'a sélenmexeykha.” “Keso negheyncha'a negko'o s'e, negya'aweykteyk xép, hakte xép apteme Dios Wesse' egagkok.

Jeremías 31:20

“Hatte seyásekhayo ko'o m'a Efraín énxet'ák apagkok; hatte sekmámenyého ahagko'. Apaqhetchesek eykhe chá'a ekyennaqte, mehelwánaqmeyk eyke chá'a; megkeynnayhek han chá'a ewáxok alano', apyósek apagko' nahan chá'a alano'. Ko'o sekxeyenma xa, sektáha nak Wesse'.

Jeremías 33:6

Altaqmelchásekxak sa' eyke ko'o makham, alyennaqtéssók sa' makham, agkeyásekxak sa' makham ekyawe agko' meyke ektáhakxa apheykha, tén han ektaqmalma.

Jeremías 5:6

Cháxa keñamak peya sa' kalántépok yámakméwa m'a naxma, keñe sa' kalnápok, nápakha'a apketkók sa' katnéssesek ma'a aqsok nawha'ák éllo élleykha nak yókxexma meykexa énxet, elyexanmaha sa' eleyxek yánneptána m'a nepyáwa nak tegma apkelyawe apagkok, nápakha'a apketkók sa' chá'a etnéssesagkok ma'a apkelántepa enxoho; hakte xámok agko' apkeláneyak melya'assáxma, hágkaxwe yenmexekxak ma'a Dios.

Jeremías 8:22

¿Mékoya xama enxoho pánaqte m'a Galaad? ¿Mékoya xama enxoho apmopwána hentaqmelchessók ma'a? ¿Yaqsa ektéma meltaqmelweykmo nak énxet'ák ahagkok?

Ezequiel 33:14

Éltennássek agkok ko'o ematñekxak xama énxet ekmaso nak aptémakxa, keñe apkelwátésa enxoho apkelane m'a mey'assáxma, elának ma'a aqsok ektaqmela yetlo ekpéwomo aptémakxa,

Ezequiel 36:36

Keñe sa' ma'a énxet'ák apheykha nak kélnepyáwa apkeleymomap nak meletsapma, elya'ásegwók sa' ko'o sektáha nak Wesse', seknaqxétekhásegkokxo makham ma'a aqsok kélpalcheseyam axta tén han sénákxo makham ma'a aqsok kélmassésseyam axta. Ekxénchek ko'o xa sektáha nak Wesse', alának sa' nahan.

Oseas 11:7

Apmenyeyk aqsa heyenyók ko'o m'a énxet'ák ahagkok, elpáxamha eykhe m'a netno nak, méko eyke kapasmok.

Oseas 2:19

Israel, etáwa' sa' ko'o atnehek megkatnégwayam néxa, etáwa' ahagko', ekhawo nak ekxeyenma m'a segánamakxa nak, megkatnégwomek sa' néxa seyásekhayo, tén han ekmayósa sélányo.

Oseas 6:1

Kólchexyem kélyókxoho, agyo'ókxak makham Wesse' egegkok. Ẽlekkexmeyk axta negko'o m'a, sa' eyke hẽltaqmelchessók makham ma'a; ẽlyensáseykegkek axta, sa' eyke hẽlpextehetchesek makham nélyense m'a.

Sofonías 3:17

Apheyk kélnepyeseksa kéxegke m'a Dios Wesse' kélagkok; ¡apmeyhek nahan ma'a, elwagkasek sa' teyp! Kapayhekxak sa' apwáxok elanok kéxegke m'a Wesse' egegkok. Egkeyásekxak sa' axnagkok kélyennaqte eñama apkelásekhayo; enneykmaksek sa' eñama kélpeykessáseykekxa apwáxok

Números 25:11

—Finees ko'o apmasseyásak séltaqnawéyak ma'a israelitas, hakte hawók ko'o ektémakxa nak sélmeyeykha apkelmeyeykha énxet'ák ma'a. Cháxa keñamak mamasséssekmo nak ko'o israelitas meytlákxoho m'a ektémakxa nak seklo sélmeyeykha.

Números 25:4

Aptáhak axta apcháneya Moisés se'e: —Yánchásekxa sa' apyókxoho apkelámha apmonye'e nak énxet'ák, elnáhap sa' nahaqtók ko'o ekhakxoho ekhem. Keñe sa' kamaskok séltaqnagko ko'o m'a énxet'ák Israel.