Oseas 14:2 - Biblia Enxet

² Kólyo'ókxa makham Wesse' egegkok, sa' kóltéhek kólmaxnak se'e ektáha nak: “Ná eyaqmagkásekxa aqsa ekyókxoho nentémakxa mólya'assáxma, ema sa' aqsa yetlo ektaqmeleykha apwáxok se'e nélpeykessamo negmésa nak.

Oseas 14:2 ပူးပေါင်းရင်းမြစ်များ

2 Samuel 12:13

Keñe axta David aptáha apcháneya Natán: —Éláneyak ko'o may'assáxma nápaqtók Wesse' egegkok. Keñe axta Natán aptáha apchátegmowágko: —Meñássesagkók sa' eyke exchep Wesse' egegkok aptémakxa mey'assáxma, megyetsepek sa' han.

2 Samuel 24:10

Chaqhak axta apwáxok David eyesagko aptáhakxa apnaqtáxésagko apkelwesey weykcha'áhak, keñe axta aptáha apkeltennasa Wesse' egegkok se'e: —Élanak ko'o ekyawe agko' may'assáxma sélana xa aqsok nak. Wesse' ahagkok, éltamhók eyke ko'o heyásekhekxohok makham neyseksa sélane xa aqsok ekmaso nak, ko'o sektáha nak xép apkeláneykha, asagkek ko'o sektáhakxa, máxa ektáhak ma'a énxet ekyeyháxmal'a.

Job 7:21

¿Mopwancheya heyásekhekxohok xép sektémakxa may'assáxma? ¿Mopwancheya heyásekhekxohok sektémakxa sélane aqsok ekmaso? Kaxwók sa' eytek náxop: hektamok sa', amassegwók sa' eyke.

Salmos 119:108

Wesse', ema takha' sekmésso nak ekxeyenma ewáxok, hélxekmós apchánamakxa nak antéhek.

Salmos 50:14

¡Kóltemésses aqsok kélmésso naqsa ekxeyenma kélwáxok ma'a Dios; kóllána aqsok kéltennasso axta kóllanaksek ma'a Meyke nak Ekhémo!

Salmos 51:16

Hakte mopmenyeyk xép ma'a aqsok ektekyawa tén han ma'a aqsok ekwatnamáxche nak; agkések eykhe ko'o exchep xa, háwe eyke m'a ekpeykessáseykekxohol'a apwáxok.

Salmos 51:17

Aqsok negmésso naqsa ekleklamo nak apwáxok Dios, cham'a élekxagweykha nak egwáxok; oh Dios, metaqnókek xép ma'a eyaqhe nak egwáxok nentémakxa!

Isaías 44:22

Máxa yaphope ekmassegwayam la'a aqsa ekteméssessók ko'o sekmassesseykmo m'a aqsok megyaqhémo nak tén han ma'a mey'assáxma. Hey'óta ko'o makham, hakte ko'o axta sekwagkasso teyp xép.”

Isaías 6:7

épetchessessek axta ahátog, aptáhak axta seyáneya s'e: “Elano, yepetcha'ak xép apátog se'e átex nak. Kélyenyókassek aptémakxa ekmaso, megkólyaqmagkásekxak ma'a aptémakxa mey'assáxma.”

Jeremías 3:12

Exeg sa', emhók sa' ma'a ekpayho nak nexcheyha, eñes sa' se'e amya'a nak: “Aptáhak Wesse' egegkok se'e: ¡Hey'óta' ko'o, Israel sénmexeykekxo nak! Ataqmelcheshok sa' ko'o amok takha exche', mawenaqtésók sa' nahan seklo, hakte ko'o sekteme ektaqmeleykha ewáxok. Ekméssek ko'o sekpeywa, sektáha nak Wesse' kélagkok.

Oseas 12:7

Aptáhak Wesse' egegkok se'e: “Apmeykha énxet'ák Canaán ma'a kelyetsáteyak ekmenyexmo nak, hakte atsek chá'a emáwhok emenyexek pók.

Oseas 5:5

Apcheymákpoho keñamak Israel eksexnáneya; pelápagkassek Efraín ma'a mey'assáxma apagko' nak, ¡kawakxohok sa' nahan Judá appelápeyam xamo' ma'a!

Oseas 6:6

Wánxa eyke aqsa seyámenyého ko'o kéxegke hélásekhoho', maltamhók hélnáhakkasek ma'a aqsok kélnaqtósso; éltamhók kólya'asagkohok sektáha ko'o Dios, maltamhók hélwatnések ma'a aqsok kélnaqtósso.

Joel 2:17

Kóllekxagwaha apkelmaxnéssesso énxet'ák ahagkok, apkeltamheykha nak chá'a sekhakxa ko'o sektáha nak Wesse', kólteme kólpaqmétek émha amonye' apwáxok nak tegma appagkanamap, tén han élwatnamáxchexa nak aqsok se'e: “Wesse', elásekhekxoho énxet'ák apagkok; nágyoho aqsa ey'ássók xama énxet enxoho m'a énxet'ák apagkok; nágyoho enaqtawasagkohok ma'a pók énxet'ák nak, nágyoho etnehek énxet melya'áseyak nak xép se'e: ¿Háxko aphakxa Dios apagkok?”

Jonás 2:9

Almések sa' eyke ko'o exchep seknaqtósso sélnapma, yetlo sekmeneykmasso sekmésso ekxeyenma ewáxok. Alának sa' ma'a séltennasso axta alána'. ¡Wesse', xép apwánxa apagkok, apmopwána hegwagkasek teyp!”

Zacarías 3:4

Tén axta m'a Wesse' egegkok apchásenneykha apkelpaqhetchesa m'a appasmeykha axta chá'a aptamheykha apkeltamho elhaxyawássesek Josué xa apkelnaqta apkelpéseykmoho nak. Tén axta aptáha apcháneya s'e: “Elano, cháxa sekyenyókasa exchep aptémakxa mey'assáxma xa. ¡Wának sa' ko'o kaxwók kólántaxneyásekxak ma'a apáwa apkeltaqmalma apagko' nak!”