Oseas 13:15 - Biblia Enxet

¹⁵ Máxa sa' eykhe etnehek Israel ma'a ektémól'a kalyapwak pa'at, kawátekhápok sa' eyke m'a éxchahayam eñama nak ekteyapmakxa ekhem, cham'a éxchahayam ekyennaqte eñama nak ekwátekhapma m'a yókxexma meykexa nak énxet, keymaksek sa' ma'a ekteyapmakxa nak chá'a yegmen, kalyamasagkok sa' ma'a yámelchet. Elyementamok sa' apkelenmexma m'a aqsok élmomnáwa, tén han ma'a aqsok éltaqmalma nak.

Oseas 13:15 ပူးပေါင်းရင်းမြစ်များ

Génesis 41:23

Keñe axta neptámen apkelántepa han siete apyexna élyamaye, éxchahayam ekmexanma élwatno.

Génesis 41:52

Keñe axta m'a axayók aptéyam apteméssesa apwesey Efraín, hakte axta aptáhak se'e: “Dios egkéssók ko'o yaqwayam ótak étchek ma'a apchókxa ekyentaxnamakxa nak sekha.”

Génesis 41:6

Keñe axta makham neptámen élántépeykxo siete hótáhap apyexna apkelyamaye, éxchahayam ekmexanma élwatno,

Génesis 48:19

Axta eyke emakók etnehek apyáp xa ektáha nak, aptáhak axta apchátegmowágko s'e: —¡Ekya'ásegko', hatte, ekya'ásegko'! Exámekxak sa' eyke han pók aptémakxa énxet'ák apagkok xa Manasés. Sa' eyke ekyágwánxa agkok etnehek néten ekyawe kéláyo m'a apyáxeg nak, exámekxohok apagko' sa' pók aptémakxa aptawán'ák neptámen.

Génesis 49:22

“Aphawók José m'a yámet émha nak neyáwa yegmen, ekxámokmal'a ekyexna, élápxegmal'a aktegák ma'a neyáwa kélhaxtegkesso.

Job 18:16

Aphawók ma'a yámet élyamayél'a kepmenák tén han áwa'.

Salmos 1:4

Megkaxnawok ma'a énxet'ák élmasagcha'a nak apkeltémakxa, hakte aphawók ma'a pa'at apák élsó nak éxchahayam.

Salmos 109:13

Esawhakpohok sa' eletsapok ma'a aptawán'ák neptámen, kamassegwomhok agko' sa' apwesey.

Isaías 14:21

Kóllánekxa sa' kéltáhakxa yaqwayam kólnápekxak kélketchek apkelennay'a eñama ekmaso apkeltémakxa m'a apyapmeyk nak, yaqwayam sa' megkalxének kaxwók apkelwáxok etnahagkok apagkok keso náxop, tén han exámaksek tegma apkelyawe keso nélwanmégkaxa.”

Isaías 17:13

Xama axta apkelpaqhetchesa ekyennaqte agko' ma'a Dios, makhawók axta apkelmahágkok apkelyexanma, axta aptamhágkok ma'a ektémól'a pa'at kalsók éxchahayam ma'a yókxexma, ektémól'a am'ák kalpexyawasagkok náxop kalsók ma'a éxchahayam ekyennaqte agko'.

Isaías 27:8

Apkellegassáseykegkók axta énxet'ák apagkok Dios apkeltémo kólnaqlakxak ma'a megkatnahakxa nak apkelókxa, apwátekhapmeyk axta ekyennaqte agko' apkelántekkessama, ektémól'a kaxchahák ma'a éxchahayam eñama nak teyapmakxa ekhem.

Isaías 41:16

Yempaksek sa' tén sa' kalsók éxchahayam; segyettekhane ekyennaqte sa' kaxpánchesha. Keñe sa' xép kapayhekxak apwáxok xamók ma'a Wesse' egegkok, kaqheykha sa' apwáxok ma'a Dios Aptaqmalma nak Israel.

Jeremías 20:5

Almések sa' nahan ko'o kélenmexma m'a ekyókxoho aqsok ekxámokma ekhéyak nak se'e tegma apwányam nak, tén han ekyókxoho aqsok ekyetnakxa nak, tén han ma'a aqsok élmomnáwa, tén han ma'a ekyókxoho aqsok éltaqmalma apagkok nak kelwesse'e apkelwányam Judá, yaqwayam sa' elsakxak ma'a Babilonia.

Jeremías 4:11

Wokmek sa' agkok xa ekhem nak, sa' katnehek amya'a elxénakpok énxet'ák Jerusalén se'e: “Éxchahayam ekmexanma wátekhápak énxet'ák ahagkok eñama nak meykexa énxet. Háwe m'a éxchahayam megkeynnaqtél'a, kélmowánal'a kólchempaksek apyempe'ék apák hótáhap apaktek;

Jeremías 4:12

kayhók agko' sa' katnehek éxchahayam peya nak ko'o wáphaksek, megkaxók sa' xa ekwánxa nak, axének sa' ko'o kaxwók yaqwánxa katnehek xa énxet'ák nak.”

Jeremías 51:1

Aptáhak Wesse' egegkok se'e: “Wahak sa' ko'o éxchahayam ekyennaqte agko' ekmassésseykmohol'a aqsok ma'a Babilonia, tén han caldeos.

Jeremías 51:36

Aptáhak Wesse' egegkok se'e: “Alánekxések sa' ko'o exchep amya'a kélteméssessamakxa, ayaqmagkassásekxak sa' ko'o apteméssessamakxa exchep ma'a apkelenmexma. Eymaksek sa' ko'o m'a wátsam, tén han ma'a élánteyapmakxa nak yegmen Babilonia,

Ezequiel 17:10

Kóllánekxohok sa' eykhe chá'a kélcheneykekxa, megkaltektépekxeyk sa' eyke chá'a; kalyameygkok sa' chá'a m'a ekwátekhapa enxoho éxchahayam eñama nak teyapmakxa ekhem; kalyameygkok sa' chá'a m'a ekpayhókxa nak chá'a élyephagweykxa m'a éltekteyapma.’”

Ezequiel 19:12

Kélpátekkessek axta eyke yetlo ektaqnómaxche, kélpekkenchek axta náxop. Yamássek axta m'a éxchahayam eñama nak teyapmakxa ekhem pallakmek axta m'a ekyexna; Kelyamakak axta m'a aktegák élyennaqte nak kélchexakkek axta nátex.

Daniel 11:8

Elsakxak sa' nahan Egipto m'a aqsok apkeláyókxa nak, tén han kéleykmássesso élánamáxche nak sawo égmenek kélpeykáseykekxa', tén han mók aqsok élmomnáwa sawo ekyátekto élmomnáwa, tén han sawo ekmope élmomnáwa. Yeyk'ak sa' agkok pók xama apyeyam meyke kempakhakma xa ánet apkelókxa nak,

Oseas 10:1

Aphawók Israel ma'a anmen yámet ekxámokmal'a ekyexna, xámagkek agkok ma'a ekyexna nak, kaxámagkok han chá'a apkeláneyak ma'a élwatnamáxchexa nak aqsok, yágwokmók agkok chá'a ektaqmalma m'a xapop apagkok nak, kayágwomhok han chá'a aptaqmelchessamo apkeláneyak ma'a meteymog élpagkanamaxche nak.

Oseas 2:3

Sa' agkok katnahak xa ektáha nak, meyke apáwa agko' sa' atnéssesek ekyókxa'; sa' atnéssesek ma'a ektémakxa axta sekxók ektéyeykmo, sa' atnessásekxak ma'a ektémól'a yókxexma meykexa énxet, ekyamáyo agko' la'a xapop, wának sa' katsapok hem eyaqhe.

Oseas 4:19

¡Kalchampaksek sa' éxchahayam, elmegqék sa' eñama apkelpeykessamo aqsok kéleykmássesso!

Oseas 9:11

Máxa náta sa' katnehek kampak ma'a ektémakxa nak apcheymákpoho m'a Efraín. Mexek sa' chá'a kaxwók sakcha'a kaxwe appalleyam, méko sa' kaxwók katnehek ma'a kelán'ák lós'awo', kamaskok sa' kaxek kélketchek.

Jonás 4:8

Xama axta ekwa'a néten ekhem, apkeltamhók axta kaxchahák Dios ekmexanma eñama m'a ekteyapmakxa ekhem, apwetágkok axta peya kápok ma'a Jonás hakte payhawók axta ekmexanma m'a aphakxa, apkeltamhók axta yetsapok. —Tásek ko'o watsapok, kaxnók aweynchamha chá'a— axta aptáhak.

Nahúm 2:9

¡Kólmenyexák sawo ekmope élmomnáwa! ¡tén han sawo ekyátekto élmomnáwa! ¡Xámok agko' aqsok éltaqmalma m'a Nínive!

Deuteronomio 33:17

Aptásek ma'a, máxa m'a émha amonye' étkok la'a m'a weyke kennawo' apmeyhek nahan, máxa m'a yágweykel'a. Elyetxeygkok sa' nahan ma'a apyókxoho énxet'ák ekweykmoho m'a néxa xapop nak. Aphawók ma'a Efraín énxet'ák apagkok apxámokma nak; tén han ma'a Manasés énxet'ák apagkok nak.”