Oseas 13:14 - Biblia Enxet

¹⁴ ¿Amallahancheseya ko'o peya enxoho emhagkok ma'a kélya'assamakxa nak chá'a énxet apkeletsapma? ¿Awagkaseya ko'o teyp peya enxoho yetsapok? Nétsapma, ¿háxko ekmahágkaxa m'a ekmowána nak hegaqhek? Takhaxpop, ¿háxko ekmahágkaxa m'a senlagassáseykegkoho nak? ¡Megkalapyóshek sa' ko'o kaxwók alanok xa énxet'ák nak!”

Oseas 13:14 ပူးပေါင်းရင်းမြစ်များ

Job 33:24

kapyóshok han elano' keñe etnehek yának Dios se'e: “Ewagkas teyp, nágyoho yetsapok, ekwet'ak ko'o yaqwánxa atnehek awagkasek teyp”,

Job 41:22

Kayhok agko' nahan ma'a ayespok, apyókxoho énxet han chá'a yeyk ma'a apkelwet'a enxoho.

Salmos 16:10

hakte megyohok sa' axnamok ma'a apkelmaheykegkaxa nak chá'a apkeletsapma, ¡megyohok sa' axnamok kañe' máxek ko'o sektáha nak xép apkeláneykha meyenyaweykha!

Salmos 30:3

xép Wesse', ewagkassek axta teyp keto' sétsapmakxa', egkeyásekxeyk axta sekyennaqte, emallahanchessek axta m'a nétsapmakxa nak.

Salmos 49:15

Hemallahanchesek sa' eyke ko'o Dios ektémakxa ekmowána nétsapma, hakte héntemekxak sa'.

Salmos 49:16

Nágkeytnakhoho apwáxok apwet'a enxoho xama énxet kaxámak aqsok apagkok, tén han apxámásegko enxoho apxagkok aqsok éltaqmela,

Salmos 71:20

Xámok eykhe exchep segkésso aqsok ekmaso, tén han ekyentaxno sekha, hélenxánegkeshok sa' eyke makham sekha; megyohók sa' amhagkok ma'a apkelmaheykegkaxa nak apkeletsapma,

Salmos 86:13

¡Awanhók agko' ko'o exchep seyásekhayo! ¡Megyahayók amhagkok ma'a apkelmaheykegkaxa nak apkeletsapma!

Isaías 25:8

Emasséssamhok apagko' sa' Wesse' egegkok ma'a nétsapma, elhaxyawássesagkok sa' apaqtek égmen'ák apyókxoho énxet'ák, yának sa' kamassegwók apkelmegqásamáp énxet'ák apagkok ekyókxoho keso náxop. Wesse' egegkok apxeyenma xa.

Isaías 26:19

Eyke m'a énxet'ák apagkok apkeletsapma nak enaqxétekhágwók sa', kanaqxétekhagkokxak sa' ma'a aphopák nak. Enaqxétekhagkok sa' ma'a apkeletsapma nak keso náxop, elwehesha sa' kalpayhekxak apkelwáxok. Hakte apcháphassegkek xép élseyéxma apagkok ekho yálye, keñe sa' ma'a apkeletsapma axta elántépekxak makham keso náxop.

Jeremías 15:6

Eyamasmeyk xép, massegkek sélányo. Ko'o sekxeyenma xa, sektáha nak Wesse'. Cháxa keñamak séleklágweykmo nak séláneykha aqsa, ekya'ássek néten émek peya añássesagkoho', keñe sekmasséssekmo.

Jeremías 20:16

¡Exhok sa' tegma apkelyawe xa énxet nak apmassesseykmo axta Dios meyke néxa! ¡Eñak sa' chá'a axto'ók élpayheykha kélatña'ák kéllegeykegkoho ekmáske, keñe sa' yetseksók ekhem eñak chá'a sẽltennasso peya kampakhaxche',

Jeremías 31:35

Aptáhak Wesse' egegkok, apwesey nak Wesse' ekha apyennaqte, appekkenma nak mayáhat yaqwayam kalsaksek exma ekhem, tén han pelten, yaw'a, yaqwayam elsaksek exma axta'a, apkeltémo nak chá'a kalnextog néten yegmen ma'a wátsam ekwányam, tén han kapáwak awáxok ma'a élyaqyahayam agkok nak:

Ezequiel 37:9

Tén axta Wesse' egegkok aptáha seyáneya s'e: “Elpaqhetches sa' yetlo apxeyenma sekwesey m'a kélennama segméssamo nak negyennaqte, etne sa' elának se'e: ‘Keso aptáhakxa exchek appeywa Wesse' egegkok se'e: Kélennama segméssamo nak negyennaqte, kólxegma kéleñama ekyókxoho yókxexma, kólnaqxétekhasagkokxa makham se'e kélhapák életsapma nak.’”

Oseas 6:2

Ekmanyehe agko' sa' hẽlmeyásekxak nélyennaqte, hẽlchampásekxak sa' néten, yaqwayam sa' aghakha nápaqto'.

Oseas 7:10

Apcheymákpoho keñamak Israel eksexnáneya. Neyseksa eykhe ekteme xa ekyókxoho aqsok nak, melye'eykekxak ma'a Dios Wesse' apagkok, melchetamsók nahan.

Malaquías 3:6

“Ko'o sekteme Wesse' kélagkok. Mayaqmagkasseykmok mók sektémakxa. Cháxa keñamak megkólmassesseykmo nak kéxegke, kélteme nak Jacob aptawán'ák neptámen.

Números 23:19

Maghawok negko'o m'a Dios nentáha nak énxet néletsapmo nak chá'a, metnehek apmopwána amya'a, meyaqmagkassemek nahan mók ma'a aqsok apxeyenma. Apxénchek agkok xama aqsok, elának nahan. Apxénchek agkok nahan élanak xama aqsok, elának nahan.

1 Samuel 15:29

Hakte metnehek apmopwána amya'a m'a Dios apcheymákpoho nak Israel, meyaqmagkassemek han appeywa, hakte háwe énxet eyaqmagkassók mók appeywa.