Oseas 13:11 - Biblia Enxet

¹¹ Almések axta chá'a kelwesse'e apkelwányam apagkok neyseksa sektaqnagko, neyseksa sektaqnagko axta han chá'a alyementemekxa'.

Oseas 13:11 ပူးပေါင်းရင်းမြစ်များ

Proverbios 28:2

Apkelánegkek agkok chá'a melya'assáxma xama apchókxa, eyaqmagkasagkok chá'a pók ma'a apkelwesse'e apkeláneykha nak apchókxa, keñe aptáha enxoho apkemha apmonye' m'a énxet apya'áseykegkoho nak chá'a apkeláneykekxa aqsok, kataqmelek chá'a ekxega m'a apchókxa.

Oseas 10:3

Keñe sa' kaxwók xa énxet'ák nak etnehek elpaqmétek se'e: “Méko kaxwók wesse' apwányam egagkok, hakte massegkek negáyo m'a Wesse' egegkok. ¿Yaqsa elának xama wesse' apwányam yaqwayam hempasmok negko'o?

Oseas 10:7

Máxa yámet nekha ketsék sa' etnehek exyenmok ma'a wesse' apwányam Samaria, ekseykhal'a takha' yegmen.

Oseas 3:4

Ahóxek sa' katnehek meyke wesse' apwányam apagkok ma'a israelitas, tén han meyke apkemha apmonye' apagkok, keñe han meyke apkelnapma chá'a aqsok apnaqtósso, tén han meteymog élpagkanamaxche', tén han meyke apkelnaqta apkelmeykegko nak chá'a apkelmaxnéssesso Dios énxet'ák apagkok, tén han kéleykmássesso étkók ma'a apxanák nak.

Oseas 8:4

“Meyke séltennasso ko'o apkelyéseykha m'a kelwesse'e apkelwányam apagkok, apkelyéseykha apkelámha apmonye'e apagkok meyke sekya'áseyak ko'o. Apkelmeykha sawo élmope élmomnáwa, tén han sawo ekyátekto ekmomnáwa apagkok yaqwayam elanagkok aqsok apcháyókxa, yaqwayam sa' enaqtawasakpohok apagko'.

1 Samuel 10:17

Keñe axta Samuel apkeláneyáncha'a m'a énxet'ák Israel, yaqwayam elpeykeshok Dios ma'a yókxexma Mispá;

1 Samuel 10:19

Keñe kaxwók kéxegke kélyenyawa m'a Dios kélagkok, apkelmallahanchesso axta ekyókxoho ekmaso kélheykha, tén han kéllegeykegkoho, kélyamasmeyk kéltémo exek xama wesse' apwányam kélagkok yaqwayam etnehek apkemha apmonye' apkeltaqmelchesso. Kólchaqnágwata kaxwók nápaqtók Wesse' egegkok, ektáhakxa nak chá'a énxet'ák kélagkok, tén han kélnámakkok kélagko'.

1 Samuel 12:1

Aptáhak axta Samuel apkeláneya apyókxoho énxet'ák Israel: —Éláneyak ko'o ekyókxoho m'a sélmaxneyeykha axta chá'a, ekméssegkek xama wesse' apwányam kélagkok.

1 Samuel 12:13

Keso wesse' apwányam kélagkok se'e ektáha axta kélyéseykha. Apméssegkek Wesse' egegkok ma'a wesse' apwányam kélmaxnagkama axta.

1 Samuel 15:26

—Meytlakxe' —axta aptáhak apchátegmowágko Samuel—, hakte apyetnakhassegkek xép ma'a apchánamakxa nak antéhek Wesse' egegkok, apkelwátessessek eyke han kaxwók xép apteme wesse' apwányam ma'a Israel.

1 Samuel 16:1

Aptáhak axta Wesse' egegkok apcháneya Samuel: —¿Háxko sa' ekwánxa kamassegwók élapwayam eñama aptémakxa m'a Saúl? Maltamhók ko'o elenxanmagkohok apteme wesse' apwányam Israel ma'a. Exeg, eyátawakxa pexmok égmenek apyeta nak chá'a, éltamhók ko'o emhagkok xép ma'a Jesé apxagkok, apha nak Belén, hakte élyesáha ko'o yaqwayam etnehek wesse' apwányam xama apketche m'a.