Oseas 13:10 - Biblia Enxet

¹⁰ ¿Háxko apmahágkaxa wesse' apwányam apagkok apkelwagkassamo axta chá'a teyp tegma apkelyawe apagkok? ¿Háxko apkelmahágkaxa m'a apkelwesse'e apagkok, apkelmaxnagkama axta chá'a exchep yaqwayam egkések wesse' apwányam apagkok, tén han apkelámha apmonye'e apagkok?

Oseas 13:10 ပူးပေါင်းရင်းမြစ်များ

1 Reyes 12:20

Xama axta apkelleg'a amya'a énxet'ák Israel apwákxo makham Jeroboam ma'a, apkeltamhók axta kólyentawakxak yaqwayam enxoho ewakxak aphágkaxa m'a énxet'ák, keñe kélteméssesa wesse' apwányam ma'a ekyókxoho apheykegkaxa nak Israel, méko axta xama apyetleykekxa m'a David axta aptawán'ák neptámen, wánxa axta aqsa m'a Judá énxet'ák apagkok.

2 Reyes 17:4

Apyekpelchágwokmek axta eyke Salmanasar apyexamakpoho apmáheyókxa etnéssesek Oseas apmáheyo yenmexek, keñe han apkeláphassama apkelxegexma'a aphakxa m'a So, wesse' apwányam nak Egipto, tén han apweteya ekmassama apyánmagkasso chá'a aqsok yókxoho apyeyam. Tén axta Salmanasar apkeltémo emakpok Oseas tén han kólaqxegkesek kañe' negmomaxchexa';

Salmos 10:16

Wesse' egegkok apteme Wesse' apwányam memassegwayam, ¡kólántekkesek sa' apkelókxa m'a melya'áseyak nak Dios!

Salmos 149:2

Israelitas, kalpayhekxa kélwáxok, kélteme nak énxet'ák Sión, hakte Dios apteme apkelane kéxegke, tén han Wesse' apwányam kélagkok.

Salmos 44:4

¡Wesse' Apwányam ahagkok! ¡Dios ahagkok! Xép axta apkelmallahanchesso énxet'ák apagkok;

Salmos 74:12

Nanók agko' xép apteme wesse' apwányam egagkok. Xámokmeyk agko' axta exchep sẽlwagkasso teyp keso náxop:

Salmos 89:18

¡Negáhakkásamaxche negko'o m'a Wesse' egegkok! ¡Wesse' apwányam egagkok ma'a Appagkanamap nak Israel!

Isaías 33:22

Kelyelqamáxcheyk táma' kélnaqtete xa yántakpayhe ekyawe nak massegkek élyennaqtésso m'a yámet ekwenaqte agkok nak; megkólwanchek kólpeykásekxak ma'a apáwa agkok nak. Ólyementamok sa' ekxámokma agko' aqsok apagkok ma'a sẽlenmexma nak, kawomhok sa' apkelxawéyak aqsok apagkok ma'a meyke nak apaqta'ák, elmagkok sa' aqsok ma'a élmasagcha'a nak chá'a apyókxa apkelyelqamap nak chá'a. Hakte Wesse' egegkok apteme énxet segyekpelchémo egagkok, apteme senlánésso chá'a segánamakxa tén han wesse' apwányam egagkok, sa' hẽlwagkasek nahan teyp ma'a.

Isaías 43:15

Ko'o sekteme Wesse', ektáha nak sélane m'a Israel, Dios Sektaqmalma, wesse' apwányam kélagkok nak kéxegke.”

Jeremías 2:28

Énxet'ák Judá, ¿háxko ekheykegkaxa m'a aqsok kéláyókxa kélláneyak axta? ¡Xámok agko' kéxegke aqsok kéláyókxa, hawók ma'a tegma apkelyawe kélagkok nak! ¡Tásek sa' kalxegmak ma'a, awanchek sa' kexaha kalwagkasek teyp eyáhapwa'a sa' ekmaso kélheykha!

Jeremías 8:19

Legáxkók apkelápentegeykha apkellegeykegkoho ekmáske énxet'ák ahagkok ma'a ekyókxoho apheykegkaxa nak énxet: “¿Masséya apha Wesse' egegkok ma'a Sión? ¿Masséya apha wesse' apwányam apagkok ma'a?” Aptáhak axta apchátegmowágko Wesse' egegkok se'e: “¿Yaqsa ektéma séllókassama nak kélpeykessamo m'a kéleykmássesso, cham'a aqsok kéláyókxa ekteme nak mékcha'awo tén han éleñama mók nekha?”

Lamentaciones 4:20

Apmomakpek ma'a Wesse' egegkok apkelyéseykha nak, sẽlwasqakkáseykekxoho axta chá'a, cham'a wesse' apwányam nentéma axta chá'a agának se'e: “Aghakha sa' chá'a negko'o aphakxa exchep nepyeseksa énxet'ák yaqwayam hẽlmeyók chá'a”.

Oseas 10:3

Keñe sa' kaxwók xa énxet'ák nak etnehek elpaqmétek se'e: “Méko kaxwók wesse' apwányam egagkok, hakte massegkek negáyo m'a Wesse' egegkok. ¿Yaqsa elának xama wesse' apwányam yaqwayam hempasmok negko'o?

Oseas 13:4

Aptáhak Wesse' egegkok se'e: “Ko'o Wesse', ko'o Dios apagkok eyeynamo m'a aphamakxa axta Egipto: Ná etne aqsa Dios apagkok mók aqsok enxoho, ko'o sa' aqsa, ko'o sekwánxa ahagkok sekwagkasso teyp xép.

Oseas 3:4

Ahóxek sa' katnehek meyke wesse' apwányam apagkok ma'a israelitas, tén han meyke apkemha apmonye' apagkok, keñe han meyke apkelnapma chá'a aqsok apnaqtósso, tén han meteymog élpagkanamaxche', tén han meyke apkelnaqta apkelmeykegko nak chá'a apkelmaxnéssesso Dios énxet'ák apagkok, tén han kéleykmássesso étkók ma'a apxanák nak.

Oseas 7:7

Apkeláléwomchek ma'a, máxa m'a táxa axagkok la'a, apkelwatnegkek ma'a apkelwesse'e apagkok nak. Apsawhomákpók aptekyóma m'a apkelwesse'e apkelwányam apagkok, méko m'a xama enxoho sewóneykha yaqwayam yának apasmok.

Oseas 8:4

“Meyke séltennasso ko'o apkelyéseykha m'a kelwesse'e apkelwányam apagkok, apkelyéseykha apkelámha apmonye'e apagkok meyke sekya'áseyak ko'o. Apkelmeykha sawo élmope élmomnáwa, tén han sawo ekyátekto ekmomnáwa apagkok yaqwayam elanagkok aqsok apcháyókxa, yaqwayam sa' enaqtawasakpohok apagko'.

Zacarías 14:9

Cháxa ekhem yaqwánxa sa' etnehek Wesse' apwányam Wesse' egegkok ekyókxoho keso náxop. Wánxa sa' nahan xama etnehek ma'a Wesse' egegkok, xama sa' nahan katnehek ma'a apwesey.

1 Samuel 8:7

tén axta aptáha apchátegmowágko Wesse' egegkok se'e: “Etne sa' aqsa m'a ektáhakxa enxoho apkelmaxneyeykha énxet'ák, háwe eyke exchep kélyetnakhasso, ko'o eyke, yaqwayam matnehek chá'a Wesse' apwányam nepyeseksa.