Oseas 12:4 - Biblia Enxet

⁴ Apkelnápomákpek axta han xama Dios apchásenneykha, apwatneyk axta han ma'a Jacob, apwóneyk axta, keñe apkeltamho kapyóshok elano'. Apwetágwokmek axta nahan Dios ma'a Betel, appaqhetchessek axta nahan ma'a.

Oseas 12:4 ပူးပေါင်းရင်းမြစ်များ

Génesis 25:26

Keñe axta apteyekmo han ma'a apyáxeg, apmásseságkek axta apáhak ma'a Esaú, axta keñamak kélteméssesa apwesey Jacob. Sesenta apyeyam apagkok axta weykmok Isaac, ektéma axta naqláwa m'a Rebeca.

Génesis 32:24

Apxakko' axta aphákxak Jacob ma'a, apwa'ak axta han aphakxa xama énxet, apkelnápeykpek axta ekwokmoho élsaka,

Génesis 32:25

xama axta mexnawo Jacob ma'a énxet nak, aptekpagkassek axta awhak apyók, leyáxkok axta han awhak apyók ma'a Jacob neyseksa apkelnápomap.

Génesis 32:26

Keñe axta énxet aptáha s'e: —Heyenyekxa', kelsake'. —Mayenyekxék eyke m'a mexéna enxoho hepasmok, —axta aptáhak Jacob apchátegmowágko.

Génesis 32:29

—Héltennés kaxwók xép apwesey —axta aptáhak apkelmaxneyáncha'a Jacob. Aptáhak axta énxet apchátegmowágkokxo s'e: —¿Yaqsa ektáha sélmaxneyáncha'a nak sekwesey? Yetlókok axta han apxeyenma kataqmelek apha m'a.

Génesis 35:15

Betel axta han aptemessásak ekwesey xa yókxexma nak.

Génesis 48:15

Tén axta aptáha apkelmaxnéssesa aqsok éltaqmela José s'e: “Dios apkelyeheykekxoho axta chá'a m'a Abraham tén han Isaac, cham'a élyapmeyk nano' axta, Dios setaqmelchessama, axta sekxók sekteyeykmo,

Salmos 66:6

xapop ekyamaye axta aptemessáseykekxak ma'a wátsam ekyawe nak, keñe axta m'a ẽlyapmeyk nano' axta negko'o apkelyeykheykekxo náxop ma'a wátsam nak; ¡axta nenlánegweykmok nélsawássessamo ekyókxoho senteméssessamakxa axta Dios ma'a!

Isaías 63:9

ekyókxoho apkellegeykegkoho ekyentaxnamo apkelwáxok ma'a. Háwe apkelwagkasso teyp xama m'a apkelápháseykha nak xép; Wesse' egegkok apagko' axta. Axta apkelwagkasso teyp ma'a eñama apkelásekhayo tén han apkelmopyóseka apkelányo, apkelchampásekxeyk axta néten keñe apkelqeynákxo. Cháxa apteméssessamakxa chá'a yókxoho ekhem xa ektáha nak.

Malaquías 3:1

Aptáhak Wesse' egegkok ekha apyennaqte s'e: “Wáphaksek sa' ko'o apseykha amya'a ahagkok, yaqwayam enxoho ko'o hélanaksek ámay. Kaxwók sa' etaxnegwaták tegma appagkanamap apagkok ma'a Wesse' egegkok, kélchetamsama nak chá'a kéxegke. ¡Apxegakmek ma'a apseykha amya'a apxeyenmo nak chá'a m'a ekhémo mók nélpaqhetchásamáxkoho kélmámenyého nak chá'a kéxegke!”