Oseas 11:4 - Biblia Enxet

⁴ Yetlo sélápeykha axta eknaqleykenták sekhakxa, tén han yetlo sélásekhayo; axta ekteméssessók séleynma m'a ektémól'a ólqeynek sakcha'a keyetsék megkalyamasmal'a neme; waháxeheykha axta chá'a alagkok aptéyak,

Oseas 11:4 ပူးပေါင်းရင်းမြစ်များ

2 Samuel 7:14

Ko'o sa' hetnehek apyáp ma'a, keñe sa' ko'o atnehek hatte. Apkelanak sa' agkok aqsok ekmaso, tén sa' ko'o añássesagkoho', alyekpexchetmakha sa' chá'a aptémól'a apyókxoho apyáp elának ma'a apketche,

Salmos 105:40

Apkelmaxnagkamchek axta aptéyak, keñe apcháphássessama sénhek, apkelyaqkánegkessegkek axta apkeleykegko m'a nento éleñama nak néten.

Éxodo 16:32

Keñe axta Moisés aptáha s'e: —Keso apmésso appeywa apkeltamhókxa chá'a kóltéhek Wesse' egegkok se'e: ‘kólxátem sa' maná ekweykmoho chá'a ánet kilos, tén sa' kóltaqmelchessesek ma'a kéltawán'ák nak, yaqwayam sa' elwetak ma'a nento sekmésso axta ko'o kéxegke m'a yókxexma meykexa nak énxet, cham'a sélántekkesa axta kéxegke m'a Egipto.’

Cantares 1:4

¡Héntemekxa heykxe kaxwo'! ¡Wesse' apwányam, héntemekxa kañe' apxagkok! Kalpayhekxak sa' egwáxok yetlo exchep; kalxénwakxohok sa' egwáxok ekyeykhágweykmoho ektémakxa vino m'a ektémakxa nak chá'a seyásekhayo. ¡Neyke temék ekmámenyého nak chá'a m'a kelán'ák!

Isaías 63:9

ekyókxoho apkellegeykegkoho ekyentaxnamo apkelwáxok ma'a. Háwe apkelwagkasso teyp xama m'a apkelápháseykha nak xép; Wesse' egegkok apagko' axta. Axta apkelwagkasso teyp ma'a eñama apkelásekhayo tén han apkelmopyóseka apkelányo, apkelchampásekxeyk axta néten keñe apkelqeynákxo. Cháxa apteméssessamakxa chá'a yókxoho ekhem xa ektáha nak.

Oseas 2:8

“Makke kay'ásegkok sektáha chá'a ko'o sekmésso m'a hótáhap apaktek, tén han vino, tén han ma'a pexmok égmenek; megkay'ásegkok sektáha chá'a ko'o sekxámassáseyak ma'a sawo ekmope ekmomnáwa, tén han sawo' ekyátekto élmomnáwa nak, éláneya nak chá'a m'a aqsok eyáyókxa'.

Levítico 26:13

Ko'o sekteme Dios Wesse' kélagkok, sélántekkesso axta m'a Egipto, yaqwayam megkóltamhagkek chá'a apkelásenneykha naqsa m'a énxet'ák nak; ekmasséssegkek ko'o m'a aqsok ekyentaxno élyaqhapma axta kéxegke, ekmasséssegkek kélhamaxche'.

Deuteronomio 32:12

“Wesse' egegkok axta aqsa apnaqleykha m'a, méko axta pók; ¡méko axta mók aqsok kéláyókxa eñama mók nekha yaqwayam kapasmok!

Deuteronomio 32:14

tén axta weyke apnaqtósso eñama chá'a m'a weyke nagkeygmenek tén han ma'a weyke nagkeygmenek ekyennaqte nak, apteykegkek axta nahan ma'a nepkések apketkók aptepexmok nak, tén han ma'a nepkések apkelennay'a apkeleñama nak ma'a Basán tén han ma'a yát'ay apketkók apkelennay'a nak; apteykegkek axta nahan ma'a hótáhap apaktek apkeltaqmalma apagko' nak, apyeneykegkek axta nahan ma'a vino, cham'a anmen yámet ekyexna égmenek ekyexwásamo nak.