Oseas 10:8 - Biblia Enxet

⁸ Kólmasséssók sa' ma'a apkelpeykessamókxa nak chá'a aqsok kéleykmássesso, apkeláneykegkaxa nak chá'a melya'assáxma m'a énxet'ák Israel. Kampagqak sa' ma'a néten apkelwatnamakxa nak chá'a aqsok, katyapok sa' yámet ekha nak am'ák, keñe sa' énxet'ák etnehek elának meteymog élwenaqte élekhahéyak se'e: “¡Hẽlpós negko'o!” keñe sa' etnehek elának egkexe étkók se'e: “¡Hegápekxa negko'o!”

Oseas 10:8 ပူးပေါင်းရင်းမြစ်များ

Génesis 3:8

Apleg'ak axta énxet, tén han aptáwa' apweynchámeyncha'a Dios Wesse' egegkok yókxexma ektaqmalma, cham'a ekweykenxal'a kaxchahámha taxnám, tén axta ényahágko élyexánegkessekmo neyseksa yámet élaqnéyak axta m'a yókxexma ektaqmalma.

1 Reyes 13:2

Apyennaqtésawók axta appeywa appaqhetchesa m'a ekwatnamáxchexa nak aqsok, hakte Wesse' egegkok axta apkeltémo etnehek. Aptáhak axta: “Ekwatnamáxchexa aqsok: Aptáhak apxéna exche' Wesse' egegkok se'e: ‘Etyamok sa' xama sakcha'a apkeñama David axta aptawán'ák neptámen, Josías sa' etnehek apwesey, elnápok sa' enegkenek xeye' néten ma'a apkelmaxnéssesso nak chá'a énxet'ák agkok ma'a aqsok kéláyókxa', cham'a apkelwatnama nak chá'a néten xeye' m'a aqsok ekmátsa nak ekpaqneyam éten agkok; elwatnek sa' han kélexchakkok ma'a néten nak xeye'.’”

1 Reyes 13:34

Axta keñamak apkeláneykegko melya'assáxma m'a Jeroboam axta aptawán'ák neptámen, keñe han kélmassésseykmo apyókxoho.

1 Reyes 14:16

Ekxák sa' Wesse' egegkok ma'a énxet'ák Israel, eñama m'a aptémakxa axta apkelane mey'assáxma m'a Jeroboam, apkelánéseykegko axta melya'assáxma m'a israelitas.”

2 Reyes 23:15

Aptepelchákxeyk axta Josías aptemessásekxo ánek agko' ma'a ekwatnamáxchexa axta chá'a aqsok, kélpeykessamókxa axta chá'a kéleykmássesso m'a Betel, apkelánéyak axta m'a Jeroboam, Nabat axta apketche, apkelánéseykegko axta melya'assáxma m'a israelitas, keñe apwatnékxo; apwatneykxeyk axta han ma'a kéleykmássesso nak Aserá.

2 Crónicas 31:1

Xama axta ekwokmo néxa ekyókxoho xa kélessawássessamo nak, apkelmeyákxeyk axta tegma apkelyawe Judá apyókxoho israelitas apkelwayam axta m'a, apkelpáxqátekxeyk axta m'a meteymog kéleykmássesso aqsok kéláyókxa, apkelekkexákxeyk axta han ma'a kéleykmássesso nak Aserá, apkelyaqnegkásegkek axta m'a kélpeykessamókxa nak chá'a néten egkexe, ekwokmoho apsawhawo ekyókxoho xa aqsok nak, kañe' Judá, tén han Benjamín, Efraín keñe han Manasés. Tén axta apkeltaqháwo apyókxoho israelitas apkelmeyákxo m'a tegma apkelyawe apagkok, ektáhakxa nak chá'a xapop apagkok.

Isaías 2:19

Apkempákxeyk sa' agkok néten Wesse' egegkok, apsawheyáseykxoho sa' apyawheyáseykha m'a xapop, elántexek sa' énxet'ák ma'a meteymog áxwa, cham'a kañe' xapop nak; elyexanmok sa' apmonye' m'a Wesse' egegkok negáyo nak, elyexanmok sa' amonye' m'a Wesse' apcheymákpoho.

Isaías 2:21

elántexek sa' ma'a kañe' meteymog áxwa, cham'a meteymog élyawe nak áxwa, yaqwayam elyexanmok apmonye' m'a Wesse' egegkok negáyo nak, elyexanmok sa' amonye' m'a Wesse' apcheymákpoho, cham'a apkempákxo sa' néten tén han apsawheyásekxoho sa' apyawheyáseykha m'a xapop.

Isaías 32:13

Katyapok sa' yámet ekha nak am'ák tén han ekmompánaqma m'a seyókxa, cham'a apyókxoho tegma nak ma'a tegma apwányam élpayheykekxexa nak chá'a apkelwáxok ma'a énxet, ekyetnamakxa nak chá'a m'a apkelátseykha.

Isaías 34:13

Kalántépok sa' yámet ekha nak am'ák ma'a tegma apkelyawe apkeltaqmalma apagkok nak, keñe sa' yátape' tén han kentem ma'a tegma apkelyennaqte apagkok nak. Katnehek sa' xama yókxexma élleykegkaxa m'a semheg nawha'ák éllo tén han apkelyexanmomakxa m'a xápen.

Oseas 10:2

Ánet apwáxok ma'a Israel, kóllegássesagkohok sa' kaxwók eñama mey'assáxma. Emasséssók sa' Wesse' egegkok ma'a apkelwatnamakxa nak chá'a aqsok, elyaqnegkessesagkok sa' ma'a meteymog élpagkanamaxche apagkok.

Oseas 10:5

Apkelpexyennegkek apkelaye m'a énxet'ák Samaria; kellapwámegkek eñama ekxegányam weyke étkók kéleykmássesso ekyetnama nak ma'a Bet-avén. Apkellekxagweyha apketama énxet'ák, tén han ma'a appasmo apkelmaxnéssesso nak Dios énxet'ák apagkok, hakte massegwokmek ma'a eyaqheykha nak chá'a apkelwáxok.

Oseas 10:9

Aptáhak Wesse' egegkok se'e: “Melwáteseykegkok apkeláneyak melya'assáxma m'a énxet'ák Israel, apcheynamo axta apkeláneyak ma'a Guibeá. ¡Melwáteseykegkok melya'assáxma! Cháxa keñamak ekmáheyo nak káhapwak kempakhakma m'a Guibeá, kay'áwak xa élmasagcha'a nak apkeltémakxa.

Oseas 2:6

“Cháxa keñamak peya nak ko'o wáhakkásekxak am'ák ma'a ámay agkok nak, wahaxtegkesek sa' ma'a neyáwa', yaqwayam sa' megkótyehek ámay agkok.

Oseas 4:13

Apkelwatnegkek chá'a aqsok ekmátsa nak ekpaqneyam éten agkok ma'a néten egkexe nak, apkelnapmeyk han chá'a aqsok apnaqtósso, tén han apkeláneykegko chá'a m'a kóneg yenta'a élyentaxno nak pessesse agkok, cham'a yámet robles, álamos, tén han ma'a encinas. Cháxa keñamak éláneykegko nak éltémakxa ekmaso megkalmasexta'a m'a kélketchek kelwán'ák nak kéxegke, tén han eknaqtawáseykegkoho anaqteyegka'a élánegwayam chá'a pók énxet ma'a kéltánegken'ák nak.

Oseas 4:15

“Israel, apkelanak agkok xép aptémakxa megkamopsexta, Judá, ná elána aqsa exchep mey'assáxma, ¡Nágkólmohok aqsa kéxegke m'a Guilgal, tén han ma'a Bet-avén, nágkóltemésses han naqsók kélpeywa yetlo kélxeyenma Wesse' egegkok apwesey!

Oseas 5:8

¡Kólpáwes sa' kélaqkahasso aqsok egkepetek ma'a Guibeá, kélpáwassamól'a chá'a kempakhakma, kólpáwes kélaqkahasso m'a Ramá! ¡kólána elanagkokxak aptamhágkaxa m'a Bet-avén! ¡Kólteméssesha sa' apkelwáxok ma'a énxet'ák Benjamín!

Oseas 8:5

Ektaqnagkamók ahagko' ko'o m'a weyke étkok kennawók kéleykmássesso, élpeykessamo nak xeye' Samaria, Ektaqnagkamók ahagko' ko'o m'a. ¿Háxko sa' ekwánxa ekhem kalmópekxak kélyempe'ék kéxegke

Oseas 9:6

Apkenyaheykegkek ekmáheyo kólmasséssók ma'a, énxet'ák Egipto sa' eyke yánchásekxa', sa' kólátawanyek ma'a Menfis. Pa'at sa' kápekxak ma'a aqsok éltaqmalma apagkok, sawo' élmope élmomnáwa nak, katyapok sa' yámet ekha nak am'ák ma'a apkelpakxeneykegkaxa nak.

Amós 1:5

Eynnaqtések sa' émpehek almeykesagkok ma'a atña'ák nak tegma apwányam Damasco; amasséssók sa' ma'a wesse' nak yókxexma Bicat-avén tén han apkeláneykha nak ma'a apchókxa Bet-edén, keñe sa' sirios elmakpok, kólnaqlakxak sa' ma'a Quir.” Wesse' egegkok apxeyenma xa.

Amós 3:14

hakte cham'a ekhem peya sa' ko'o ayaqmagkásekxak apkeltémakxa melya'assáxma m'a énxet'ák Israel, amasséssók sa' ma'a élwatnamáxchexa nak aqsok ma'a Betel; kólyaqténchesek sa' ma'a élámha nak nekhaw'ék ma'a élwatnamáxchexa nak aqsok, kapallamok sa' náxop.

Amós 7:9

Kólmasséssók sa' ma'a apkelpeykessamókxa nak chá'a aqsok apcháyókxa m'a Isaac, keñe sa' ma'a tegma apkelpagkanamap apagkok nak énxet'ák Israel, nápakha'a apketkok sa' etnekxa'. ¡Aktamagkok sa' ko'o yetlo sókwenaqte sekmeykha m'a Jeroboam apnámakkok nak!

Amós 8:14

Elyaqnenagkok sa' meyke apkelchampeykekxa néten ma'a apteméssesso nak chá'a naqsók apkelmésso apkelpeywa m'a aqsok kéláyókxa nak Samaria, apteme nak chá'a apkelpeywa s'e: ‘Negásenneykekxeyk chá'a negko'o m'a aqsok apcháyókxa nak ma'a Dan’, Negásenneykekxeyk chá'a negko'o m'a aqsok kéláyókxa nak ma'a Beerseba.”

Miqueas 1:13

Kéxegke, kélheykha nak Laquis, kélenmexeykekxa axta Wesse' egegkok, ektéma nak ma'a énxet'ák Israel, kélsexnenagkama axta apkeláneykegko melya'assáxma m'a apheykha nak Sión, kólnaqtehetchásekxa yátnáxeg ma'a apkelyenyawasso nak.

Miqueas 1:5

Katnehek sa' ekyókxoho xa eñama apkenmexeykekxa Dios ma'a Jacob énxet'ák apagkok, eñama melya'assáxma m'a énxet'ák apheykha nak Israel. ¿Yaqsa énmexcháseykekxa Dios ma'a Jacob énxet'ák apagkok? ¡Énxet'ák Samaria! ¿Háxko apkelpeykessamókxa kéleykmássesso m'a énxet'ák Judá? ¡Jerusalén!

Nahúm 3:11

Kólaqhássesek sa' nahan xeyáxa anmen; kalyawheykha sa' keyxanmok kategyaha ekyexanmomakxa apmonye'e m'a élenmexma.

Deuteronomio 9:21

tén axta ko'o sekmoma m'a weyke kennawók étkok kéleykmássesso kéllane axta kéxegke, élánéseykegko axta megkólya'assáxma, sekyamasma nátex, nekha'a étkók axta ektemessáseykekxa', éxpakháseykekxeyk axta ekwokmoho ektamheykekxo ánek agko'. Ekpalchesseykmek axta ánek ma'a ényahamakxa nak yegmen ekweyweykentamxa nak ma'a egkexe.