Oseas 10:14 - Biblia Enxet

¹⁴ keñamak peya katyapok ekyennameykha exma kempakhakma nepyeseksa m'a énxet'ák apagkok, kólmasséssók sa' apyókxoho tegma apkelyennaqte apagkok, ektéma axta apmassésseykmo tegma apwányam Bet-arbel ma'a wesse' apwányam Salmán, cham'a apkempakhaya axta, apkelyepetcháseykencha'a axta xapop chána yetlo étchek yaqwayam elnápok.

Oseas 10:14 ပူးပေါင်းရင်းမြစ်များ

Génesis 32:11

¡Nágyoho yaqwánxa hetnéssesek ma'a eyapma Esaú! Tamháha ko'o ewáxok hektámegmak keñe elnápok ma'a kelán'ák, tén han sakcha'áletkók nak.

2 Reyes 17:16

Apyamasmeyk axta ekyókxoho m'a apkeltémókxa axta etnahagkok ma'a Dios Wesse' apagkok, apkeláneykegkek axta han ánet weyke étkók kelennay'awo sawo ekyexwase égmenek kélpeykáseykekxa, apkeleykmassáseykha axta han Aserá. Apkelpeykessamók axta han chá'a m'a yaw'a aphéyak nak néten keñe han ma'a Baal.

2 Reyes 17:3

Apketámeykegkek axta Salmanasar, wesse' apwányam nak Asiria m'a Oseas, keñe axta Oseas apmeyásamákpo aqsa aptéma apkeláneykha, eyánmagkasek axta chá'a aqsok yókxoho apyeyam.

2 Reyes 18:33

¿Yetnéya chá'a xama aqsok kéláyókxa mók apchókxa ekmowána kawagkasek teyp eyókxa neyseksa apma m'a wesse' apwányam Asiria?

Isaías 17:3

Méko sa' etnehek tegma apwányam apyennaqte apagkok ma'a Efraín, cham'a, eyaqheykencha'a nak chá'a apkelwáxok ma'a énxet'ák Israel; sa' katnehek nahan ma'a Damasco, kamaskok sa' katnehek apchókxa m'a éleymomáxche nak ma'a kañe' Siria. Wesse' egegkok ekha nak apyennaqte apxeyenma xa.

Isaías 33:14

Apkelpexyennegkek éltamheykha apkelwáxok énxet melya'assáxma m'a Sión, apkelyegwakkók apagkók ma'a énxet'ák élmasagcha'a nak apkeltémakxa, aptáhak apkelpaqmeta s'e: “¿Yaqsa enxama negko'o apwanchek exek neyseksa m'a táxa ekmassesseykmoho nak aqsok, cham'a eyáléwe ekyawe meyke néxa nak?”

Jeremías 13:14

Keñe sa' ayenhekxak chá'a pók atnéssesek nápakha'a apketkók ektémól'a yátegwáxwa kólpaxqátek, apyapmeyk tén han kélketchek. Megkalepyóshek sa' alano'; amasséssók sa' meyke seyésseykekxa, tén han meyke apkelmopyóseka sélányo. Ko'o sekxeyenma xa, sektáha nak Wesse'.”

Jeremías 48:41

Emok sa' apkelenmexma m'a tegma apkelyawe nak, tén han ma'a tegma apkelyennaqte nak. Elpexyennók sa' kempakhakma yapmeyk Moab xa ekhem nak, máxa sa' etnahagkok ma'a kelán'a ekmáheyól'a katnehek naqláwa.

Oseas 10:15

Sa' katnehek kéxegkáxa xa ektáha nak, kélheykha nak Betel, eñama ekmaso agko' kéltémakxa. ¡Ektepakxoho ekhem sa' yetsapok wesse' apwányam Israel!

Oseas 13:16

Kóllegássesagkohok sa' nahan ma'a énxet'ák Samaria eñama apkenmexeykekxa Dios apagkok. Etekyók sa', sawo sa' chá'a kólyetxa', xapop sa' chá'a kólyenhaksek ma'a apketchek, tén sa' ma'a kelán'ák lós'awo nak, kólpáxqatchesagkok chá'a awokma'ák.

Amós 3:14

hakte cham'a ekhem peya sa' ko'o ayaqmagkásekxak apkeltémakxa melya'assáxma m'a énxet'ák Israel, amasséssók sa' ma'a élwatnamáxchexa nak aqsok ma'a Betel; kólyaqténchesek sa' ma'a élámha nak nekhaw'ék ma'a élwatnamáxchexa nak aqsok, kapallamok sa' náxop.

Amós 3:8

¿Yaqsa megkalpexyennemek eyeye, ekyexweweyncha'a enxoho méwa? ¿Yaqsa megkaxénhek Wesse' egegkok appeywa apkeltamho enxoho kaxének ma'a?

Amós 9:5

Appaknegwokmók xapop ma'a Wesse' egegkok, Dios ekha nak apyennaqte, keñe élpatyapa, apkellekxagweyha nahan apyókxoho énxet'ák apheykha nak ma'a kañe'. Meyákxeyk chá'a néten ma'a xapop, keñe ekweywento nahan chá'a, ektémól'a kamyekxak néten yegmen ma'a Nilo, tén kaweywenták chá'a.

Miqueas 5:11

apmopsagcha'a sa' atnessásekxak ma'a tegma apkelyawe apagkok nak, alyaqnegkessesagkok sa' ma'a tegma apkelyennaqte apagkok;

Nahúm 3:10

Axta eyke kahaxanmak apkelmomakpo énxet'ák Tebas kélnaqleykekxo megkatnahakxa apchókxa'; kélyenhassegkek axta chá'a xapop apketchek ma'a máséyak nak ámay; tawásamaxcheyk axta xama aqsok kélexpánchessama m'a kelwesse'e apagkok nak, tén axta kélpextehetma cadenas ma'a apkelámha apmonye'e apagkok ekha nak kéláyo.

Nahúm 3:12

Máxa higo kélcheneykekxexa m'a apyókxoho tegma apkelyennaqte agkok, ekxámokma nak ekyexna ekmakhetma, ekpalleykmohol'a kólyawhaksek, kapálwaták apwáxok ma'a ektáha nak apto.

Habacuc 1:10

Elwanyohok chá'a m'a kelwesse'e apkelwányam nak, tén han ma'a énxet ekha nak kéláyo. Megkatneykha chá'a apkelwáxok elanok ma'a tegma apkelyennaqte nak elesmaksek aqsa, yekheksek aqsa chá'a xapop ma'a apmonye'e nak, keñe emok chá'a ektamagkok.