Oseas 10:13 - Biblia Enxet

¹³ Kélcheneykekxeyk eyke kéxegke ekmaso nentémakxa, kélnakxegkek ma'a megkapéwomo nak nentémakxa, kélteykegkek ma'a ekmowána amya'a nak. “Yátnáxeg apkelyenyawasso apagkok apkenchesso nak kempakhakma keñamak apcháyo tén han apxámokma kempakhakma yapmeyk apagkok

Oseas 10:13 ပူးပေါင်းရင်းမြစ်များ

Job 4:8

Yetneyk ko'o ektémakxa sekwete énxet apkelane nak aqsok ekmaso agko', kápekxohok agko' chá'a m'a ektémakxa nak aqsok ekmaso aptekkesso.

Salmos 33:16

Mewagkasakpek teyp xama wesse' apwányam eñama apxámokma m'a sẽlpextétamo apagkok, melwagkasakpek han teyp énxet'ák apkelyennaqte, eñama m'a apkelyennaqte apagko' nak;

Salmos 52:7

“Kóllano mey'eykekxa nak chá'a Dios yaqwayam emyók; apchásenneykekxo nak chá'a ekxámokma agko' aqsok apagkok, melwátésseyam nak chá'a apkelane aptémakxa ekmaso.”

Salmos 62:10

Nágkólásenneykxa m'a negyennaqteyáseykha nak egyempehek, ¡nágkaxénmakha kélwáxok kapasmok ma'a aqsok élmenyexamaxche'! Kéltemék sa' agkok ekxámokma aqsok kélagkok, nágkólásenneykxa m'a selyaqye kélagkok nak.

Proverbios 1:31

¡Kápekxak sa' xa ektémakxa nak chá'a aqsok ekmaso kélláneyák! ¡Kalleklágwók sa' ektémakxa nak ekmaso kéltémakxa'!

Proverbios 12:19

Megkamassegwomek chá'a m'a amya'a ekmámnaqsoho nak, megkawegqók eyke chá'a m'a amya'a megkamámnaqsoho nak.

Proverbios 13:2

Aqsok ektaqmela nak chá'a nenxeyenma, awanchek hempasmekxa', keñe m'a énxet'ák appelakkasso nak chá'a elsexnenak apnámakkok, atsek emáwhok elyennaqtésha apyempe'ék.

Proverbios 19:5

Kóllegássesagkohok sa' chá'a m'a apxeyenma nak chá'a apweteykegkoho megkamámnaqsoho; mopwanchek sa' yegketakpok ma'a énxet apteme nak chá'a apmopwána amya'a.

Proverbios 22:8

Énxet aptekkesso nak aqsok ekmaso, kápekxak sa' aqsok ekmaso aptekkesso; ¡Emasséssók sa' Wesse' egegkok yetlo aplómo apagko'!

Eclesiastés 9:11

Yetneyk han mók aqsok sekweteya nak chá'a ko'o keso náxop: háwe apkelyennaqte apkenyahéyak ma'a apkelwatno nak chá'a apkelteyásamap, háwe han chá'a apkelyennaqte m'a apkelmallanma nak kempakhakma; háwe han chá'a ekyókxoho ekhem apkelwete aptéyak ma'a énxet'ák apkelya'áseyak nak aqsok, háwe han chá'a apkelwesse'e m'a énxet'ák ekha nak apkelyekpelchémo, melmakpek nahan chá'a takha' m'a apkelmopwancha'a nak elanagkok aqsok; xama ekhem chá'a kataqmelek ektamhágkaxa, essenhan xama ekhem chá'a kasók ektamhágkaxa m'a apyókxoho nak.

Isaías 17:11

kéltaqmelchessegkek axta m'a sekxók axta kélcheneykekxo, keñe mók ekhem ekteyapma m'a aqsok aktek kélcheneykekxa. Wa'ak sa' agkok ekmaso m'a aqsok kélcheneykekxa nak megkamowánal'a kaltektépekxa', kasók sa' ma'a aqsok kélcheneykekxa.

Oseas 11:12

“Ewakhassegkek ko'o apkelmopwancha'a amya'a m'a énxet'ák Efraín, ewakhassegkek ko'o sélyexancháseykha m'a énxet'ák Israel. Apyamasmeyk Dios ma'a Judá, melwátesseykmok kaxwók apkelyetleykha m'a aqsok kéleykmássesso.

Oseas 4:2

Wánxa aqsa ekyetnama nélyexancháseykha nak egmók yaqwayam anlána', nenteme nak chá'a negmowána amya'a, tén han nentekyawa, tén han negmenyexma, tén han nennaqtawáseykegkoho nak egnaqteyegka'a, nenlane chá'a mók, keñe han ma'a negyennaqteyáseykha nak egyempehek, megkatnegweykmok néxa apkelnapma apnámakkok énxet'ák.

Oseas 4:8

Xámássessegkek aqsok apagkok melya'assáxma m'a énxet'ák ahagkok, cháxa keñamak kélmámenyého nak elanagkok melya'assáxma m'a énxet'ák ahagkok.

Oseas 7:3

“Apkeltémakxa ekmaso chá'a kapeykessásekxak apwáxok wesse' apwányam ma'a énxet'ák ahagkok, apkelmopwancha'a amya'a chá'a kalpeykessásekxak apkelwáxok ma'a apkelámha apmonye'e nak.

Oseas 8:7

Apkeneykekxeyk éxchahayam ma'a, éxchahayam ekyennaqte agko' sa' han enakxagkok; méko sa' aqsok elyaqtennagkok ma'a namyep apagkok nak, méko sa' nahan yaqwayam elanagkok hótáhap ma'a apyexna nak; apkelánegkek sa' agkok ma'a hótáhap nak, pók énxet'ák sa' etawagkok.

1 Samuel 24:14

¿Yaqsa axta énxet apkemhágko wesse' apwányam Israel? ¿Yaqsa axta énxet apyaqmáseykencha'a? ¡Ko'o neykhe', sekhémo nak semheg ápak, essenhan máleg askok!