Oseas 10:12 - Biblia Enxet

¹² Axta ektáhak ko'o séláneya s'e: Kólchenekxa sa' kéxegke ekpéwomo nentémakxa', tén sa' kólnakxek kólmekxak ma'a negásekhayo nak. Kólpeynchámekxa sa' makham xapop, yaqwayam sa' kólchenekxak makham aqsok, hakte wokmek kaxwók ekhem yaqwayam kólchetmok Wesse' egegkok, ekwokmoho sa' apwa'akto, apsánto sa' ekxámokma agko' nélwagkásamáxche teyp kélnepyeseksa kéxegke.

Oseas 10:12 ပူးပေါင်းရင်းမြစ်များ

Salmos 105:4

Kólyo'ókxa chá'a Wesse' egegkok, tén han ma'a apmopwána nak, kólyo'ókxa chá'a Wesse' egegkok yókxoho ekhem.

Salmos 72:6

¡Máxa ekmámeye sa' etnehek, tén han yálye, ekyássessamól'a xapop, tén han pa'at!

Proverbios 11:18

Megkapasmehek ekyánmaga aptamheykha m'a énxet ekmaso nak aptémakxa'; keñe m'a énxet ekpéwomo nak chá'a aptémakxa', naqsók sa' kapasmok ekyánmaga aptamheykha.

Proverbios 18:21

Nempeywa yetnók ma'a ekyennaqte nak egnények tén han nétsapma; énxet ekxámokma nak chá'a apkelpeywa, ellegagkohok chá'a natámen.

Eclesiastés 11:6

Eknekxa chá'a aqsok aktek axto'o, tén han taxnám, hakte mey'asagkehek yaqsa kexaha kataqmelek élánteyapma, amonye' apkeneykekxa essenhan ma'a axayo nak apkeneykekxa, essenhan tásek katnehek élánteyapma xa ánet nak.

Isaías 30:23

Egkések sa' ekmámeye Wesse' egegkok, yaqwayam sa' kólchenekxak aqsok aktek, katekkesek sa' apxámokma apagko' hótáhap aptaqmalma m'a xapop. Xámok sa' nahan katnehek yókxexma yaqwánxa kallawha katawagkok pa'at weyke kélnaqtósso xa ekhem nak.

Isaías 31:1

¡Énxet'ák laye, apkelmeyeykekxa nak chá'a Egipto aptegyeykha ekpasmo, apkeláyo nak chá'a m'a ekha nak yátnáxeg apkelchánte, apkeláyo nak chá'a m'a ekxámokma nak yátnáxeg apkelyenyawasso apagkok, tén han apteme nak apkeláyo m'a énxet apxámokma apkelchánte nak yátnáxeg, keñe melenmexeykekxoho m'a aphakxa nak Dios Aptaqmalma nak Israel, melchetamsók ma'a Wesse' egegkok!

Isaías 32:20

Kalpayhekxak sa' eyke kéxegke kélwáxok neyseksa kélheykha, awanhek sa' katnehek yegmen ekyásseséyak ma'a aqsok kélcheneykekxa, kaxek sa' nahan ekxámokma pa'at yaqwayam katawagkok ma'a yámelyeheykok kélnaqtósso tén han ma'a weyke.

Isaías 44:3

hakte wának sa' ko'o kanyehek yegmen ma'a yókxexma meykexa nak énxet, keñe sa' yegmen ényé m'a ekyamáyekxa nak xapop. Agkések sa' ko'o axnagkok apkelyennaqte m'a aptawán'ák neptámen nak, wáphássesek sa' ektaqmalma apheykha.

Isaías 45:8

“Néten sa' kañék ko'o wáphaksek ma'a élmallahanchesso nak énxet'ák, ektémól'a katyamok ma'a yálye tén han ekmámeye, kamok sa' takha' m'a xapop; máxa ekyexna sa' katnehek katekkesek ma'a nélwagkásamáxche teyp keytek sa' nahan xamók ma'a ekpéwomo nak nentémakxa.”

Isaías 48:18

¡Kaxtemék axta apkelyeheykekxoho m'a séltémókxa nak chá'a etnehek! Kayágkok axta ektaqmalma apha kaxhok axta m'a ektémól'a kayágkok yegmen ma'a wátsam, kaxhok axta ektaqmeleykekxa apha m'a ekweykenxal'a élyaqyahayam élyawe m'a wátsam ekwányam,

Isaías 5:6

ektaqmópeyak sa' atnessásekxa'. Megkólyaqténchesagkek sa' nahan chá'a m'a axchakkok, megkólápetchesek sa' nahan chá'a m'a pa'at, kápekxak sa' ma'a am'ák tén han ma'a ekmompánaqma nak. Wának sa' nahan ko'o megkáphássesek ekmámeye m'a yaphope, yaqwayam sa' megkayássese'.

Isaías 54:14

Keynnaqtések sa' xeyep ma'a ekpéwomo nak nentémakxa, kamaskok sa' kóltawasagkoho', kamaskok sa' nahan apkelmenaye, kamaskok sa' nahan kapekhaksek apwáxok ma'a apyegwakto nak.

Isaías 55:6

“Kólchetam Wesse' egegkok kélewagkexa nak makham kólwetekxa', kólwónmakha apha nak makham keto'.

Jeremías 50:4

Aptáhak Wesse' egegkok se'e: “Ellekxagwenták sa' elchexyamok énxet'ák Israel tén han Judá xa ekhem nak, hektamok ko'o, sektáha nak Dios Wesse' apagkok.

Ezequiel 34:26

“Alyáqkasek sa' ko'o nepkések seknaqtósso m'a neyáwa' egkexe ekpagkanamaxchexa ahagkok nak, ataqmelchessesek sa' apkelleykha; wáphássesek sa' ekmámeye ekweyktámhol'a chá'a kammok ekhem agkok ma'a ekmámeyeykxa.

Oseas 12:6

Israel, ey'ókxa makham Dios apagkok; elána m'a aqsok ekpéwomo nak, tén han magyenyaweykha, ná ey'ássem chá'a Dios apagkok.

Oseas 14:1

¡Israel, ey'ókxa makham Dios Wesse' apagkok, mey'assáxma axta exchep keñamak aptéyékmo!

Oseas 6:3

¡Ólwasqápekxohok hana agya'ásegwók Wesse' egegkok! Hegyo'ótak sa' negko'o Wesse' egegkok, ektémól'a katyapok ekhem, ektémól'a kamme' kayássesek xapop, ekmáxaqxamakxal'a exma, tén han élyapweykxal'a yenta'a.

Oseas 8:7

Apkeneykekxeyk éxchahayam ma'a, éxchahayam ekyennaqte agko' sa' han enakxagkok; méko sa' aqsok elyaqtennagkok ma'a namyep apagkok nak, méko sa' nahan yaqwayam elanagkok hótáhap ma'a apyexna nak; apkelánegkek sa' agkok ma'a hótáhap nak, pók énxet'ák sa' etawagkok.

Amós 5:15

¡Kóltaqnow aqsok ekmaso! ¡Kólásekhoho m'a aqsok ektaqmela! Kólána kalanaxchek ekpéwomo kéllánekxésso amya'a énxet'ák ma'a sẽlyekpelchémókxa nak; lapmaxcheyk sa' kexa kalepyóshok elanok Wesse' egegkok, Dios ekha nak apyennaqte énxet'ák Israel apkeleymomap nak ektáha enxoho xa ektáha nak.

Amós 5:4

Aptáhak Wesse' egegkok apkeláneya israelitas se'e: “Hélyo'óta ko'o, keñe sa' megkóletsepe'.

Amós 5:6

Kólyo'ókxa m'a Wesse' egegkok, keñe sa' megkóletsepe'; sa' agkok kóltáhak xa, táxa sa' yáphaksek ma'a apchókxa Israel, méko sa' xama énxet espanchesek táxa m'a Betel.

Amós 5:8

Wesse' egegkok, apkelane nak ma'a élántépeyam tén han ma'a yaw'a apchaqneykekxa nak, cham'a aptemessáseykekxa han chá'a axta'a ekhem ma'a, keñe nahan ekhem aptemessáseykekxa chá'a axta'a ekyáqtéssóxma; cham'a apkelwóneykha nahan chá'a yegmen ma'a wátsam ekwányam nak, keñe eyegkenek chá'a keso náxop; cha'a apteme han apketsagkasso chá'a tegma apyennaqte nak ma'a, ekweykmoho m'a kélhaxtegkesso nak ekyennaqte nepyáwa'. Wesse' egegkok, cháxa apwesey xa.