Oseas 1:8 - Biblia Enxet

⁸ Tamheykekxeyk axta makham lósók Gómer, natámen axta ekyamasma neme m'a Lo-ruhama, wetákxeyk axta makham étche apkenna'.

Oseas 1:8 ပူးပေါင်းရင်းမြစ်များ

Génesis 21:8

Apwánegyek axta Isaac, apyenyókek axta han apto neme. Apkelanak axta ekyawe agko' apkelsawássessamo Abraham apyenyawa axta apto neme.

Oseas 1:6

Lósók axta makham tamheykekxak ma'a Gómer, wet'ak axta étche kelwána. Aptáhak axta Wesse' egegkok apcháneya Oseas se'e: “Etnésses sa' ekwesey sakcha'a Lo-ruhama, hakte megkayóshek sa' ko'o kaxwók alanok ma'a apchókxa Israel. Magwásekhekxók sa'.

Oseas 1:7

Sa' aqsa wásekhekxohok ma'a apchókxa nak Judá: ko'o ahagko' sa' awagkasek teyp, sektáha nak Dios Wesse' apagkok. Háwe sa' eyke kempakhakma yaqwayam alwagkasek teyp, meyke yágke sa' atnehek tén han sókwenaqte, tén han meyke yátnáxeg, tén han ma'a énxet apkelchánte nak yátnáxeg.”

Oseas 1:9

Keñe axta Wesse' egegkok aptáha apcháneya Oseas se'e: “Etnésses apwesey sakcha'a Lo-amí, hakte háwe ko'o kaxwók kéxegke énxet'ák ahagkok, háwe han ko'o kaxwók Dios kélagkok.”