Oseas 1:5 - Biblia Enxet

⁵ Amasseksek sa' ko'o ektémakxa nak apkelyennaqte sẽlpextétamo Israel xa ekhem nak, cham'a xóp ekyapwate nak Jezreel.”

Oseas 1:5 ပူးပေါင်းရင်းမြစ်များ

2 Reyes 15:29

Apwokmek axta Tiglat-piléser, wesse' apwányam nak Asiria, aptémakxa axta wesse' apwányam Israel ma'a Pécah, apkelmeyk axta m'a tegma apkelyawe nak Iión, Abel-bet-maacá, Janóah, Quedes, Hasor, Galaad, Galilea keñe han ma'a ekyókxoho yókxexma nak Neftalí. Keñe axta m'a apheykha nak kañe' apkelmoma apnaqleykekxo m'a Asiria.

Salmos 37:15

Sawo élwenaqte apagkok apagko' sa' eyke kólyetxeykxak chá'a, keñe sa' yágke apagkok katnekxak nekha'a étkók.

Salmos 46:9

apmasséssekmek kempakhakma, ekweykmoho m'a néxa xapop nak keso nélwanmeygkaxa; apkelekkexchek ma'a yágke, nekha'a étkók aptemessásak ma'a sawhéwa, ¡apkelwatnékxeyk ma'a yátnáxeg apkelyenyawasso apkenchesso nak kempakhakma!

Jeremías 51:56

Apkelxegakmek yaqwayam emasséssók Babilonia; apkelmeyk kaxwók ma'a kempakhakma yapmeyk apagkok, apkelekkexchessek yágke apagkok. Hakte Wesse' egegkok, apteme xama Dios, apyaqmagkáseykekxohol'a chá'a aptémakxa xama énxet ekpayhawo nak chá'a etnéssesek.

Ezequiel 39:3

Keñe sa' alekkexekxak ma'a yágke apmeykencha'a nak nepsagqalwa apaqnegkeshok sa' ma'a ahamtek apmeykencha'a nak ma'a apkelya'assamakxa.

Oseas 2:18

“Alának sa' ko'o ekhémo mók sélpaqhetchásamáxkoho aqsok nawha'ák éllo xa ekhem nak, tén han náta, tén han yéwa, yaqwayam sa' megkalteméssesha m'a énxet'ák Israel, alekkexek sa' ko'o yágke xa apchókxa nak amasséssók sa'; tén han ma'a sókwenaqte, tén han ma'a kempakhakma, yaqwayam sa' exmakha meyke ektáhakxa apkelwáxok énxet'ák ahagkok.

Josué 17:16

Aptáhak axta apkelátegmowágko m'a énxet'ák: —Naqsók maghémo negko'o m'a egkexe nak. Yetneyk eyke yátnáxeg apkelyenyawasso sawo émpe'ék nak ma'a cananeos, apheykencha'a nak ma'a ekpayhegweykenxa nak xapop, hawók han ma'a apheykencha'a nak Bet-seán, tén han ma'a tegma apketkók apheykegko nak nepyáwa, tén han ma'a apheykha nak ekyapwátegweykenxa xapop ma'a Jezreel.

Jueces 6:33

Tén axta apyókxoho madianitas tén han amalecitas, tén han ma'a énxet'ák apheykha axta teyapmakxa ekhem apyepetchákxo pók, apkeltámeyákxeyk axta m'a wátsam Jordán, apkelpakxenwokmek axta m'a ekyapwátegweykenxa nak xapop Jezreel.