Números 9:22 - Biblia Enxet

²² Yetneyk axta agkok chá'a yaphope ánet ekhem ma'a néten nak tegma appagkanamap, essenhan xama pelten, essenhan xama apyeyam, elpakxenagkok axta chá'a m'a israelitas, melxegekxeyk axta chá'a. Meyákxeyk axta agkok chá'a néten ma'a yaphope nak, keytlawhok axta chá'a apkelchampeykekxa néten, elxegekxak axta chá'a makham.

Números 9:22 ပူးပေါင်းရင်းမြစ်များ

Salmos 107:7

Tén axta apkelya'ásekxo ektaqmelakxa ámay ekmahéyak ma'a xama tegma apwányam yaqwánxa exmakha.

Salmos 143:10

Hélxekmós ko'o yaqwayam alának ma'a apmopmenyého nak, hakte xép apteme Dios ahagkok. ¡Héntemekxak sa' ámay ekpéwomo m'a espíritu aptaqmalma apagkok nak!

Salmos 32:8

Aptáhak Wesse' egegkok se'e: “Éláneykha chá'a ko'o exchep. Alxekmósek sa', apaqhetchesha sa', axekmósek sa' ámay eyeyméxko nak étlók.

Salmos 48:14

aptémakxa m'a Dios meyke néxa. ¡Cha'a apteme segyentameykha meyke néxa m'a!

Salmos 73:24

epékessáseykegkek axta eyke chá'a sepaqhetchessama, hemok sa' eyke takha', yetlo ektaqmalma sélteméssesakxa'.

Salmos 77:20

Máxa nepkések axta apteméssessók apnaqleykencha'a énxet'ák apagkok, apchásenneykekxo axta m'a Moisés, tén han Aarón.

Éxodo 39:42

Apkelánegkek axta israelitas ekyókxoho, ekhawo apkeltamhókxa axta etnehek Wesse' egegkok ma'a Moisés.

Éxodo 40:16

Apkelanak axta Moisés ekyókxoho m'a apkeltamhókxa axta etnehek ma'a Wesse' egegkok.

Números 1:54

Apkelánegkek axta israelitas ekyókxoho m'a apkeltamhókxa axta etnehek Wesse' egegkok ma'a Moisés.

Números 8:20

Apkelánegkek axta Moisés tén han Aarón, tén han apyókxoho énxet'ák Israel ma'a aptáhakxa axta Wesse' egegkok apcháneya Moisés apkeltamhókxa etnéssesek ma'a levitas.

Números 9:17

Meyákxeyk axta agkok chá'a néten ma'a yaphope ekyetno nak néten kélpakxanma, elxegekxak axta chá'a m'a israelitas, axta elpakxenwók nahan chá'a m'a yókxexma ekyetnámxa enxoho chá'a m'a yaphope.

Números 9:21

Mók xam'a axta'a axta nahan chá'a keythok yaphope m'a néten nak, keñe élsaka enxoho kamyekxak chá'a néten; tén axta elxegekxak chá'a. Elxegekxak axta chá'a ekmeyákxoho enxoho néten ma'a yaphope, megkeyxek axta ekhem tén han axta'a.