Números 8:17 - Biblia Enxet

¹⁷ hakte ko'o ahagkok ma'a apyókxoho apmonye' apkelwete nak chá'a apketchek ma'a israelitas, ekhawo han ma'a émha amonye' ekpalleyam nak chá'a étkók ma'a aqsok apnaqtósso. Élpagkanmeyk axta ko'o apketchek átnaha apketkók nak israelitas, cham'a sélnapma axta átnaha apketkók apketchek ma'a egipcios.

Números 8:17 ပူးပေါင်းရင်းမြစ်များ

Salmos 105:36

¡Apkelnapmeyk axta chá'a apyókxoho kélketchek appalleyam nak apmonye'e, étchek ma'a kelán'ák Egipto, cham'a kañe' nak Egipto!

Salmos 135:8

Axta apkelnapma kélketchek appalleyam apmonye'e apyókxoho étchek ma'a kelán'ák Egipto, tén han émha amonye' nak ekpalleyam étkók ma'a apnaqtósso.

Salmos 78:51

¡apkelnapmeyk axta chá'a apyókxoho átnaha apketkók étchek nak ma'a kelán'ák Egipto, cham'a kañe' nak Egipto!

Éxodo 12:29

Axta'a eyseksók axta apkelnapa Wesse' egegkok kélketchek átnaha apketkók xama tegma chá'a m'a kañe' Egipto. Axta nahan cheynawok sekxók ma'a faraón apketche átnaha apketkok aphama axta chá'a m'a taháno ekyawe ektaqmalma, ekweykekxoho m'a apketchek átnaha apketkók nak ma'a énxet'ák apheykha axta kañe' negmomaxchexa, tén axta nahan ma'a émha amonye' ekwete étkók nak ma'a aqsok kélnaqtósso.

Éxodo 13:2

“Hepagkanches sa' chá'a ko'o kélketchek átnaha apketkók, hakte ko'o sekteme ahagkok ma'a apyókxoho appalleyam apmonye'e nak apketchek ma'a israelitas, ekhawo nahan ma'a ekyókxoho émha amonye' ekpalleyam nak étkók ma'a apnaqtósso.”

Éxodo 29:44

Apagkanek sa' nahan ko'o m'a kélpakxanma apchaqneykekxexa nak chá'a énxet'ák, tén han ma'a ekwatnamáxchexa nak chá'a aqsok, apagkanek sa' nahan ma'a Aarón tén han apketchek yaqwayam etnahagkok apkelmaxnéssesso énxet'ák ahagkok.

Ezequiel 20:12

Élya'assásegweykmek axta nahan ma'a ekhem ahagkok sábado, yaqwayam enxoho katnehek magkenatchesso nepyeseksa m'a tén han ko'o xa, tén han ekxénweykekxoho chá'a apkelwáxok ektáha ko'o sekpagkanchesso, ko'o sektáha nak Wesse'.

Levítico 27:26

“Keñe sa' émha amonye' ekpalleyam nak étkók aqsok kélnaqtósso ektáha nak apagkok ma'a Wesse' egegkok, méko sa' kawának kalpagkanchesek Wesse' egegkok, cham'a weyke étkok nak essenhan ma'a nepkések, hakte Wesse' egegkok apagkok xa.

Números 3:13

hakte ko'o ahagkok ma'a apyókxoho átnaha apketkók kélketchek nak. Élpagkanmeyk axta ko'o átnaha apketkók apketchek nak israelitas tén han ma'a apmonye'e ekpalleyam nak étkók apnaqtósso, cham'a sélnapma axta ko'o apyókxoho átnaha apketkók apketchek ma'a egipcios. Cháxa keñamak sektéma nak ko'o ahagkok xa. Ko'o sekteme Wesse'.”

Números 8:18

Élmomchek axta eyke ko'o takha' levitas apkelyaqmageykekxa m'a.