Números 6:26 - Biblia Enxet

²⁶ Kataqmalmakha sa' apwáxok elanok xép Wesse' egegkok yetlo apchásekhayo; egkések sa' meyke ektáhakxa apwáxok.’

Números 6:26 ပူးပေါင်းရင်းမြစ်များ

Salmos 29:11

Wesse' egegkok apkelyennaqtésso énxet'ák apagkok, Wesse' egegkok apmésso ektaqmalma apheykha m'a énxet'ák apagkok nak.

Salmos 37:37

Elano énxet meyke nak aptémakxa, tén han eyáxñeyo nak aptémakxa: yetneyk aptawán'ák neptámen ma'a énxet meyke nak ektáhakxa apha.

Salmos 4:6

Apxámok énxet apteme chá'a apkelpeywa s'e: “¿Yaqsa negko'o hegwetaksek ma'a ektaqmalma nak negheykha?” Wesse', ¡henlano negko'o yetlo ektaqmeleykha apwáxok!

Salmos 42:5

¿Yaqsa katnehek ko'o kayaqhapwomhok ewáxok? ¿Yaqsa katnehek ko'o katneykha ewáxok? Élhaxanmeyk eyke aqsa m'a Dios, cham'a peya nak ko'o alenxanmohok sélpeykessamo. ¡Cha'a apteme ko'o Dios ahagkok ma'a, tén han Sewagkasso teyp!

Salmos 44:3

Háwe axta apmék, tén han sókwenaqte élmallahanchesso m'a ẽlyapmeyk; háwe axta apma xapop ma'a. ¡Xeyep apmopwána axta keñamak tén han apyennaqte! ¡Xeyep apha nepyeseksa axta keñamak, hakte apkelásekhayók axta!

Salmos 89:15

Oh Wesse', apkeleñémo énxet'ák apkelmopwancha'a nak chá'a elpeykeshok yetlo élpayheykekxa apkelwáxok, tén han apkelxega nak chá'a éltátchessamakxa nak xép élseyéxma apagkok,

Isaías 26:12

Wesse', egméssegkek xép ektaqmalma negheykha; naqsók xép apkelane chá'a ekyókxoho m'a aqsok nenlanakxa enxoho chá'a.

Isaías 26:3

Wesse', eltaqmelcheshok chá'a exchep yetlo meyke ektáhakxa apwáxok ma'a melyenseyam nak chá'a apteme melya'ásseyam, hakte apcháyók chá'a exchep ma'a.

Isaías 57:19

Sa' atnehek alának apyókxoho s'e: ‘¡Tásek sa' katnehek kélheykha kélheykha nak makhawo', tásek sa' katnehek kélheykha kélheykha nak keto'! ¡Altaqmelchásekxak sa' ko'o m'a énxet'ák ahagkok!’

Miqueas 5:5

Esógmak sa' meyke ektáhakxa negha m'a. Apkelántaxnegwa'ak sa' agkok asirios negókxa, tén han apkelántaxnegwa'a enxoho m'a tegma apkelyawe egagkok nak, óláphássesek sa' siete apkelámha apmonye'e, tén han ocho énxet'ák ekha nak kéláyo yaqwayam elenmexek.