Números 4:49 - Biblia Enxet

⁴⁹ Kelánamáxcheyk axta xa kélyetsáteykekxa nak énxet'ák, ekhawo apkeltémókxa axta etnehek Wesse' egegkok ma'a Moisés, kéltennassegkek axta nahan chá'a xama énxet eyéméxchexa chá'a elána', tén han ma'a yaqwayam chá'a elsók, ekhawo m'a apkeltémókxa axta Wesse' egegkok etnehek ma'a Moisés.

Números 4:49 ပူးပေါင်းရင်းမြစ်များ

Números 1:47

Axta kólyetsáteykekxak apwánxa levitas nepyeseksa m'a pók énxet'ák nak,

Números 1:54

Apkelánegkek axta israelitas ekyókxoho m'a apkeltamhókxa axta etnehek Wesse' egegkok ma'a Moisés.

Números 2:33

Axta eyke kólyetsetak ma'a levitas, ekhawo m'a aptáhakxa axta Wesse' egegkok apkeltamhókxa etnehek ma'a Moisés.

Números 3:51

Keñe axta apkelmésa selyaqye m'a Aarón, tén han ma'a apketchek nak, ekhawo m'a apkeltamhókxa axta etnehek ma'a Wesse' egegkok.

Números 4:15

Appenchessek sa' agkok Aarón tén han apketchek apkelpextéteykekxa m'a ekyókxoho aqsok kélmeykegkaxa élpagkanamaxche nak, appenchásegko enxoho yaqwayam elxog, elxegmak sa' ma'a Quehat aptawán'ák neptámen, yaqwayam enxoho elsók ekyókxoho xa aqsok nak. Mepaknegwomók sa' eyke xama enxoho m'a aqsok élpagkanamaxche nak, yaqwayam enxoho meletsepe'. Cháxa ekyókxoho aqsok yaqwayam nak chá'a elsók ma'a Quehat aptawán'ák neptámen, éleñama nak ma'a kélpakxanma apchaqneykekxexa nak chá'a énxet'ák.

Números 4:21

Appaqhetchessek axta Wesse' egegkok ma'a Moisés. Aptáhak axta apcháneya s'e:

Números 4:24

“Sa' katnehek chá'a apkeltamheykha Guersón aptawán'ák neptámen se'e:

Números 4:31

Sa' katnehek apkeltamheykha apchaqneykekxexa nak chá'a énxet'ák se'e: tegma appagkanamap yántéseksek apagkok sa' etnehek apkelseykha, tén han ma'a éltegyésso nak, tén han ma'a élámha nak, tén han ma'a apowhók nak,

Números 4:32

tén han ma'a élámha nak nepyáwa kélhaxtegkesso m'a tegma appagkanamap, yetlo m'a apowhók nak, tén han ma'a yámet kélmahantasso nak naw'ék kélatchesso xapop, tén han ma'a táma apxát'ák nak, tén han ma'a ekyókxoho aqsok apagkok eyéméxchexa nak chá'a yaqwayam kólmaha. Xép sa' eyke etaqmelcheshok chá'a apkeltennasso yaqsa aqsok eswok chá'a xama.

Números 4:37

Cháxa apwánxa axta Quehat aptawán'ák neptámen yaqwayam elanagkok apkeltamheykha m'a kélpakxanma apchaqneykekxexa nak chá'a énxet'ák, cham'a apwánxa axta ekwetamaxche apyókxoho kélnaqtáxéseyak apkelwesey weykcha'áhak, apkelane axta m'a Moisés tén han Aarón, ekhawo han ma'a apkeltamhókxa axta Wesse' egegkok etnehek ma'a Moisés.

Números 4:41

Cháxa apwánxa axta Guersón aptawán'ák neptámen yaqwayam elanagkok apkeltamheykha m'a kélpakxanma apchaqneykekxexa nak chá'a énxet'ák, cham'a apwánxa axta ekwetamaxche apyókxoho kélnaqtáxéseyak apkelwesey weykcha'áhak, apkelane axta m'a Moisés tén han Aarón, ekhawo han ma'a apkeltamhókxa axta Wesse' egegkok etnehek ma'a Moisés.

Números 4:45

Cháxa apwánxa axta Merarí aptawán'ák neptámen yaqwayam elanagkok apkeltamheykha m'a kélpakxanma apchaqneykekxexa nak chá'a énxet'ák, cham'a apwánxa axta ekwetamaxche apyókxoho kélnaqtáxéseyak apkelwesey weykcha'áhak, apkelane axta m'a Moisés tén han Aarón, ekhawo han ma'a apkeltamhókxa axta Wesse' egegkok etnehek ma'a Moisés.

Números 5:1

Appaqhetchessek axta Wesse' egegkok Moisés. Aptáhak axta apcháneya s'e: