Números 4:32 - Biblia Enxet

³² tén han ma'a élámha nak nepyáwa kélhaxtegkesso m'a tegma appagkanamap, yetlo m'a apowhók nak, tén han ma'a yámet kélmahantasso nak naw'ék kélatchesso xapop, tén han ma'a táma apxát'ák nak, tén han ma'a ekyókxoho aqsok apagkok eyéméxchexa nak chá'a yaqwayam kólmaha. Xép sa' eyke etaqmelcheshok chá'a apkeltennasso yaqsa aqsok eswok chá'a xama.

Números 4:32 ပူးပေါင်းရင်းမြစ်များ

1 Crónicas 9:29

Nápakha axta han apkeltaqmelchesso m'a nekha nak aqsok kélmeykha, tén han ma'a aqsok élpagkanamaxche nak, tén han ma'a hótáhap, vino, pexmok égmenek, aqsok ekmátsa nak ekpaqneyam éten agkok, keñe han ma'a pánaqte ekmátsa nak ekpaqneyam.

Éxodo 25:9

Kólhéshok sa' eyke kéllane sekmako nak ko'o axekmósek, cham'a kélpakxanma yaqwánxa nak chá'a ko'o axek, yetlo m'a ekyókxoho yántéseksa'ák.

Éxodo 27:9

“Elána sa' xama kélhaxta yaqwayam kólhaxtamok nepyáwa m'a kélpakxanma appagkanamap. Apáwa apkeláxñe apkelyaqséyak nahan payhawok étek kélhaxta m'a ekpayho nak nepyeyam, apwayam nak cuarenta y cinco metros apwenaqte.

Éxodo 38:17

Sawo ekyexwase axta m'a awhók élyennaqtéssamakxa nak yámet élámha, tén axta sawo ekmope élmomnáwa m'a sawo élhaxe agkok nak, tén han ma'a sawo élyaqye agkok nak, tén axta m'a apqatkok nak yámet kélyepetchesso ektáha sawo ekmope élmomnáwa. Sawo ekmope élmomnáwa axta nahan ekyókxoho sawo élyaqye agkok ma'a yámet élámha nak nepyáwa kélhaxta.

Éxodo 38:21

Apkelyetsátekxeyk axta sawo élyentaxno kélmeykha axta apkelánamap kélpakxanma appagkanamap ma'a levitas apkeltémo axta m'a Moisés, Itamar axta nahan apxegkesso apkelyetsáteykekxa m'a aqsok, apketche nak ma'a apkelmaxnéssesso Dios énxet'ák apagkok Aarón.

Números 3:36

Yántéseksek tegma appagkanamap apkeltaqmelchesso axta m'a Merarí aptawán'ák neptámen nak, yetlo m'a éltegyésso nak, tén han ma'a élámha nak, tén han ma'a apowhak nak, tén han ma'a ekyókxoho aqsok kélmeykegkaxa nak tegma appagkanamap,

Números 3:8

Etnahagkok sa' nahan apkeltaqmelchesso m'a aqsok kélmeykegkaxa nak chá'a m'a kélpakxanma apchaqneykekxexa nak chá'a énxet'ák, etnahagkok sa' apkelánesso aqsok ma'a israelitas, cham'a ekyókxoho ektémakxa nak chá'a apkeltamheykha m'a tegma appagkanamap.

Números 4:31

Sa' katnehek apkeltamheykha apchaqneykekxexa nak chá'a énxet'ák se'e: tegma appagkanamap yántéseksek apagkok sa' etnehek apkelseykha, tén han ma'a éltegyésso nak, tén han ma'a élámha nak, tén han ma'a apowhók nak,

Números 4:33

Cháxa yaqwánxa sa' katnehek apkeltamheykha Merarí aptawán'ák neptámen ma'a kélpakxanma apchaqneykekxexa nak chá'a énxet'ák, peya sa' etnehek apkeltennasso yaqwánxa chá'a elanagkok ma'a Itamar, apketche nak Aarón, apteme nak apkelmaxnéssesso Dios énxet'ák apagkok.”

Números 4:49

Kelánamáxcheyk axta xa kélyetsáteykekxa nak énxet'ák, ekhawo apkeltémókxa axta etnehek Wesse' egegkok ma'a Moisés, kéltennassegkek axta nahan chá'a xama énxet eyéméxchexa chá'a elána', tén han ma'a yaqwayam chá'a elsók, ekhawo m'a apkeltémókxa axta Wesse' egegkok etnehek ma'a Moisés.

Números 7:1

Apteméssessek axta appagkanamap apkexpaqha'a pexmok égmenek Moisés tegma appagkanamap, cham'a appenchesa axta apkelane, yetlo m'a ekyókxoho aqsok kélmeykegkaxa nak chá'a tegma appagkanamap, tén han kélmeykegkaxa nak chá'a m'a ekwatnamáxchexa nak aqsok.

Números 7:8

Keñe axta m'a Merarí aptawán'ák neptámen nak apkelmésa cuatro weyke taqaxchók, tén han ocho wey, hakte apmenyeyk axta xa yaqwayam elanagkok chá'a apkeltamheykha, Itamar axta eyke apkeltennasso chá'a aqsok yaqwánxa elanagkok, cham'a Aarón apketche apteme nak apkelmaxnéssesso Dios énxet'ák apagkok.