Números 4:28 - Biblia Enxet

²⁸ Cháxa apkeltamheykha yaqwayam sa' elanagkok chá'a Guersón aptawán'ák neptámen ma'a kélpakxanma apchaqneykekxexa nak chá'a énxet'ák. Itamar sa' eyke etnehek apkeltennáseyak aqsok yaqwánxa enxoho chá'a elanagkok, cham'a Itamar, apketche nak Aarón apteme nak apkelmaxnéssesso Dios énxet'ák apagkok.

Números 4:28 ပူးပေါင်းရင်းမြစ်များ

Éxodo 38:21

Apkelyetsátekxeyk axta sawo élyentaxno kélmeykha axta apkelánamap kélpakxanma appagkanamap ma'a levitas apkeltémo axta m'a Moisés, Itamar axta nahan apxegkesso apkelyetsáteykekxa m'a aqsok, apketche nak ma'a apkelmaxnéssesso Dios énxet'ák apagkok Aarón.

Números 4:27

Aarón tén han apketchek sa' eltennasagkok chá'a apkeltamheykha yaqwánxa elanagkok ma'a Guersón aptawán'ák neptámen nak, tén han ma'a aqsok yaqwayam nak chá'a elsók. Kéxegke sa' kóltéhek kélláneykha chá'a m'a aqsok yaqwánxa enxoho chá'a elanagkok.

Números 4:29

“Enaqtáxesák sa' han weykcha'áhak apkelwesey m'a Merarí aptawán'ák neptámen nak, cham'a ektáhakxa nak apnámakkok apancha'awo', tén han ma'a ekheykha nak apxanák.

Números 4:33

Cháxa yaqwánxa sa' katnehek apkeltamheykha Merarí aptawán'ák neptámen ma'a kélpakxanma apchaqneykekxexa nak chá'a énxet'ák, peya sa' etnehek apkeltennasso yaqwánxa chá'a elanagkok ma'a Itamar, apketche nak Aarón, apteme nak apkelmaxnéssesso Dios énxet'ák apagkok.”

Números 7:7

Ánet weyke taqaxchók axta apkelmeyásak ma'a Guersón aptawán'ák neptámen nak, tén han cuatro wey, hakte apmenyeyk axta xa yaqwayam elanagkok chá'a apkeltamheykha.