Números 35:6 - Biblia Enxet

⁶ “Tegma apkelyawe peya sa' kólmések ma'a levitas, seis tegma apkelyawe sa' etnehek negyexánegweykekxexa chá'a, yaqwánxa sa' chá'a emyekxak etegyaha ekmasma m'a énxet apchaqhe nak chá'a pók. Kólmeyásekxohok sa' nahan pók cuarenta y dos tegma apkelyawe;

Números 35:6 ပူးပေါင်းရင်းမြစ်များ

Salmos 9:9

Eltaqmelcheshok chá'a Wesse' egegkok ma'a kélnaqtawáseykegkoho nak chá'a, eltaqmelcheshok chá'a ekwa'a enxoho ekyentaxno apheykha.

Éxodo 21:13

Keñe sa' ma'a megkatnaha enxoho apmáheyo apagko' yaqhek pók, ektáha enxoho Dios apkeltémo yetsapok, ko'o sa' altennaksek yaqsa yókxexma apwanchek emhagkok éxánegwók.

Isaías 4:6

yaqwayam kaltaqmelchesek tén han kalmeyók; katnehek sa' pessesse apagkok apkenchesso chá'a m'a mayáhat ekmexanma tén han apkelyexanmomakxa chá'a m'a ekmámeka enxoho tén han éxchahakmo enxoho chá'a ekyennaqte.

Números 35:5

Novecientos metros sa' chá'a katnehek ekwenaqte xapop xama nápakha m'a tegma, cham'a ekteyapmakxa ekhem nak, tén han ma'a ektaxnegwánxa ekhem nak, tén han ma'a nexcheyha nak, tén han ma'a nepyeyam nak. Neyseksa sa' étek ma'a tegma apwányam, keñe sa' yókxexma émhakxa pa'at ma'a nepyáwa'.

Josué 21:13

Apkelxaweykegkek axta Aarón aptawán'ák neptámen ma'a Hebrón, apteme axta apkelmaxnéssesso Dios énxet'ák apagkok, cham'a tegma apwányam apkelyexánegweykekxexa axta chá'a énxet apchaqhe pók, apkelxaweykegkek axta han se'e tegma apkelyawe nak: cham'a Libná,

Josué 21:21

Keñe axta egkexe nak Efraín kélmésa m'a Siquem, yaqwayam etnehek apyexánegweykekxexa chá'a énxet ektáha enxoho apchaqhe pók, tén axta han ma'a Guézer,

Josué 21:27

Keñe axta m'a levitas, Guersón axta aptawán'ák neptámen, kélmésa m'a apqánet tegma apkelyawe, apagkok axta m'a nápakha nak Manasés énxet'ák apagkok, yetlo m'a apagkok apagko' nak chá'a yókxexma ektaqmelakxa nak pa'at: cham'a Golán, apyetnama nak ma'a Basán, yaqwayam enxoho etnéssesek tegma apwányam apyexánegweykekxexa chá'a énxet'ák, keñe han ma'a Beesterá.

Josué 21:3

Keñe axta énxet'ák Israel apkelmeyásegko pók xama m'a tegma apkelyawe apagkok apagko' nak, yetlo m'a yókxexma ektaqmelakxa nak pa'at, apkeltémókxa axta etnahágkok ma'a Wesse' egegkok.

Josué 21:32

Keñe m'a Neftalí axta énxet'ák xapop apagkok, kélmésa apqántánxo tegma apkelyawe yetlo m'a apagkok apagko' nak chá'a yókxexma ektaqmelakxa nak pa'at: cham'a Quedes, apyetnama nak ma'a Galilea, yaqwayam etnéssesek tegma apwányam apkelyexánegweykekxexa chá'a énxet'ák, tén han ma'a Hamot-dor tén han Cartán;

Josué 21:36

Keñe m'a Rubén axta énxet'ák xapop apagkok, kélmésa m'a tegma apkelyawe nak Béser, Jahas,

Josué 21:38

Keñe m'a Gad énxet'ák axta xapop apagkok, kélmésa m'a tegma apkelyawe nak Ramot nak Galaad, yaqwayam etnéssesek tegma apwányam apkelyexánegweykekxexa chá'a énxet'ák, tén han ma'a Mahanaim,