Números 35:22 - Biblia Enxet

²² “Apyégawók agkok nahan pók xama énxet megkatnaha enxoho apmáheyo apagko' eyhog, háwe eyke apkenmexma, essenhan apyenhawo enxoho xama aqsok meyke ekxeyenma apwáxok kasók ektáhakxa,

Números 35:22 ပူးပေါင်းရင်းမြစ်များ

Éxodo 21:13

Keñe sa' ma'a megkatnaha enxoho apmáheyo apagko' yaqhek pók, ektáha enxoho Dios apkeltémo yetsapok, ko'o sa' altennaksek yaqsa yókxexma apwanchek emhagkok éxánegwók.

Números 35:11

Kéméxcheyk kólyésha pók xam'a tegma apkelyawe yaqwayam kóltéhek kélyexánegweykekxa chá'a, yaqwayam sa' chá'a emyekxak etegyaha apyexanmomakxa m'a énxet apchaqhe nak chá'a pók megkatnahakxoho apmáheyo apagko' yaqhek.

Números 35:20

“Apyegkek agkok pók xama énxet eñama aptaqnagko, essenhan apyenha enxoho xama aqsok yetlo ekxeyenma apwáxok kasók ektáhakxa,

Números 35:21

essenhan aptekpageyncha'a enxoho eñama apkenmexma, apketsekkek agkok ma'a pók nak, yáneykpok sa' ematñekxak ma'a ektáha nak apteme, hakte yetneyk apyógkexma. Sa' yáneykpok nahan yaqhek ektáha nak apchaqhe pók ma'a apnámakkok apagko' nak ma'a ektáha apmatñà, apwetákxo enxoho.

Números 35:23

essenhan meyke apya'áseyak eyenhohok xama meteymog ekmowána nak hegaqhek, tégwokmek agkok ma'a meteymog, tén kaqhek megyenmexeykegkaxho pók, tén han neyseksa memáheyo etnéssessamhok exma ekmaso,

Deuteronomio 19:5

Negyetcháseykekxoho, xama énxet apyetlól'a pók emhagkok naxma etegyek yántápak, tén ma'a apyenyénto enxoho póte eyaqtennek ma'a yántápak, kanextog ma'a póte akqátek, katyegwók ma'a pók keñe yaqhek, apwanchek sa' éxánegwakxak xama xa tegma apkelyawe nak, keñe sa' ewagkasakpok teyp.

Josué 20:3

Apchaqhak sa' agkok pók énxet megkatnahakxoho apmáheyo yaqhek, emyekxak sa' xama xa tegma apwányam nak, yaqwayam sa' mexnéssessók mók ma'a ektáha nak pók apagko' ma'a ektáha nak apketsapma.

Josué 20:5

Apkemhágkek sa' agkok ma'a pók apagko' nak ma'a ektáha nak apmatñà, meyentegkásenteyk sa' han ma'a énxet apmahéyak nak aptegyeykha apyexanmomakxa m'a, hakte apchaqhássessegkek pók megkatnahakxoho apmáheyo yaqhek, meykexho aptaqnagko.