Números 34:19 - Biblia Enxet

¹⁹ Keso énxet'ák apkelámha apmonye'e eyéméxko nak kéxegke kóláneyha s'e: “Caleb, Jefuné apketche, aptáha nak Judá énxet'ák apagkok.

Números 34:19 ပူးပေါင်းရင်းမြစ်များ

Génesis 29:35

Wetákxeyk axta makham pók étche Lía, teméssessek axta apwesey Judá, hakte axta entáhak se'e: “Sa' eyke selpeykásawo kaxwók Wesse' egegkok.” Keñe axta natámen, ekmassama ekwete étchek.

Génesis 35:22

Apheykmek axta Israel ma'a yókxexma nak, apya'áyekmek axta Rubén appatheteykegko m'a Bilhá, kelán'a apmeykha naqsa axta m'a apyáp. Aplókók apagko' axta han apleg'a m'a apyáp. Doce axta apyókxoho apketchek ma'a Jacob.

Génesis 35:23

Keso Lía axta étchek se'e, Jacob axta apwetasso: Rubén, étche átnaha apketkok; Simeón, Leví, Judá, Isacar, tén han ma'a Zabulón.

Salmos 60:7

Ahagkok ko'o m'a Galaad, tén han Manasés; Efraín akke apteme sétchesso épátek; Judá akke apteme yámet sekmeykencha'awól'a chá'a sekteme wesse';

Números 13:30

Tén axta Caleb apkelwanmeyásekxo m'a énxet'ák apchaqneyncha'a axta apmonye' m'a Moisés. Aptáhak axta apkeláneya s'e: —¡Ólmahagkok heykxa m'a xapop nak! ¡Agmok sa'! ¡Egwanchek sa'!

Números 13:4

Keso apkelwesey axta s'e: Samúa, Zacur axta apketche, apkeñama axta nepyeseksa m'a Rubén énxet'ák apagkok;

Números 13:6

Caleb, Jefuné axta apketche, apkeñama axta nepyeseksa m'a Judá énxet'ák apagkok;

Números 14:24

Wánxa axta aqsa mók ektémakxa apwáxok ma'a séláneykha Caleb, axta elwátesseykmok sétleykha ko'o. Cháxa keñamak peya nak ko'o wohok etxek ma'a apchókxa, apmahágkaxa axta apkelano, sa' elhamok nahan aptawán'ák neptámen ma'a.

Números 14:30

Megkólántexek sa' kélxama enxoho kéxegke m'a xapop séltennassamakxa axta ko'o alhéssók, wánxa sa' aqsa m'a Caleb tén han Josué.

Números 14:38

Josué tén han Caleb axta aqsa apkeleymékpo meletsapa.

Números 14:6

tén axta Josué tén han Caleb, ektáha axta apkelányo m'a yókxexma, apkelyepta apkelántaxno magkenatchesso éllapwámegko.

Números 26:65

hakte apkeltennassegkek axta Wesse' egegkok eletsapwók ma'a yókxexma meykexa nak énxet Sinaí. Wánxa axta aqsa apkeymomákpo m'a Caleb, Jefuné axta apketche, tén han ma'a Josué, Nun axta apketche. Keñe m'a apyókxoho nak apkeletsapma.

Números 34:18

Kóláneyha sa' eyke han chá'a xama m'a apkemha apmonye' nak chá'a nepyeseksa énxet'ák apagkok, yaqwayam emlaskok xapop.

Deuteronomio 1:36

Wánxa sa' aqsa étak ma'a Caleb, Jefuné apketche nak; agkések sa' ko'o xapop ma'a tén han ma'a aptawán'ák neptámen nak, cham'a apkelwánxa enxoho chá'a, eñama meheyenseyam sétleykha, ko'o sektáha nak Wesse' egegkok.’

Deuteronomio 33:7

Keñe axta aptáha apxéna Judá s'e: “Wesse', yeyxho Judá appeywa; yána epáxaqwakxak ma'a énxet'ák apagkok. Emyow sa' xép yetlo apmopwána; epásem sa' elenmexek ma'a apkelenmexma nak.”