Números 32:38 - Biblia Enxet

³⁸ Nebo, Baal-meón, tén han Sibmá, apyaqmagkassessek axta nahan chá'a apkelwesey pók xama m'a, aptegyáseykxeyk axta chá'a apwesey m'a ektáha axta chá'a apnaqxétekháseykegkokxa.

Números 32:38 ပူးပေါင်းရင်းမြစ်များ

Génesis 26:18

Apkelmetmékxeyk axta makham yámelchet kélmétegkáseyak axta m'a apyáp apyennaqtamakxa axta, apkelápeykekxa axta m'a filisteos, natámen apketsapma axta apyáp, aptemessáseykekxeyk axta han élwesey m'a nanók apteméssessamakxa axta m'a apyáp.

Esdras 10:43

Keñe axta Nebo aptawán'ák neptámen: cham'a Jeiel, Matatías, Zabad, Zebiná, Jadau, Joel, tén han Benaías.

Salmos 16:4

cham'a apxámáseyak nak chá'a aqsok apcháyókxa, apkelyetleykekxa nak chá'a yetlo melyenseyam. ¡Mapasmekxeyk ko'o m'a apkelánéyak nak aqsok apkelnapma! ¡Maxének xama enxoho élwesey m'a aqsok apkeláyókxa!

Éxodo 23:13

“Kóllána chá'a ekyókxoho m'a séltémo nak chá'a kóllána', mómenyék nahan ko'o kólxének kéxegke xama enxoho m'a pók kéláyókxa nak chá'a.

Isaías 16:8

Kelyameygkek anmen yámet kélcheneykekxa m'a yókxexma Hesbón tén han ma'a Sibmá apkelyaqtennéyak axta m'a apkelwesse'e apagkok nak ma'a énxet'ák. Kelweykmek axta aktegák ma'a yókxexma Jazer, sawheykekxók axta m'a yókxexma meykexa nak énxet, kelweykmók axta m'a teyp agko' nak wátsam ekwányam.

Isaías 46:1

Haxeyk ma'a dios Bel, yaqnenchek náxop ma'a dios Nebo. Yámelyeheykok chá'a élpatmeykha m'a aqsok kéleykmássesso, ekyentaxno élpata chá'a m'a aqsok kélnaqtósso élyampayo nak.

Jeremías 48:1

Wesse' ekha apyennaqte appeywa, Dios apagkok nak Israel, apxeyenma m'a Moab: “¡Kélyósekak eyke ekhel'a kélheykha nak Nebo kélmasséssekmek kélókxa! ¡Apmákpek Quiriataim, mékoho kéltemessáseykxa'! ¡Kélyaqnegkessessek náxop ma'a tegma apyennaqte kélagkok!

Jeremías 48:21

Wa'ak kéllegassáseykegkoho ekxénamaxchexa axta kólteméssesek ma'a tegma apkelyawe apheykegko nak ekpayhegweykenxa xapop: cham'a Holón, Jahas, Mefáat,

Jeremías 48:23

Quiriataim, Bet-gamul, Bet-meón,

Ezequiel 25:9

Cháxa keñamak sekmako nak ko'o ayagqaxqátek nekha m'a Moab, meyke tegma apkelyawe sa' atnessásekxak eyeynamo m'a xama nekha nak, ekweykekxoho m'a mók nekha nak, cham'a tegma apkelyawe apkeltaqmalma nak ma'a apkelókxa: Bet-jesimot, Baal-meón tén han ma'a Quiriataim.

Números 22:41

Keñe axta mók ekhem, apyentegkek axta Balac ma'a Balaam, apkenátchessekmo m'a egkexe Bamot-baal, negwetayókxa axta ólmexhok ma'a neyáwa apkelpakxeneykegkaxa axta m'a israelitas.

Números 32:3

Tásek pa'at yaqwayam katawagkok aqsok kélnaqtósso m'a yókxexma nak Atarot, Dibón, Jazer, Nimrá, Hesbón, Elalé, Sebam, Nebo, tén han ma'a Beón, wesse' egegkok axta apma yaqwayam etnehek apagkok ma'a énxet'ák Israel, tén han ekyetna nak negko'óxa, nentáha nak xép apkeláneykha, cham'a nennaqtósso nak.

Números 32:37

Keñe axta Rubén énxet'ák apagkok apnaqxétekhásegkokxo m'a tegma apkelyawe nak Hesbón, Elalé, Quiriataim,

Deuteronomio 32:50

Sa' yetsapok nahan ma'a néten egkexe nak, yaqwánxa sa' yenátwakxa', epáxaqwakxak sa' ma'a ektáha axta énxet'ák apagkok, ekhawo ektémakxa axta m'a apepma Aarón, apketsapma axta m'a egkexe Hor nak, keñe appáxaqweykekxo m'a ektáha axta énxet'ák apagkok.

Josué 23:7

Nágkólpáxaqwom pók énxet'ák apheykha nak makham se'e kélnepyeseksa nak kéxegke. Nágkólpeykesho m'a aqsok apkeláyókxa nak, nágkólyahakxoho han; nágkólxénmakha han chá'a xa aqsok kéláyókxa nak, nágkólmaha han chá'a élwesey kélteméssesa enxoho chá'a naqsók kélpeywa.