Números 31:8 - Biblia Enxet

⁸ Apkelnapchek axta m'a Eví, Réquem, Sur, Hur, tén han ma'a Reba, cinco kelwesse'e apagkok axta m'a Madianitas, apchaqhak axta nahan ma'a Balaam, Beor axta apketche.

Números 31:8 ပူးပေါင်းရင်းမြစ်များ

Salmos 10:2

Yetlo éleymáxkoho apkelwáxok chá'a apmáheyók enaqtawasagkohok élmasagcha'a nak apkeltémakxa m'a meyke nak aqsok apagkok; kalmekxohok sa' eyke agko' ma'a kelhanma apnegkenéyak apmáheyo elmok ma'a énxet'ák.

Salmos 9:16

Apkeltennásamákpek aptémakxa m'a Wesse' egegkok: ¡apkelánekxésso chá'a apheykha énxet'ák ekpéwomo aptémakxa! Kalmekxohok chá'a agkok kelhanma apnegkenéyak ma'a élmasagcha'a nak apkeltémakxa.

Proverbios 11:3

Apkeltémakxa ekpéwomo chá'a kataqmelchessesek apkelxega m'a énxet'ák apkelpéwomo nak; keñe m'a énxet'ák apkelmopwancha'a nak chá'a amya'a kanaqtawásekxohok agkok chá'a m'a apkelmopwancha'a amya'a nak.

Proverbios 13:17

Aqsok ekmaso chá'a etekkesek ma'a énxet apseykha amya'a ekmaso nak aptémakxa', etaqmelchessásekxak eyke chá'a apheykha énxet'ák ma'a apseykha amya'a metne nak chá'a apmopwána amya'a.

Habacuc 3:7

Ekwet'ak ko'o énxet'ák Cusán eyáhapwa'a éltemegweykmoho exma ekmaso, keñe m'a énxet'ák Madián sekwet'a apkelpexyennama apkelaye.

Números 22:10

Aptáhak axta Balaam apchátegmowágko s'e: —Balac, Sipor apketche, wesse' apwányam nak Moab apkeláphasso yaqwayam ko'o héltennássak

Números 22:4

Tén axta énxet'ák Moab aptáha apkeláneya apkelámha apmonye'e nak Madián se'e: “Hensawhaksek sa' xapop egagkok apyókxoho nak xa énxet'ák nak, ektémól'a weyke yágkelwána kasáwak pa'at ma'a yókxexma.” Balac axta nahan wesse' apwányam Moab xa apyeyam nak,

Números 22:5

apkeltamhók axta kólyentawakxések ma'a Balaam, Beor axta apketche, aphama axta m'a tegma apwányam Petor, nekha nak wátsam Éufrates, Amav apchókxa. Axta aptáhak Balac apmésa appeywa ektáha axta apkelápháseykha, apkeltamho etnehek yának Balaam apcháneyeyncha'a s'e: “Egipto apkeleñamak énxet'ák, appayhékxo ekyókxoho apkelókxa, apkelpakxenwa'ak nahan kaxwók se'e keto' nak sekhakxa ko'o.

Números 23:10

Máxa xapop ánek, ¿yaqsa awanchek kalyetsetek? ¿Yaqsa awanchek kay'asagkohok apwánxa apxámokma? ¡Katnoho annal'a ko'o xa sétsapma ektéma nak xa énxet'ák apkelpéwomo nak, tén katnegwók néxa sekha ektéma nak ma'a!”

Números 24:14

Ataqhohok sa' ko'o makham ma'a seyókxa, amonye' sektaqheykekxa eyke peyk altennaksek xép yaqwánxa etnéssesek énxet'ák apagkok ma'a énxet'ák Israel, keso egmonye' nak.

Números 24:25

Aptaqháwók axta makham apxagkok Balaam natámen apteme appeywa xa. Aptaqháwók axta nahan ma'a Balac.

Números 25:15

Cozbí axta ekwesey m'a kelán'a madianita, Sur axta apketche, apkemha apmonye' axta nepyeseksa m'a énxet'ák Madián.

Números 25:18

ekhawo apteméssesakxa axta kéxegke apketamokmo yetlo élmasagcha'a apkeltémakxa, apkeltamho kólpeykeshok ma'a Baal-peor, ekhawo ekteméssesakxa axta m'a kelán'a ekwesey axta Cozbí, apketche axta m'a apkemha apmonye' nak madianita, étsapa axta kélyetxaya sawhéwa, seyáphasa axta ko'o negmasse ekmaso eñama kélpeykessamo m'a Baal-peor.

Números 31:16

Cháxa élenmexcháseykekxo axta Wesse' egegkok israelitas xa, élyetlama m'a aptémakxa axta apkelanagkama m'a Balaam, apkelpeykessamo axta m'a Baal-peor. Cháxa keñamak apcha'a nak Wesse' egegkok negmasse ekmaso m'a énxet'ák apagkok.

Números 31:9

Apkelmeyk axta israelitas ma'a kelán'ák Madián yetlo étchek keyetse nak, apkelyementamágkek axta nahan apnaqtósso, weyke, tén han ma'a aqsok élmomnáwa nak;