Números 31:30 - Biblia Enxet

³⁰ Keñe sa' ma'a nekha ektáha nak apagkok ma'a israelitas, cham'a kelán'ák élmomaxche nak, tén han ma'a weyke yágkelwán'ák, yámelyeheykok tén han ma'a nepkések, cham'a ekyókxoho kélnaqtósso nak, xama sa' chá'a emok ma'a ektáha enxoho cincuenta ekyókxoho, tén sa' elmések ma'a levitas, apkeltamheykha nak chá'a m'a kélpakxanma appagkanamap ahagkok.”

Números 31:30 ပူးပေါင်းရင်းမြစ်များ

1 Crónicas 23:32

Axta han apkelánémakpok etaqmelchesek ma'a kélpakxanma apchaqneykekxexa nak chá'a énxet'ák, tén han ma'a tegma appagkanamap nak, apkeltamheykha axta m'a tegma appagkanamap nak yetlo apkelxegexma'a m'a aphawóxama apagko' nak, Aarón axta aptawán'ák neptámen.

2 Crónicas 14:15

Apketámegkek axta han ma'a apkelpakxeneykegkaxa axta chá'a énxet'ák, élyáqtamakxa axta m'a kélnaqtósso, apnaqlákxeyk axta han apxámokma apagko' nepkések, tén han yányátnáxeg. Tén axta apkelmeyákxo makham ma'a Jerusalén.

Números 1:53

Keñe sa' levitas elpakxenagkok chá'a m'a nepyáwa nak kélpakxanma ekyetnamakxa nak yántéseksek ekhémo mók nélpaqhetchásamáxkoho Dios, elanha sa' nahan chá'a m'a, yaqwayam sa' meltaqnaweygkehek chá'a Wesse' egegkok ma'a israelitas.”

Números 3:25

Axta apkelánémakpok etnehek chá'a apkeltaqmelchesso tegma appagkanamap ma'a kélpakxanma nak, cham'a aqsok émpe'ék kélmeykha nak, tén han ma'a apáwa kélchexanma nak átog nentaxnamakxa nak kélpakxanma,

Números 3:31

Cháxa ektáha axta nahan aptaqmelchesso yántéseksek ekhémo mók nélpaqhetchásamáxkoho xa énxet'ák nak, tén han ma'a mésa, tén han ma'a cháléwasso ekyawe nak, tén han ma'a élwatnamáxchexa nak aqsok, tén han ma'a aqsok élpagkanamaxche nak, yaqwayam nak kólmaha kólpeykeshok Wesse' egegkok, tén han ma'a apáwa apkexyawe nak, ekyókxoho m'a aqsok kélmeykegkaxa nak chá'a.

Números 31:28

Hélmés sa' ko'óxa nekha: cham'a apkelxawéyak nak ma'a sẽlpextétamo, cham'a kelán'ák élmomaxche nak, tén han ma'a weyke yágkelwán'ák, yámelyeheykok tén han nepkések, xama sa' chá'a emok ma'a quinientos enxoho chá'a ekyókxoho,

Números 31:29

elmések sa' ma'a apkelmaxnéssesso Dios énxet'ák apagkok Eleazar, sélxawe nak chá'a ko'o.

Números 31:31

Aptamhágkek axta nahan Moisés tén han Eleazar ma'a apkeltamhókxa axta etnehek Wesse' egegkok ma'a Moisés.

Números 8:26

Apwanchek sa' nahan epasmekxak apkeláneyak apkeltamheykha apkelxegexma'a kélpakxanma apchaqneykekxexa nak chá'a énxet'ák apwokmo enxoho xa ekwánxa nak apyeyam apagkok, mopwanchek sa' etneykha apxakko'. Cháxa yaqwánxa sa' etnéssesek chá'a apkeltamheykha m'a levitas.”

Josué 9:27

Apkeláneyákpek axta aqsa etnahágkok apkelánéyak yántapák, tén han yaqwayam elyekwések chá'a yegmen ma'a énxet'ák, keñe han ma'a ekwatnamáxchexa nak aqsok Wesse' egegkok nak apagkok, cham'a yókxexma Wesse' egegkok axta apkelyéseykha. Makhemek makham apkeltamheykha énxet'ák Gabaón xa ektéma nak.