Números 29:39 - Biblia Enxet

³⁹ “Cháxa aqsok ektekyawa eyéméxko nak chá'a kólmések Wesse' egegkok ekpekkenamaxchexa nak chá'a ekhem élánamáxche, tén han ma'a aqsok kélmésso naqsa nenlane nak chá'a aqsok nenxeyenma anlána', essenhan ma'a aqsok negmésso naqsa negmáheyo egagko' nak agmések, cham'a aqsok élwatnamáxche nak chá'a, essenhan kélmésso naqsa nak aqsok aktek ekyexna kélcheneykekxa, tén han vino, essenhan ma'a aqsok ektekyawa segwetassamo nak sẽlásekheykekxoho.”

Números 29:39 ပူးပေါင်းရင်းမြစ်များ

1 Crónicas 23:31

kélméssek axta agkok chá'a Wesse' egegkok aqsok kélwatno ekhem sábado, tén han pelten aphaxnagkok nak, tén han élánamáxchexa nak chá'a kélessawássessamo ekyawe, elanaksek axta chá'a aqsok Wesse' egegkok, cham'a apwánxa axta chá'a eknaqtáxésamaxche apkelwesey.

2 Crónicas 31:14

Keñe axta Coré, apteme axta levita, Imná axta apketche, aptaqmelchesso axta chá'a m'a átog ekyetno nak ekteyapmakxa ekhem, kélteméssesa apkeltaqmelchesso m'a aqsok kélmésso naqsa, kélmáheyo kélagko' nak chá'a kólmések ma'a Dios, tén han apkexpánchesso chá'a m'a aqsok kélmésso nak Wesse' egegkok, tén han ma'a aqsok kélpagkanchesso nak Dios.

2 Crónicas 31:3

Apkelméssek axta han aqsok apnaqtósso m'a wesse' apwányam yaqwayam kalwatnaxchek chá'a axto'o tén han taxnám, keñe han yaqwayam chá'a kalwatnaxchek ma'a ekhem sábado, tén han ma'a kélessawássessamo nak ma'a pelten apketkok, tén han ma'a kélessawássessamo élánamáxche nak chá'a kélpeykessamo Wesse' egegkok, ekhawo ektémakxa nak eknaqtáxésamaxche m'a Wesse' egegkok segánamakxa apagkok.

Esdras 3:4

Apkelánegkek axta han ma'a kélessawássessamo nak kélpakxeneykegkaxa yenta'a aktegák étkók, ektémakxa nak ektáxésamaxche m'a segánamakxa. Apkelméságkek axta chá'a yókxoho ekhem ma'a ekwánxa nak chá'a élwatnamáxche m'a aqsok kélnaqtósso, ekwánxa nak chá'a élwatnamáxche yókxoho ekhem.

Esdras 3:5

Apkelánegkek axta han ma'a kélnaqtósso élwatnamáxche nak chá'a yókxoho ekhem, tén han ma'a pelten aphaxnagkok nak, ekxegexma nak chá'a m'a kélessawássessamo ekpagkanamaxche apagkok nak Wesse' egegkok, tén han ma'a énxet apmáheyo apagko' nak chá'a egkések ma'a Wesse' egegkok.

Nehemías 10:33

keñe han ma'a kelpasmaga kélpekkenweykekxa nak chá'a aphakxa Wesse' egegkok, tén han ma'a aqsok kélmésso naqsa kélseykekxa nak chá'a yókxoho ekhem ma'a aqsok aktek ekyexna kélcheneykekxa, tén han ma'a aqsok kélnaqtósso kélwatno nak chá'a yókxoho ekhem, tén han kélnapma nak chá'a ekhem sábado, tén han ma'a pelten aphaxnagkok, tén han ma'a mók kélessawássessamo kélpeykessamo nak chá'a Wesse' egegkok; tén han ma'a aqsok kélmésso naqsa mók ektémakxa nak chá'a, tén han kélnaqtósso ektekyawa yaqwayam megkólyaqmagkásekxeyk apkeltémakxa melya'assáxma m'a énxet'ák Israel, tén han ma'a ekyókxoho aqsok kélmeykha nak chá'a kólpeykeshok Wesse' egegkok ma'a Dios nak tegma appagkanamap apagkok.

Isaías 1:14

Ataqnawhok ko'o m'a kélessawássessamo nak chá'a pelten apketkok tén han ma'a kélaqneykekxexa nak chá'a; ¡aqsok ekyentaxnéssamo ewáxok tamheykekxa', eyampóssegke'!

Levítico 23:2

“Etne sa' elának israelitas se'e: Keso ekhem kélpagkanchessamakxa nak chá'a m'a Wesse' egegkok, kóltéhek sa' kéxegke nélpeykessamókxa Wesse' egegkok.

Levítico 23:28

Nágkóllána aqsa xama enxoho kéltamheykha xa ekhem nak, hakte ekhem megkólyaqmagkáseykekxa nentémakxa xa, yaqwánxa sa' chá'a kólwetak kéxegke megkólyaqmagkáseykekxa kéltémakxa, nápaqtók Dios Wesse' kélagkok.

Levítico 23:38

tén han ma'a ekhem néllókassamakxa nak chá'a nélyampe, ekxeyenweykekxexa nak chá'a egwáxok ma'a Wesse' egegkok, tén han ma'a aqsok kélmésso naqsa nak chá'a, tén han ma'a kéltennasso nak kólmések, essenhan ekxeyenma agko' nak chá'a kélwáxok kéxegke kóllána'.

Levítico 7:11

“Keso segánamakxa ektémakxa nak chá'a élánamáxche kélnaqtósso ektekyawa ekyaqmageykekxa nak nélásekhamaxchekxoho, kélseykekxésso nak chá'a Wesse' egegkok:

Amós 5:22

Mómenyeyk ko'o m'a aqsok kélwatno sélwatnésso nak chá'a ko'o, tén han ma'a sélmésso naqsa nak chá'a aqsok aktek ekyexna kélcheneykekxa; malmehek sa' ko'o takha' m'a weyke étkók eknaqmele kélnapma ekwetassamól'a chá'a kélásekhamaxchekxoho.

Números 28:2

“Yána sa' chá'a ko'o hesantagkasek kelpasmaga m'a israelitas, tén han aqsok sélmésso naqsa apkelwatno ekhem élánamáxchexa nak chá'a kélessawássessamo, yaqwayam sa' katnehek aqsok sélmésso naqsa ekmátsa nak ekpaqneyam atekhánek ko'o.

Números 29:38

Kólmések sa' nahan xama yát'ay apkennawo', yaqwayam emátog, etnehek apwetasso megkólyaqmagkáseykekxa megkólya'assáxma, tén han ma'a élwatnamáxche nak chá'a yókxoho ekhem, yetlo m'a ekyepetche nak chá'a aqsok kélmésso naqsa aqsok aktek ekyexna kélcheneykekxa, tén han vino.

Números 29:40

Apkeltennássek axta Moisés israelitas ekyókxoho m'a apkeltamhókxa axta etnehek ma'a Wesse' egegkok.

Números 6:21

“Cháxa segánamakxa agkok élpagkanchásamáxche nak Wesse' egegkok, eñama ekmésso ekpeywa yaqwayam katnahagkok nazareo, cháxa élmésso naqsa aqsok eyéméxko nak han chá'a kalsakxa', tén han ma'a mók aqsok élewagkexa nak chá'a kalmések. Kalanagkok sa' nahan chá'a m'a élxeyenma nak chá'a kalanagkok, ekhawo m'a ekxénamaxchexa nak chá'a katnehek ma'a nazareo.”

Deuteronomio 12:6

Sa' nahan chá'a kólnápok aqsok kélnaqtósso m'a tén han kólwatnek chá'a eñama megkólwagqayam ma'a. Sa' nahan chá'a kólsakxak aqsok kélpekkenma nak chá'a ekwayam diez xama aqsok kélagkok kélwete eñama kéltamheykha m'a, tén han ma'a aqsok kéláncheseykekxa nak chá'a kélnegkenma, tén han ma'a aqsok kéltennasso nak chá'a kóllának ma'a Dios tén han ma'a aqsok kélmésso naqsa nak chá'a Dios ekxeyenma agko' nak chá'a kélwáxok kólmések, ekhawo nahan ma'a émha amonye' ekwete étkók nak ma'a kélnaqtósso weyke tén han ma'a nepkések.