Números 29:17 - Biblia Enxet

¹⁷ “Doce weyke étkók kelennay'a sa' kólmések ma'a ektáhakxa nak ánet ekhem tén han apqánet nepkések apkelennay'a tén han catorce nepkések apketkók xama apyeyam apagkok, meyke nak ektemegweykmohóxma apyempehek.

Números 29:17 ပူးပေါင်းရင်းမြစ်များ

Salmos 40:6

Mopmenyeyk xép ma'a kélnaqtósso ektekyawa nak, tén han ma'a aqsok kélcheneykekxa ekyexna kélmésso naqsa nak chá'a; meltémók han kólsakxések ma'a aqsok kélwatno nak, tén han ma'a aqsok kélmésso naqsa ekmasséssamo nak magya'assáxma. Enegkenchessegkek xép eheyk'ák yaqwayam aña'.

Salmos 69:31

kayágwomhok sa' ekleklamo apwáxok Wesse' egegkok, megkaxók sa' ma'a sekmésa enxoho xama weyke kennawók seyaqhe, essenhan weyke yágkelwána yetlo kepet'ák nak, tén han aphék.

Éxodo 12:5

Xama apyeyam agkok sa' nahan chá'a katnehek ma'a kéltósso nak, tén han kennawo', meyke enxoho ekmaso m'a ekyókxa, xama nepkések essenhan yát'ay apketkok.

Isaías 1:11

Aptáhak Wesse' egegkok se'e: “¿Yaqsa ektáha sélsántegkesa nak ekxámokma kélnaqtósso kélnapma? Élekleykmek ko'o m'a nepkések apkelennay'a nak kélwatno tén han ma'a weyke étkók pexmok agkok nak; ektaqnawágweykmek ko'o m'a weyke kelennay'a nak éma agkok tén han ma'a nepkések apkelennay'a nak tén han ma'a yát'ay apketkók nak éma apagkok.

Oseas 6:6

Wánxa eyke aqsa seyámenyého ko'o kéxegke hélásekhoho', maltamhók hélnáhakkasek ma'a aqsok kélnaqtósso; éltamhók kólya'asagkohok sektáha ko'o Dios, maltamhók hélwatnések ma'a aqsok kélnaqtósso.

Levítico 23:36

Kólwatnések sa' chá'a aqsok kélmésso naqsa Wesse' egegkok ekweykmoho siete ekhem, keñe ekhem ocho, kóllának han chá'a kélaqneykekxa kélpeykessamo, tén han kólwatnések chá'a aqsok kélmésso naqsa m'a Wesse' egegkok. Hakte cháxa kélessawássessamókxa chá'a xa, megkóllanyek sa' nahan chá'a kéltamheykha ekyentaxno xama enxoho.

Números 29:13

Trece weyke étkók kelennay'a sa' kólmések émha amonye' ekhem tén han apqánet nepkések tén han catorce nepkések apketkók xama apyeyam apagkok meyke nak ektemegweykmohóxma apyempehek, yaqwayam kólwatnek kólteméssesek ekmátsa nak ekpaqneyam etekhánek ma'a Wesse' egegkok.