Números 28:14 - Biblia Enxet

¹⁴ Ánet litros vino sa' chá'a kólyepetchesek xama m'a weyke kennawók étkok nak sélmésso naqsa, keñe sa' chá'a xama litro náxet mók ma'a xama nepkések apkennawo', tén xama litro chá'a xama m'a nepkések apketkok. Cháxa aqsok élwatnamáxche eyéméxko nak chá'a hélmések ko'o yókxoho pelten apyeyam xa.

Números 28:14 ပူးပေါင်းရင်းမြစ်များ

Esdras 3:5

Apkelánegkek axta han ma'a kélnaqtósso élwatnamáxche nak chá'a yókxoho ekhem, tén han ma'a pelten aphaxnagkok nak, ekxegexma nak chá'a m'a kélessawássessamo ekpagkanamaxche apagkok nak Wesse' egegkok, tén han ma'a énxet apmáheyo apagko' nak chá'a egkések ma'a Wesse' egegkok.

Isaías 1:13

Náhélsantagkas chá'a kaxwók aqsok yaqwayam nak chá'a hélmések ma'a aqsok mékoho nak; mowanchek ko'o atekhánek kaxwók éten agkok ma'a. Kóláneyha chá'a kéxegke énxet'ák elánegwaták kélessawássessamo nak pelten apketkok tén han ma'a sábado, mowanchek eyke ko'o alanha aqsa apkeláneyak apkelsawássessamo m'a énxet'ák, apkeláneykegkoho nak aqsok ekmaso.

Jeremías 48:35

Aptáhak Wesse' egegkok se'e: “Amasséssók sa' ko'o énxet'ák Moab apkelchenátweykekxa nak chá'a néten egkexe, kélpeykessamókxa nak chá'a aqsok kéláyókxa, yaqwayam elmések aqsok apnaqtósso apkelnapma m'a aqsok apkeláyókxa nak tén han elmések ma'a aqsok ánek ekmátsa nak ekpaqneyam éten agkok.”

Ezequiel 46:4

Seis nepkések apketkók tén han xama nepkések apkennawo' meyke nak ekmaso m'a apyókxa, cháxa yaqwayam chá'a elmések ekhem sábado m'a wesse' apkeláneykha nak apchókxa yaqwayam kólwatnek kólteméssesek aqsok sélmésso naqsa ko'o.

Joel 1:13

Kéxegke kélmaxnéssesso nak chá'a Dios énxet'ák apagkok, kéltamheykha nak chá'a ekwatnamáxchexa aqsok, kólántaxnekxa apáwa sẽlwáxaqxo nak, kóllekxagwaha yetlo éllapwámeyak, hakte méko entáhak aqsok kélcheneykekxa ekyexna m'a Dios nak tegma appagkanamap apagkok, tén han vino yaqwayam kóltéhek kélmésso naqsa Dios.

Números 15:5

Keñe han ma'a apnaqtósso apkelnapma nak, épetcheshok sa' nahan chá'a xama litro vino apmésso naqsa chá'a m'a xama nepkések apketkok.

Números 15:9

épetcheshok sa' nahan seis kilos hótáhap, kélyélaqtésso nak kélenchehe ánet litros pexmok égmenek,

Números 28:13

keñe sa' chá'a xama nepkések apketkok, ánet kilos ma'a hótáhap kélyélaqtésso nak kélenchehe pexmok égmenek. Aqsok élwatnamáxche ekmátsa ekpaqneyam xa, sélwatnéssamo nak chá'a ko'o, sektáha nak Wesse' kélagkok.

Números 28:15

Keñe nahan aqsok élwatnamáxche nak chá'a yókxoho ekhem, kólmések sa' chá'a Wesse' egegkok xama yát'ay apkennawo', yaqwayam emátog ekyaqmageykekxa megkólya'assáxma, yetlo m'a vino ekyetlómo nak chá'a aqsok kélmésso naqsa.

Números 28:7

Vino sa' agkok chá'a sélmésso naqsa aqsok, xama litro sa' chá'a katnehek, ekyepetche chá'a m'a xama nepkések apketkok nak. Kólyegkenek sa' kélpakxanma appagkanamap xa vino nak, kólyegkenchesek ma'a Wesse' egegkok.

Números 29:18

Kalanaxchek sa' nahan aqsok kélmésso naqsa aqsok aktek ekyexna kélcheneykekxa tén han vino ekwánxa enxoho chá'a ekxámokma m'a weyke étkók kelennay'a, nepkések apkelennay'a tén han ma'a nepkések apketkók, apkeltamhókxa nak chá'a kóltéhek ma'a Dios.