Números 26:55 - Biblia Enxet

⁵⁵ Xama aqsok sa' eyke katwasaxchek kaxpánchesaxchek ma'a xapop. Exkak sa' chá'a xapop xama énxet ektáhakxa enxoho chá'a apagkok ma'a apyáp.

Números 26:55 ပူးပေါင်းရင်းမြစ်များ

Proverbios 16:33

Etwasagkok chá'a xama aqsok énxet, Wesse' egegkok eyke apxeyenma chá'a m'a ekyókxoho yaqwánxa enxoho kaphemmok.

Proverbios 18:18

Kamassegwók chá'a apkelátegmómap énxet ektawásexko enxoho chá'a xama aqsok yaqwayam kólya'asagkohok ektáha ekpehewayam, kaxpánchesek chá'a m'a apkelenmexamap nak.

Ezequiel 47:22

Katnehek sa' kéltaqmelchessesso yaqwayam kólxewekxak kéxegke xa, tén han ma'a énxet'ák megkatnaha nak kélókxa xamo' apheykha kélnepyeseksa, tén han ma'a ekha nak chá'a apketchek kélnepyeseksa kéxegke. Máxa appalleykemxa apancha'awók sa' kólteméssesek ma'a Israel. Kélexpánchessek sa' agkok xapop nepyeseksa m'a pók aptémakxa nak chá'a énxet'ák Israel, elxawagkok sa' nahan xapop apagkok ma'a.

Números 26:56

Katwasaxchek sa' xama aqsok kamlassaxchek xapop nepyeseksa m'a apxámakxa nak, tén han ma'a aptáhakxa nak apqántawók énxet.”

Números 33:54

Xama aqsok sa' eyke kóltawaksek kólexpánchesek nepyeseksa m'a apyókxoho ektáhakxa nak chá'a apnámakkok apagko' énxet; ekyawakxa xapop sa' chá'a kólmések ma'a apxámakxa enxoho chá'a apnámakkok, keñe sa' ma'a apqántawók nak chá'a, kólmések chá'a ketsék xapop, exkak sa' chá'a xama énxet yetlo apnámakkok apancha'awo' ma'a eyaqhókxa enxoho chá'a ekxeyenma m'a ektawásamáxche nak aqsok.

Números 34:13

Apkeltennássek axta makham Moisés apkeltamhókxa etnahagkok ma'a israelitas, aptáhak axta apkeláneya s'e: “Keso apchókxa yaqwayam sa' kólmelaskok kéxegke kóltawaksek xama aqsok se'e; apchókxa Wesse' egegkok axta apkeltémo kólmések ma'a nueve pók aptémakxa nak énxet'ák, tén han ma'a nápakha apkeleymomap nak.

Números 36:2

—Moisés, apkeltémók axta exchep Wesse' egegkok etwaksek xama aqsok emlaskok xapop nepyeseksa m'a israelitas, cham'a ekpehewayan nak chá'a yaqwayam exka', apkeltémók axta nahan elmésagkok Selofhad axta apketchek kelwán'ák ma'a xapop apagkok axta, cham'a Selofhad ektáha axta negko'o egnámakkok.

Josué 11:23

Apkelmomchek axta Josué m'a ekyókxoho xapop nak, apkeltémókxa axta etnehek Wesse' egegkok ma'a Moisés. Keñe axta apkelmeyáseykegko m'a énxet'ák nak Israel, yaqwayam etnahagkok apagkok. Keñe axta natámen xa ekmassama kempakhakma m'a yókxexma ektaqmeleykekxo apheykha m'a énxet'ák.

Josué 14:2

Xama aqsok axta aptawásegkok apmelassa xapop ma'a nepyeseksa nak nueve pók aptémakxa énxet'ák, tén han ma'a nápakha nak énxet'ák, apkeltémókxa axta Wesse' egegkok etnehek ma'a Moisés.

Josué 17:14

Aptáhak axta apcháneya José aptawán'ák neptámen ma'a Josué: —¿Yaqsa ektéma segméssama nak ketsék xapop? nenxámok negko'o, empasmomchek han chá'a m'a Wesse' egegkok.

Josué 18:6

Appenchásegkek sa' agkok apkexpánchesso siete yókxexma, tén sa' héltennássetak makham ektáhakxa apkelányo m'a xapop nak, keñe sa' ko'o atwaksek xama aqsok nápaqtók ma'a Dios Wesse' egegkok yaqwayam ay'asagkoho' ekpehewayam chá'a xapop kélagkok.

Josué 19:1

Ánet axta entáhak ektawásamáxche aqsok, keñe élpehewokmo apkelxawéyak xapop ma'a Simeón énxet'ák apagkok apnámakkok. Cháxa xapop nak, axta yetnók ma'a kañe' nak xapop apagkok ma'a Judá énxet'ák apagkok,

Josué 19:10

Ántánxo axta táhak ektawásamáxche aqsok, keñe axta élpehewokmo apkelxawéyak xapop ma'a Zabulón énxet'ák apagkok apnámakkok. Weykekxók axta néxa xapop apagkok ma'a yókxexma nak Sarid.

Josué 19:17

Cuatro axta entáhak ektawásamáxche aqsok, keñe élpehewokmo apkelxawéyak xapop apagkok ma'a Isacar énxet'ák apagkok apnámakkok.

Josué 19:24

Cinco axta entáhak ektawásamáxche aqsok, keñe élpehewokmo apkelxawéyak xapop apagkok ma'a Aser énxet'ák apagkok apnámakkok,

Josué 19:32

Seis axta entáhak ektawásamáxche aqsok, keñe axta élpehewokmo apkelxawéyak xapop apagkok ma'a Neftalí énxet'ák apagkok apnámakkok.

Josué 19:40

Siete axta entáhak ektawásamáxche aqsok, keñe axta élpehewokmo apkelxawéyak xapop apagkok ma'a Dan énxet'ák apagkok apnámakkok.