Números 23:7 - Biblia Enxet

⁷ Tén axta Balaam aplegasa s'e ektéma nak amya'a: “Aram axta eñamak seyáneyeykencha'a m'a Balac wesse' apwányam nak Moab, axta eñamak ma'a élámhakxa nak meteymog élekhahéyak ekpayho nak ekteyapmakxa ekhem. Exegma —axta aptáhak seyáneya— yána kaltemégwomhok exma ekmaso énxet'ák Israel, yána kasók apheykha m'a Jacob énxet'ák apagkok.

Números 23:7 ပူးပေါင်းရင်းမြစ်များ

Génesis 10:22

Keso Sem apketchek axta s'e: Elam, Asur, Arfaxad, Lud, tén han Aram.

Génesis 28:2

Emyekxa sa' ma'a Padán-aram, aphakxa nak apyáta' Betuel, ema sa' xama Labán apketche m'a, apyaha nak xép.

Génesis 28:7

apya'ásegkok axta han apmaheykegko axta Jacob ma'a Padán-aram, eñama axta ekteme eyenagko m'a chána.

2 Samuel 21:21

Apkelwanyeyha axta m'a énxet'ák Israel, apchaqhak axta eyke m'a Jonatán, Simá axta apketche, apyáxeg axta m'a David.

2 Samuel 23:9

Eleazar axta aptétéyak ma'a, Dodó axta apketche, apteme axta énxet ahohíta, apteme axta han apkeñama nepyeseksa m'a apqántánxo apkelyennaqte axta. David axta han apxegexma apha m'a yókxexma nak Pas-damim, cham'a apchaqneykekxo axta filisteos apmáheyo yempakhak ma'a, keñe israelitas apkelwátéseykegko.

Job 27:1

¡Naqsók ko'o ektemessásak sekpeywa yetlo sekxeyenma apwesey m'a Dios ekha apyennaqte, memáheyo nak hetaqmelchessásekxak sekha, seyánchessáseykegkoho nak eklo ewáxok,

Job 29:1

¡Katnekxoho annal'a makham setnamakxa axta nano', setaqmelchessama axta chá'a Dios!

Salmos 49:5

¿Yaqsa katnehek ko'o weyk ekwa'a enxoho ekhem ekmaso, sewakha'a enxoho m'a sélenmexma élmasagcha'a nak apkeltémakxa?

Salmos 78:2

Altennaksek sa' ko'o kéxegke aqsok sekyetcháseykekxoho; axének sa' ma'a aqsok eyápomáxko nak kólya'asagkoho', eyeynamo m'a nano' axta.

Proverbios 26:2

Sẽlyemneykha ekmaso meykexho aqsok sensexnenagko, megkáhapwék ma'a ektáha nak chá'a kélyemneykha, máxa m'a kesña'ay apxegányam la'a, tén han ma'a ektémól'a yeptameygmen meyke nak axagkok.

Ezequiel 17:2

“Xép énxet, elya'assásegwom sa' énxet'ák Israel xama aqsok negyetcháseykekxoho.

Ezequiel 20:49

Ektáhak axta ko'o seyátegmowágkokxo s'e: “¡Wesse', exéneykha eyke chá'a ko'o énxet'ák wánxa sekxeyenma chá'a m'a aqsok megkólya'áseyak nak!”

Miqueas 2:4

Kólmeneykmássesek sa' kéxegke kélmeneykmasso sẽnlapwayam ma'a ekhem sa'. Keñe sa' kóltéhek se'e: ‘Ẽlmasséssekmók egagko' negko'o; kélyaqmagkassek pók apagkok ma'a negókxa, ektáha axta apagkok ma'a Wesse' egegkok, meyke kélnókáseykha xama enxoho; kélexpánchessek xapop egagkok nepyeseksa m'a énxet'ák aptáha nak sẽlma.’”

Habacuc 2:6

Elesmaksek sa' eyke apyókxoho pók aptémakxa énxet'ák apkelmomap nak ma'a ektáha nak apkelma, sa' etnehek elmeneykmaksek se'e: “¡Kéxegke la'aye, ekhésso nak aqsok kélagkok ma'a megkatnaha nak aqsok kélagkok! ¿Háxko sa' ekwánxa katnehek apcháncheseykekxa aqsok ekxámokma, apkelma nak kélmassáseykha?”

Números 22:11

appayheykxo exnek ekyókxoho apchókxa énxet'ák apkeleñama m'a Egipto. Apkeltamhók ko'o amhagkok Balac ekmanyehe agko' wának kaltemegwomhóxma m'a, apxéna lapmaxcheyk kexa yepwának emenxenek ektáha enxoho xa ektáha nak, tén han elántekkesek ma'a kañe' xapop apagkok nak.

Números 22:17

Almések sa' ko'o exchep ekxámokma agko' aqsok élmomnáwa, alának sa' nahan chá'a ekyókxoho m'a sélmaxneyakxa enxoho chá'a; exegma sa', elyahakxoho sa' séltémo yának kaltemégwomhóxma ekmaso s'e énxet'ák nak.’

Números 23:18

Tén axta Balaam aplegasa s'e ektéma nak amya'a: “Balac, Sipor apketche, etaqmelchesho sa' apháxenmo sekpeywa.

Números 23:6

Aptaqháwok axta makham ma'a Balaam, apwetágweykxeyk axta Balac apkenmeyncha'a m'a nekha nak apkelwatnakxa aqsok kélnaqtósso, yetlo apkelxegexma'a m'a apyókxoho apkelámha apmonye'e nak moabitas.

Números 24:15

Keñe axta Balaam aplegasa s'e amya'a nak: “Ko'o sekpeywa s'e sekwesey nak Balaam, Beor apketche nak, sekweteyo nak yáxña'akxoho aqsok,

Números 24:21

Apkelwet'ak axta nahan ma'a quenitas, yetlókok axta han aplegasso s'e amya'a nak: “Kéxegke Caín aptawán'ák neptámen: yetneyk eykhe kélyexánegweykekxexa ekyennaqte, kélnegkeneykegkek eykhe kélxanák ma'a neyseksa meteymog, kamasséssók sa' eyke táxa xa kélxanák nak, apkelma sa' ma'a énxet'ák Asiria.”

Números 24:23

Keñe axta aplegasa han se'e amya'a nak: “¿Yaqsa sa' megkatsepek, apkelana sa' Dios xa aqsok nak?

Números 24:3

Tén axta Balaam aplegasa s'e amya'a nak: “Ko'o sekpeywa s'e sekwesey nak Balaam, Beor apketche nak, sekweteyo nak yáxña'akxoho aqsok,

Deuteronomio 23:4

hakte axta elmeyáseykegkok kéxegke yegmen tén han kéltéyak ma'a kélyeykhágweykmo axta m'a xapop apagkok nak, natámen axta kélánteyapma m'a Egipto; apyánmagkassegkek axta nahan yaqwayam elhak kéxegke aqsok ekmaso m'a Balaam, Beor apketche, apkeñama axta m'a yókxexma Petor Mesopotamia.

1 Samuel 17:10

Sakhem ko'o sélenxanakmo séllokásegko sẽlpextétamo israelitas: ¡Héláphásses kélxama yaqwayam sa' alnapaxchek ko'o!

1 Samuel 17:36

Cháxa sektémakxa ko'o waqhek méwa essenhan aqsok nawhak eklo, ko'o sektáha nak xép apkeláneykha wesse'. Kaxhok sa' han ektáhakxa xa filisteo mey'áseyak nak Dios, hakte apkellókaseykegkek chá'a m'a Dios memassegwayam nak sẽlpextétamo apagkok.

1 Samuel 17:45

Aptáhak axta apchátegmowágkokxo David se'e: —Ey'awak xép yetlo sókwenaqte, sawhéwa tén han héwa, ay'ammok sa' eyke ko'o exchep yetlo Wesse' egegkok ekha apyennaqte apwesey, Dios apagkok nak ma'a Israel sẽlpextétamo apagkok, apkellókáseykegko nak chá'a exchep.