Números 22:8 - Biblia Enxet

⁸ Aptáhak axta Balaam apkeláneya s'e: —Kólhakha sa' sekxók axta'a s'e, sa' wátegmowagkok aptáhakxa enxoho ko'o seyáneya Wesse' egegkok apkeltamhókxa atnehek. Apkelhákxeyk axta nahan ma'a apkelámha apmonye'e nak Moab, cham'a aphakxa axta Balaam.

Números 22:8 ပူးပေါင်းရင်းမြစ်များ

1 Reyes 13:8

Apchátegmowágkek axta Dios appeywa aplegasso m'a wesse' apwányam: —Meytlakxeyk ko'o exchep, matwehek han sekto, meynhek han yegmen se'e kañe' nak, megkeyxek sélmésso nekha aqsok apagkok ekhéyak nak se'e tegma apyawe apagkok;

1 Reyes 22:14

Apchátegmowágkek axta Micaías: —¡Wánxa sa' aqsa axének ma'a apkeltamhókxa enxoho axének ma'a Wesse' egegkok! Naqsók xa sektáhakxa nak nápaqtók Wesse' egegkok.

Jeremías 12:2

Xeyep apkeneykekxa m'a, ektémól'a yámet, kaxek chá'a kepmenák, kawanák chá'a, keñe keyxek. Apkelpeywa aqsa chá'a kaltaqmalmakha exénmakha exchep ma'a, keñe m'a apkelwáxok nak, megkaxegkáseykencha'a kaltaqmalmakha apkelwáxok élxéneykha exchep.

Ezequiel 33:31

Keñe elxegmak chá'a m'a énxet'ák ahagkok, elhak chá'a apmonye' exchep, ekhawo m'a aptamheykegkaxal'a chá'a, yaqwayam yeyxhok ma'a appeywa. Makke eláneykegkok chá'a m'a. Elwehenagkohok aqsa chá'a, máxa etnéssesek ma'a ektémól'a xama negmeneykmasso ekmátsal'a ageyxho', selyaqye aqsa chá'a kelxéneykha apkelwáxok ma'a.

Números 12:6

aptáhak axta apkeláneya Wesse' egegkok se'e: “Kóleyxho sa' se'e sekmako nak ko'o altennaksek: Apyetneyk agkok kélnepyeseksa kéxegke xama aplegasso sekpeywa, axekmósaxkohok chá'a ko'o, apwanmagko nahan chá'a ko'o alpaqhetchesaxkoho';

Números 22:18

Aptáhak axta Balaam apchátegmowágkokxo s'e: —Hélmések sa' eykhe ko'o Balac ekyókxoho sawo' élyátekto élmomnáwa, tén han sawo ekmope élmomnáwa ekláneyo m'a apxagkok aptaqmalma, mowanchek eyke ko'o ayeykhágwomhok ma'a apkeltémókxa nak antéhek Dios Wesse' ahagkok, alának ma'a aqsok ekyawe, tén han ma'a ketse nak.

Números 22:38

Aptáhak axta Balaam apchátegmowágkokxo s'e: —Ekwa'ak eyke kaxwók aphakxa exchep. Mowanchek eyke axének ma'a sekmámenyého ahagko' nak axének; eyke aqsa wánxa ewanchek chá'a axének ma'a séltennasso enxoho chá'a m'a Dios.

Números 22:7

Apkelxegkek axta m'a apkelámha amonye'e nak Moab, tén han ma'a Madián yetlo apkelso selyaqye, yaqwayam eyánmagkasek ma'a kéltémo nak hentemegwomhóxma ekmaso. Xama axta apkelwokmo m'a aphakxa nak Balaam, apkeltennáseyha axta m'a aptáhakxa axta appeywa apcháphássesso m'a Balac.

Números 22:9

Apxekmowásékpók axta Dios ma'a Balaam. Aptáhak axta apkelmaxneyáncha'a s'e: —¿Yaqsa énxet xa apháncha'a nak xamók xép?

Números 23:12

Aptáhak axta Balaam apchátegmowágkokxo s'e: —Wánxa eyke aqsa ko'o ewanchek axének ma'a apkeltémo nak axének ma'a Wesse' egegkok.

Números 23:3

Tén axta Balaam aptáha apcháneya Balac se'e: —Exa sa' se'e nekha nak ekhágkaxa kélnaqtósso apkelwatno, axog sa' sekxók ko'o, alanyexmakha m'a Wesse' egegkok. Keñe sa' altennáseták ma'a sey'assásegwayam enxoho ko'o. Apxegkek axta Balaam apmahágko m'a étseksek egkexe meykexa nak énxet,

Números 24:13

hélmések sa' eykhe ekyókxoho sawo élyátekto élmomnáwa, tén han ma'a sawo élmope élmomnáwa ekhágko nak apxagkok, mowanchek eyke ko'o malyahakxék appeywa m'a Wesse' egegkok, mowanchek nahan ko'o alának ahagkok ahagko' ma'a aqsok ektaqmela nak essenhan ma'a aqsok ekmaso nak, wánxa eyke aqsa ewanchek axének ma'a apkeltémo nak axének ma'a Wesse' egegkok.